完整藏文原文 · 德格版页 当前仅加载第 12 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
རྐུན་པོ་གཉིས་དང་གཞན་འདུ་ཤེས། །བདུན་པ་དང་ཡང་ཐ་མའོ། །བཙུན་པ་དགེ་སློང་གིས་དེ་འདི་ཡིན་ནམ་དེ་འདི་མ་ཡིན་ཞེས་ཡིད་གཉིས་དང་ཐེ་ཚོམ་འཚལ་བཞིན་དུ་དེ་ཡང་འཚོ་བ་དང་ཕྲལ་ན་ཅིར་འགྱུར། མཐར་འགྱུར་རོ། །བཙུན་པ་དགེ་སློང་
D7a.012.0098a01.01གིས་བདག་ཉིད་འཚོ་བ་དང་ཕྲལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་ཕ་དང་མ་དགུམ་པར་བཤམས་ནས་བདག་ཉིད་བཀུམ་ན་ཅིར་འགྱུར། དེ་སྟེ་ཕ་མ་སྔར་དུ་དུས་བྱས་ན་མཐར་ཡང་འགྱུར་ལ་མཚམས་མེད་པའི་ཁ་ན་མ་ཐོ་བར་ཡང་འགྱུར་རོ། །
D7a.012.0098a02.01འོན་ཏེ་བདག་ཉིད་སྔར་དུས་བྱས་ན་ཉེས་པ་སྦོམ་པོར་འགྱུར་ཏེ། མཚམས་མེད་པའི་ཁ་ན་མ་ཐོ་བར་ཡང་མི་འགྱུར་རོ། །བཙུན་པ་དགེ་སློང་གིས་དགྲ་བཅོམ་པ་དགུམ་པར་འཚལ་བ་ལས་སོ་སོའི་སྐྱེ་བོ་ཞིག་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་
D7a.012.0098a03.01པ་དགེ་སློང་གིས་སོ་སོའི་སྐྱེ་བོ་ཞིག་དགུམ་པར་འཚལ་བ་ལས་དགྲ་བཅོམ་པ་ཞིག་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་དགྲ་བཅོམ་པ་དགུམ་པར་བཤམས་ནས་སོ་སོའི་སྐྱེ་བོ་ཞིག་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །
D7a.012.0098a04.01བཙུན་པ་དགེ་སློང་གིས་སོ་སོའི་སྐྱེ་བོ་ཞིག་དགུམ་པར་བཤམས་པ་ལས་དགྲ་བཅོམ་པ་འཚོ་བ་དང་ཕྲལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་རྐུན་པོ་ཞིག་དགུམ་པར་བཀྲི་བ་ལས་བྲོས་ཏེ་དེ་ལ་གྲོང་གི་སྙེགས་མའམ་རྒྱལ་པོའི་སྙེགས་མ་ཡང་རུང་ཕྱི་
D7a.012.0098a05.01བཞིན་དུ་བསྙེགས་པ་དང་། དགེ་སློང་ཞིག་ཤུལ་གྱི་མདུན་ནས་མཆི་བ་དེ་ལ་དེ་དག་གིས་ཁྱོད་ཀྱིས་རྐུན་པོ་ཞིག་བྲོས་པ་མཐོང་ངམ་ཞེས་དྲིས་པ་དང་། དགེ་སློང་དེས་རྐུན་པོ་དེ་ལ་གསོད་སེམས་ཉེ་བར་གནས་པར་གྱུར་ནས་དེས་དེ་དག་ལ་བསྟན་ན་ཅིར་འགྱུར། མཐར་འགྱུར་རོ། །
D7a.012.0098a06.01བཙུན་པ་རྐུན་པོ་ཞིག་དགུམ་པར་བཀྲི་བ་ལས་བྲོས་ཏེ་དེ་ལས་གྲོང་གི་སྙེགས་མ་འམ་རྒྱལ་པོའི་སྙེགས་མ་ཡང་རུང་ཕྱི་བཞིན་དུ་བསྙེགས་པ་དང་། དགེ་སློང་ཞིག་ཀྱང་ཤུལ་གྱི་མདུན་ནས་མཆིས་པ་དེ་ལ་དེ་དག་གིས་ཁྱོད་ཀྱིས་རྐུན་པོ་ཞིག་བྲོས་པ་མཐོང་ངམ་ཞེས་དྲིས་པ་དང་། དགེ་
D7a.012.0098a07.01