完整藏文原文 · 德格版页 当前仅加载第 12 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བ་མཆིས་སམ། ཨུ་པཱ་ལི་ཡོད་དེ། དད་པ་བྱིན་པས་སོ། །བཙུན་པ་ལས་བགྱིད་པའི་དགེ་སློང་གནས་གཅིག་ན་མཆིས་པས་གང་ཟག་བཞི་ལ་ལས་བགྱིས་ན་ལས་དེ་ཡང་བགྱིས་པར་འགྱུར་ལ་དགེ་སློང་དེ་དག་ཀྱང་འདས་པ་དང་བཅས་པར་
D7a.012.0270a01.01ཡང་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ལས་བྱེད་པའི་དགེ་སློང་དེ་མཚམས་མནན་མཚམས་བཟུང་ནས་མཚམས་སུ་འགྲེང་ངམ་འདུག་ནས་མཚམས་ཀྱི་ནང་དུ་གཉིས་འདུག །མཚམས་ཀྱི་ཕྱི་རོལ་དུ་གཉིས་འདུག་པ་ལ་ལས་བྱེད་པའོ།། །།མདོར་
D7a.012.0270a02.01ན། མངོན་སུམ་གྱུར་དང་སྔ་མ་དག །ལས་རྣམས་གསུམ་དང་ཤི་བ་དང་། མི་སྤྱད་དང་ནི་བདེ་བ་མཚམས། །ཉེས་པ་ལས་ཀྱང་དེ་བཞིན་ནོ། །བཙུན་པ་བཅོམ་ལྡན་འདས་ཀྱིས་ནི་མངོན་སུམ་དུ་གྱུར་པ་ལ་ལས་རྣམས་གྱིས་ཤིག་ཅེས་གསུངས་ན། བཙུན་པ་དགེ་འདུན་
D7a.012.0270a03.01གྱིས་མངོན་སུམ་དུ་མ་གྱུར་པར་ལས་རྣམས་བགྱིས་ཀྱང་ལས་རྣམས་བགྱིས་པར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་མའི་དགེ་འདུན་གྱིས་ཕྱག་མི་བྱ་བའི་སྡོམ་པའམ་ལོངས་སྤྱོད་དང་བྲལ་བའི་སྡོམ་པ་བྱིན་པ་དང་། དགེ་སློང་གི་
D7a.012.0270a04.01དགེ་འདུན་གྱིས་དགེ་སློང་ལ་སྨྱོན་པའི་སྡོམ་པ་བྱིན་པར་གྱུར་པའོ། །བཙུན་པ་སྔར་ལས་བསྒྲགས་ཏེ་ཕྱིས་གསོལ་བ་བགྱིས་ན་བགྱིས་པ་ཞེས་བགྱིའམ། ཨུ་པཱ་ལི་བྱས་པ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། །བཙུན་པ་བདག་ཉིད་ཀྱིས་
D7a.012.0270a05.01བདག་ཉིད་སྤངས་ན་སྤངས་པ་ཞེས་བགྱིའམ། ཨུ་པཱ་ལི་སྤངས་པ་ཞེས་བྱའོ། །བཙུན་པ་བདག་ཉིད་སྤངས་ཏེ་བདག་ཉིད་ཀྱིས་བདག་ཉིད་ལ་བཟོད་པར་བགྱིས་ན་བཟོད་པ་བགྱིད་པ་ཞེས་བགྱིའམ། ཨུ་པཱ་ལི་བཟོད་པ་བྱས་པ་ཞེས་བྱའོ། །བཙུན་པ་བསྡིགས་པའི་ལས་བགྱིས་པ་
D7a.012.0270a06.01ལ་བསྡིགས་པའི་ལས་བགྱིད་ན་ལས་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ནོ། །དེ་བཞིན་དུ་སྨད་པའི་ལས་བགྱིས་པ་ལ་སྨད་པའི་ལས་བགྱིད་པ་དང་། བསྐྲད་པའི་ལས་བགྱིས་པ་དང་། སླར་བསྡུམ་པའི་ལས་བགྱིས་པ་དང་། མ་མཐོང་བའི་ཕྱིར་སྤངས་པའི་ལས་བགྱིས་
D7a.012.0270a07.01