完整藏文原文 · 德格版页 当前仅加载第 12 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
པར་སྦྲེལ་ཏེ་དུར་ཁྲོར་དུ་བོར་བ་དང་། དགེ་སློང་ཞིག་དུར་ཁྲོད་ན་མི་རོ་ལ་རྟོག་ཅིང་འདུག་པ་དེས་མཐོང་སྟེ་འདོད་པའི་ཆོས་སྐྱེས་ནས་དེ་ནས་འདི་ལྟར་དེ་ཉིད་དུ་གཞུག་སྙམ་སྟེ་རྨ་ཁར་བཙུགས་པ་དང་། དེ་ལངས་ཏེ་འདུག་ནས། བཙུན་པ་སྔོན་དུ་ཆུ་ཅིག་སྩོལ་ཅིག་ཅེས་སྨྲས་པ་དང་།
D7a.012.0296b01.01དེས་དེ་ལ་ཆུ་བླུད་ནས། དེས་སྨྲས་པ། བཙུན་པ་ཁོ་མོའི་ལུས་དང་མངལ་མི་གཙང་བ་འདི་ཅིར་དགོས། དེས་དེ་ནས་གནངས་ཀྱི་བར་དུ་བཟུང་བ་དང་དེའི་གཉེན་བཤེས་རྣམས་འོང་བ་དགེ་སློང་དེས་རྒྱང་ནས་མཐོང་སྟེ་ངོ་ཚ་བས་ཕྱོགས་གཅིག་ཏུ་སོང་བ་དང་། དེས་གཉེན་བཤེས་
D7a.012.0296b02.01དེ་དག་ལ་སྨྲས་པ། ཁོ་མོ་འདི་ལྟར་ཅུང་ཟད་འཚོ་བ་དེ་ཐམས་ཅད་དགེ་སློང་འདིའི་མཐུ་ཡིན་གྱིས་དེ་བོས་ཤིག་ཅེས་དེས་སྨྲས་པ་དང་། དེ་དག་གིས་བོས་ནས་དེས་སྨྲས་པ། བཙུན་པ་ཁོ་མོ་ཅུང་ཟད་འཚོ་བ་དེ་ཐམས་ཅད་ནི་ཁྱོད་ཀྱི་དྲིན་ཏེ་འདི་དག་ནི་ཁོ་མོའི་གཉེན་བཤེས་ལགས་
D7a.012.0296b03.01ན་འདི་དག་གིས་གསོས་ཏེ་སོས་དང་དེ་སྟེ་ཁོ་མོ་ལ་བགྱི་བ་མཆིས་ན་ཁྱིམ་འདི་ན་མཆིས་ཀྱིས་དེར་སྤྱོན་ཅིག་ཅེས་སྨྲས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ།། །།མདོར་
D7a.012.0296b04.01ན། བལ་གླང་ནང་དང་ཁྲོན་པ་དང་། །རེག་དང་གྲུ་ཡང་ནུབ་པ་དང་། །སྐྱེས་པ་དག་དང་སེར་སྐྱ་དང་། །བུད་མེད་བུ་དང་སེར་སྐྱ་དང་། །བཟང་སྐྱེས་ནོར་ཅན་ཕོ་བྲང་སྐྱོང་། །དགེ་སློང་ཕོ་བྲང་འཁོར་སྐྱོང་བལ་གླང་གི་ནང་དུ་སོང་བ་དང་། དེ་གླང་མི་སྲུན་པས་བརྡུངས་ནས་
D7a.012.0296b05.01བུད་མེད་ཀྱི་སྟེང་དུ་འགྱེལ་བ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། ཤེས་པར་བྱོས་ལ་བལ་གླང་གི་ནང་དུ་སོང་ཤིག །དགེ་སློང་ཞིག་ཁྲོན་པ་ཞིགས་པ་ཞིག་ཏུ་བལྟས་པ་དང་། དེར་ལྷུང་ནས་དེར་སྔར་ཡང་བུད་མེད་ཅིག་
D7a.012.0296b06.01ལྷུང་བ་དེའི་མགུལ་ནས་འཇུས་སོ། །ཁྱིམ་བདག་དག་གིས་ཐག་པ་བླངས་ཏེ་དགེ་སློང་དེ་ཕྱུང་བ་དང་། དེའི་མགུལ་ནས་བུད་མེད་ཅིག་གིས་འཇུས་པར་མཐོང་ནས་དེ་དག་གིས་བུད་མེད་ཁྱོད་ག་ལས་འོངས་ཞེས་སྨྲས་པ་དང་། དགེ་སློང་གིས་འདི་ནི་སྔར་ལྷུང་བ་ཁོ་བོའི་མགུལ་ནས་
D7a.012.0296b07.01