完整藏文原文 · 德格版页 当前仅加载第 12 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
བྱིན་གྱིས་མ་བརླབས་པ། །མི་རུང་བ་དང་དུས་ལས་འདས། །མཚན་དང་བཞི་བརྒྱུད་གསུམ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགུང་བཅུ་ལས་འདས་པའི་གོས་ཀྱང་དེ་ཉིད་ལགས་ལ་དེ་ཉིད་དགུང་
D7a.012.0114a01.01གཅིག་གིས་བྲལ་བར་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟ་ཡང་དགེ་སློང་དེས་གོས་ཀྱི་རྒྱུན་མ་ཆད་པར་ཞག་བཅུ་པོའི་ཐ་མ་ལ་གོས་ཤིག་རྙེད་དེ་དེས་གོས་དེ་བྱིན་གྱིས་བརླབས་ནས། མཚམས་ཀྱི་ཕྱི་རོལ་དུ་གོས་དེ་མེད་པར་སྐྱ་རེངས་ཤར་ན་གོས་དེ་ནི་ཞག་
D7a.012.0114a02.01བཅུ་འདས་ཤིང་ནུབ་གཅིག་བྲལ་བའོ། །བཙུན་པ་དགེ་སློང་གིས་སྤང་བའི་གོས་སྟོར་བར་གྱུར་ན་ནོངས་པ་བཤགས་པར་བགྱིའམ། ཨུ་པཱ་ལི་བཤགས་པར་བྱའོ། །ནོངས་པ་བཤགས་ནས་རྙེད་པ་སྤང་ངམ། ཨུ་པཱ་ལི་མ་ཡིན་ནོ། །བཙུན་པ་དགེ་སློང་གིས་སྤང་
D7a.012.0114a03.01བའི་གོས་མེས་ཚིག་གམ། ཟོས་པར་གྱུར་ན་དུམ་བུ་དེ་ཡང་སྤང་བར་བགྱིའམ། ཨུ་པཱ་ལི་མ་ཡིན་ཏེ། ཉེས་པ་འབའ་ཞིག་བཤགས་པར་བྱའོ། །འོན་ཏེ་ཁྲུ་གང་གྲུ་བཞི་ཡན་ཆད་ལུས་པར་གྱུར་ན་སྤང་བར་བྱའོ། །བཙུན་པ་དགེ་སློང་གིས་གོས་རྙེད་མ་ཐག་ཏུ་སེམས་
D7a.012.0114a04.01འཁྲུགས་པར་གྱུར་ན་གང་ནས་བཟུང་སྟེ། དེའི་དགུང་བཅུར་བགྲང་བར་བགྱི། ནམ་རང་གི་སེམས་ཕྱིར་རྙེད་པ་ནས་གཟུང་ངོ་། །བཙུན་པ་དགེ་སློང་གིས་གོས་བརྒྱད་དམ་དགུ་ཞིག་བྱིན་གྱིས་མ་བརླབས་མ་བསྔོས་པར་ནམ་འཚོའི་བར་དུ་བཅངས་ན་ནོངས་པར་མི་འགྱུར་
D7a.012.0114a05.01བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་གིས་ཉི་མ་རེ་རེ་ཞིང་གོས་ལས་སླར་ཕྱུང་སྟེ་གཞན་ལ་བྱིན་གྱིས་རློབ་པའོ། །བཙུན་པ་བཅོམ་ལྡན་འདས་ཀྱིས་དགུང་བཅུ་འདས་ན་གོས་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་གོས་
D7a.012.0114a06.01དགུང་བཅུ་ལས་ལྷག་པར་བཅངས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་གོས་ཀྱི་རྒྱུ་རུང་བར་གྱུར་ལ་སྤུན་མི་རུང་བར་གྱུར་པ་དང་། རྒྱུ་མ་རུང་བར་གྱུར་ལ་སྤུན་རུང་བར་གྱུར་པ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་
D7a.012.0114a07.01