完整藏文原文 · 德格版页 当前仅加载第 12 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བསླབ་པའི་གནས་མ་བཅས་པ་ན་ཀ་ལན་ད་ཀའི་བུ་བཟང་བྱིན་གྱིས་ཤིན་ཏུ་འདས་པར་གྱུར་པ་ནི་ཐམས་ཅད་ཀྱང་ལས་དང་པོ་པ་ཡིན་ཏེ། ལས་དང་པོ་པ་ལ་ནི་ཉེས་
D7a.012.0289a01.01པ་མེད་དོ། །དགེ་སློང་རྡོ་རྗེའི་བུ་ཞེས་བྱ་བས་བསླབ་པ་མ་ཕུལ། བསླབ་པ་ཉམས་པ་མ་བཤགས་པར་ཁྱིམ་པར་གྱུར་ཏེ། དེས་དེ་ན་མི་ཚངས་པར་སྤྱོད་པ་འཁྲིག་པའི་ཆོས་བྱས་ནས་དེ་འདི་སྙམ་དུ་གྱུར་ཏོ། །རེ་ཞིག་དགེ་སློང་རྣམས་ལ་དྲིས་ལ་དེ་སྟེ་བདག་རབ་ཏུ་འབྱུང་ཞིང་བསྙེན་
D7a.012.0289a02.01པར་རྫོགས་པར་རུང་ན་ནི་རབ་ཏུ་འབྱུང་ངོ་། །དེ་སྟེ་མི་རུང་ན་འདི་ཉིད་ན་འདུག་གོ་སྙམ་བསམས་ནས་དེས་དེ་ལྟར་གྱུར་པ་ནས། བཅོམ་ལྡན་འདས་ཀྱིས་བཀའ་སྩལ་པའི་བར་དུ་རྒྱས་པར་བྱས་ཏེ། དགེ་སློང་དག་བསླབ་པ་མ་ཕུལ་བསླབ་པ་ཉམས་པ་མ་བཤགས་པར་ཁྱིམ་པའི་
D7a.012.0289a03.01དངོས་པོར་གྱུར་ཏེ་མི་ཚངས་པར་སྤྱོད་པ་འཁྲིག་པའི་ཆོས་ལ་བསྟེན་ན་གང་ཟག་དེ་སླར་ཡང་རབ་ཏུ་འབྱུང་ཞིང་བསྙེན་པར་རྫོགས་པར་མི་རུང་གིས་དེ་བཞིན་དུ་བསླབ་པའི་གནས་བཤད་པར་བྱའོ། །ཡང་དགེ་སློང་གང་བསླབ་པ་མ་ཕུལ་བསླབ་པ་ཉམས་པ་མ་བཤགས་བཞིན་དུ་མི་ཚངས་
D7a.012.0289a04.01པར་སྤྱོད་པ་འཁྲིག་པའི་ཆོས་བྱས་ན་དགེ་སློང་དེ་ཡང་ཕས་ཕམ་པ་ཡིན་གྱིས་ལྷན་ཅིག་མ་གནས་ཤིག །དགེ་སློང་གཅིག་པུ་ཞིག་དགོན་པ་ན་འདུག་སྟེ་དེ་ལས་མི་རིང་བ་ཞིག་ན་བལ་གླང་མོ་ཞིག་ལ་བུ་བྱུང་སྟེ། བལ་གླང་མོ་དེ་ལས་བེའུ་མོ་ཞིག་བྱུང་ངོ་། །དེའི་མ་དེ་ནི་ཟས་ལ་སོང་ནས་དགེ་
D7a.012.0289a05.01སློང་དེས་རྩྭ་བླངས་ཏེ་དེ་ལ་རྩྭ་བྱིན་ཆུ་བླུད་པ་དང་། དེས་དེ་འདུག་པ་ལ་མོ་མཚན་བྱེ་བར་མཐོང་སྟེ། དེས་དེ་མཐོང་ནས་ཆགས་པར་གྱུར་ཏེ་དེར་ལོག་པར་ཞུགས་པ་དང་། དེ་ངོ་ཚ་བའི་ཆོས་སུ་གྱུར་ནས། དེས་བདག་ཕས་ཕམ་པའི་ཉེས་པ་མ་བྱུང་གྲང་སྙམ་བསམས་ནས་ཐེ་ཚོམ་སྐྱེས་ཏེ།
D7a.012.0289a06.01དེས་དེ་ལྟ་བུར་གྱུར་པ་དགེ་སློང་རྣམས་ལ་སྨྲས་པ་ནས་རྒྱས་པར་བརྗོད་དེ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེར་རེག་པར་མ་གྱུར་པས་ཕས་ཕམ་པའི་ཉེས་པ་ནི་མེད་ཀྱི་ཉེས་པ་སྦོམ་པོར་འགྱུར་རོ། །ནམ་བལ་གླང་གི་ཕྲུ་གུ་དེ་ཆེན་པོར་གྱུར་པ་དང་། དེས་དེའི་
D7a.012.0289a07.01