完整藏文原文 · 德格版页 当前仅加载第 12 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
དུས་ལ་དུས་སུ་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །ཟས་ལ་ཟས་སུ་འདུ་ཤེས་ཏེ་འཚལ་ན་ཅིར་འགྱུར། ལྟུང་བའོ། །ཟས་ལ་ཟས་མ་ལགས་པར་འདུ་ཤེས་ཏེ་ཟོས་ན་ཉེས་པ་མེད་དོ། །ཟས་མ་ལགས་པ་ལ་ཟས་སུ་འདུ་ཤེས་ཏེ་འཚལ་ན་ཅིར་འགྱུར།
D7a.012.0182a01.01ཉེས་བྱས་སོ། །ཟས་མ་ལགས་པ་ལ་ཟས་མ་ལགས་པར་འདུ་ཤེས་ཏེ་འཚལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་དུས་མ་ལགས་པར་བཅའ་བ་དང་། བཟའ་བའི་རྣམས་འཆོས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གླིང་གསུམ་
D7a.012.0182a02.01དང་། ལྷའི་གནས་སུ་ཡང་འཛམ་བུའི་གླིང་གི་དུས་སུ་ཟོས་པའོ། །བཙུན་པ་དགེ་སློང་གིས་དུས་མ་ལགས་པར་བཅའ་བ་དང་བཟའ་བའི་རྣམས་འཚལ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དུས་མ་ལགས་པར་བཅའ་བ་
D7a.012.0182a03.01དང་བཟའ་བ་རྣམས་འཚལ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་དུས་མ་ལགས་པར་བཅའ་བ་དང་། བཟའ་བའི་རྣམས་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཟས་དང་བཅས་པའི་བཅའ་བ་དང་
D7a.012.0182a04.01བཟའ་བའི་རྣམས་མ་གཏོགས་པར་གང་དེ་ལས་གཞན་པའི་བཟའ་བ་རྣམས་སྨན་དུ་བྱ་བའི་ཕྱིར་གྱི་ཟས་ཀྱི་ཕྱིར་མ་ཡིན་པའོ། །བཙུན་པ་དགེ་སློང་གིས་སྐད་ཅིག་སྤྱད་པས་ལྟུང་བས་ལྟུང་བ་བཞིར་འགྱུར་བ་མཆིས་སམ། ཨུ་པཱ་ལི་ཡོད་དེ། མ་བྱིན་པ། མི་རུང་བ། བཞག་པར་
D7a.012.0182a05.01གྱུར་པ། དུས་མ་ཡིན་པར་ཟ་བའོ། །བཙུན་པ་བཅོམ་ལྡན་འདས་ཀྱིས་ནད་པ་ལ་ཟས་ངན་པ་སྩོལ་ཅིག་ཅེས་གསུངས་པ་དེ་ནི་ཇི་ལྟ་བུ་ཐལ་བ་དང་། ས་དང་། ཚན་བུ་དང་། གཅིན་ནོ། །བཙུན་པ་འདི་ཐམས་ཅད་ཅི་དུས་མ་ལགས་པར་རུང་ངམ། ཚན་བུ་མ་གཏོགས་པར་
D7a.012.0182a06.01གཞན་ཐམས་ཅད་ནི་དུས་མ་ཡིན་པར་རུང་ངོ་། །བཙུན་པ་བསླབ་པ་སྩལ་བས་དུས་མ་ལགས་པར་བཅའ་བ་དང་བཟའ་བའི་རྣམས་འཚལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་དུས་མ་ལགས་པར་བཅའ་བ་དང་། བཟའ་བའི་རྣམས་འཚལ་ན་ཅིར་འགྱུར། ལྟུང་
D7a.012.0182a07.01