完整藏文原文 · 德格版页 当前仅加载第 12 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
མིའི་འགྲོ་བ་མ་གཏོགས་པར་དེ་ལས་འགྲོ་བ་གཞན་དུ་གནས་པ་རྣམས་ཀྱི་སྒོ་གཏན་གཅིག་པུ་ལས་འདས་ན་ཉེས་བྱས་སུ་འགྱུར་རོ། །བཙུན་པ་བསླབ་པ་སྩལ་བས་ནམ་མ་ནངས་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་མ་བསྡུས་པར་སྒོ་གཏན་
D7a.012.0227a01.01ཉི་ཚེ་ལས་འདས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་ནམ་མ་ནངས་སྐྱ་རེངས་མ་ཤར་ལ་རིན་པོ་ཆེའམ། རིན་པོ་ཆེར་གཏོགས་པ་རྣམས་མ་བསྡུས་པར་སྒོ་གཏན་ཉི་ཚེ་ལས་འདས་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་
D7a.012.0227a02.01རྣམས་ལ་ཉེས་བྱས་སུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པ་སེམས་འཁྲུགས་ན་བ་དང་། །འོན་པ་གླེན་པ་གཉིད་ལོག་དང་། །ར་རོ་བ་དང་མྱོས་པ་དང་། །སྙོམས་ཞུགས་འགྲོ་བ་ཐ་མའོ། །སངས་རྒྱས་
D7a.012.0227a03.01བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་བཤད་པ་ཀློག་པའི་ཚེ་འདི་སྐད་དུ་ཚེ་དང་ལྡན་པ་བདག་གིས་ཇི་ལྟར་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་པར་ད་གདོད་
D7a.012.0227a04.01འཚལ་ཏོ་ཞེས་སྨྲས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་འདི་སྐད་དུ་ཚེ་དང་ལྡན་པ་བདག་གིས་ཇི་ལྟར་ཆོས་འདི་དག་མདོ་སྡེར་གཏོགས་ཤིང་། མདོ་སྡེར་འདུས་པར་ད་གདོད་འཚལ་ཏོ་ཞེས་མཆི་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་
D7a.012.0227a05.01ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་ནས་དེ་སྐད་སྨྲས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་སྨྱོན་པ་ལ་འདི་སྐད་དུ་ཚེ་དང་ལྡན་པ་བདག་གིས་ཆོས་འདི་དག་མདོ་སྡེར་གཏོགས་ཤིང་མདོ་སྡེར་འདུས་
D7a.012.0227a06.01པར་ད་གདོད་འཚལ་ཏོ་ཞེས་མཆི་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། གཉིད་ལོག་པ་དང་། ར་རོ་བ་དང་། མྱོས་པ་དང་། འགྲོ་བ་གཞན་དུ་གནས་པའི་དགེ་སློང་རྣམས་
D7a.012.0227a07.01