完整藏文原文 · 德格版页 当前仅加载第 12 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་ན་སོ་སོར་བཤགས་པར་བགྱི་བའོ་ཞེས་གསུངས་ན། བཙུན་པ་དགེ་སློང་གིས་བསླབ་པའི་སྡོམ་པ་སྩལ་བ་ལས་ཕྲིན་གྱིས་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་
D7a.012.0233a01.01གཅིག་ཏུ་བརྒྱུད་ནས་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་སྨྱོན་པའི་གྲོང་ནས་བཟའ་བ་དང་བཅའ་བ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་།
D7a.012.0233a02.01ལྐུགས་པ་དང་། འོན་པ་དང་། མ་ནིང་དང་། མ་ནིང་མོ་དང་། འགྲོ་བ་གཞན་དུ་གནས་པ་རྣམས་ལས་བཅའ་བ་དང་བཟའ་བ་བླངས་ཏེ་ཟོས་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། གཞན་གྱིས་གཞན་ཕྱིར་དེ་བཞིན་ཏེ། །སྔགས་དང་ཁ་ཟས་དང་མི་རུང་དང་། །མགྲོན་པོས་མཚན་ཀྱང་དེ་བཞིན་
D7a.012.0233a03.01ཏེ། །དེ་ལྟར་བཞི་པ་དགེ་སློང་མའོ། །བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་གཞན་གྱིས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསླབ་པའི་སྡོམ་པ་སྩལ་པའི་གྲོང་ནས་གཞན་གྱི་སླད་དུ་བཅའ་བ་དང་བཟའ་བ་བླངས་ཏེ་བདག་
D7a.012.0233a04.01ཉིད་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྔགས་སམ་སྨན་གྱིས་བདག་མི་སྣང་བར་བསྒྱུར་ཏེ་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་ཟན་མ་གཏོགས་
D7a.012.0233a05.01པར་དེ་ལས་གཞན་པའི་བཅའ་བ་དང་། བཏུང་བ་དང་། བཞིབ་པ་དང་། བལྡག་པ་ལ་སོགས་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་མི་རུང་བའི་ཟས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསླབ་པའི་
D7a.012.0233a06.01སྡོམ་པ་སྩལ་བའི་གྲོང་ནས་བདག་གི་སུག་པས་བཅའ་བ་དང་བཟའ་བ་བླངས་ཏེ་འཚལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་དགེ་སློང་སྔར་གྲོང་དུ་མགྲོན་དུ་བོས་པར་གྱུར་ལ་དེའི་འོག་ཏུ་དགེ་འདུན་གྱིས་བསླབ་པའི་སྡོམ་པ་བྱིན་པར་གྱུར་པའོ། བཙུན་
D7a.012.0233a07.01