完整藏文原文 · 德格版页 当前仅加载第 12 函德格 288b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་དོ། །བཙུན་པ་བཅོམ་ལྡན་འདས་ཀྱིས་ལྕགས་རྣམ་པ་བརྒྱར་གྱེས་པའི་དུམ་བུ་ཡང་བཙལ་བར་བྱའོ་ཞེས་གསུངས་ན། ལྕགས་ཀྱི་དུམ་བུ་ཞེས་བགྱི་བ་གང་ལགས། དད་པ་བཙལ་བར་བྱ་བ་དང་། མོས་པ་བཙལ་བར་བྱ་བ་དང་། འདུམ་པ་བཙལ་བར་བྱ་བ་དང་། དགེ་འདུན་
D7a.012.0288b01.01འདུས་པ་བཙལ་བར་བྱ་སྟེ། དགེ་འདུན་དབྱེ་བའི་ཕྱིར་ནི་བཙལ་བར་མི་བྱའོ། །བཙུན་པ་དགེ་འདུན་བྱེ་སྟེ་ཕྱོགས་དང་ཕ་རོལ་གྱི་ཕྱོགས་སུ་གནས་ན་གཏན་པ་གང་གིས་དབྱུང་བར་བགྱི། ཉེ་བར་མ་ཕྱོགས་པ་རྣམས་ཀྱིས་སོ། །བཙུན་པ་མ་ནིང་ཞིག་གིས་དགེ་འདུན་ཕྱེ་ན་ཕྱེ་བ་ཞེས་
D7a.012.0288b02.01བགྱིའམ། ཨུ་པཱ་ལི་མ་ཡིན་ནོ། །བཙུན་པ་དེ་བཞིན་དུ་དགེ་སློང་མ་སུན་ཕྱུང་བ་ནས། བསླབ་པ་སྩལ་བའི་བར་དུ་རྒྱས་པར་དེ་དག་གིས་དགེ་འདུན་ཕྱེ་ན་དགེ་འདུན་ཕྱེ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་སྨྱོན་པ་ཞིག་གིས་དགེ་འདུན་ཕྱེ་ན་དགེ་འདུན་ཕྱེ་བ་ཞེས་བགྱིའམ།
D7a.012.0288b03.01ཨུ་པཱ་ལི་མ་ཡིན་ནོ། །བཙུན་པ་དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་རྣམས་ཀྱིས་དགེ་འདུན་ཕྱེ་ན་དགེ་འདུན་ཕྱེ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་ཅིའི་ཕྱིར་ཞེ་ན། ཨུ་པཱ་ལི་རང་བཞིན་དུ་གནས་པ་མ་ཡིན་པས་ནི་
D7a.012.0288b04.01དགེ་འདུན་དབྱེ་བར་མི་ནུས་སོ། །ཇི་ལྟར་དགེ་འདུན་འབྱེད་པ་དེ་བཞིན་དུ་གྲངས་སུ་མི་འགྱུར་བར་ཡང་བརྗོད་པར་བྱའོ། །དགེ་འདུན་གྱི་དབྱེན་གྱི་དངོས་པོ་རྫོགས་ཏེ། ཨུ་པཱ་ལིས་དྲིས་པ་རྫོགས་{སྷོ,སོ}།། །།མདོར་ན། བཟང་བྱིན་རྡོ་རྗེ་འདུ་ཤེས་དང་། །བལ་གླང་མོ་དང་རྒོད་མ་
D7a.012.0288b05.01དང་། །བ་དང་རྔ་མོ་{རི་དགས་,རི་དྭགས་}མོ། །བོང་ལུག་ཁྱི་ཕག་མོ་རྣམས་སོ། །སངས་རྒྱས་བཅོམ་ལྡན་འདས་གྲོང་ཁྱེར་ཡངས་པ་ཅན་ན་སྤྲེའུ་རྫིང་འགྲམ་གྱི་ཁང་བུ་བརྩེགས་པ་ན་ཞུགས་སོ། །ཀ་ལན་ད་ཀའི་བུ་བཟང་བྱིན་ལ་བསླབ་པའི་གནས་མ་བཅས་པས་ལས་དང་པོ་པ་ལ་ཉེས་པ་མེད་པ་
D7a.012.0288b06.01ན་བདག་གིས་བསླབ་པ་མ་བཅས་པའི་ཚེ་ལན་མང་ཞིག་ཏུ་མི་ཚངས་པར་སྤྱོད་པ་འཁྲིག་པའི་ཆོས་བྱས་ན་བདག་གི་ལས་དང་པོ་གང་ཡིན་ཞེས་ཐེ་ཚོམ་དུ་གྱུར་ནས་སེམས་ལ་དོགས་པ་དང་འགྱོད་པ་རྣམས་སྐྱེས་ཏེ། དེས་དེ་ལྟ་བུར་གྱུར་པ་དགེ་སློང་རྣམས་ལ་སྨྲས་ནས། དགེ་སློང་རྣམས་ཀྱིས་
D7a.012.0288b07.01