完整藏文原文 · 德格版页 当前仅加载第 12 函德格 292b 版页；藏文 NFD、目录标记与异常页序保留在来源切片中，重复版页行以稳定序号区分。
ལོག་པ་གཡོས་པ་ཙམ་དུ་གྱུར་པ་ལ་ཕས་ཕམ་པའི་ཉེས་པ་མེད་དེ་ཉེས་པ་སྦོམ་པོར་འགྱུར་རོ། །དགེ་སློང་ཞིག་ཉལ་བ་ན་བུད་མེད་ཀྱིས་བྱས་ཏེ་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཁྱོད་ཀྱིས་ཅི་དགའ་བར་ཚོར་རམ།
D7a.012.0292b01.01གསོལ་བ། དགའ་བར་མ་ཚོར་རོ། །བཅོམ་ལྡན་འདས་ཀྱིས་བཀའ་སྩལ་པ། དགའ་བར་མ་ཚོར་ན་ཉེས་པ་མེད་དོ། །དགེ་སློང་ཉལ་ཞིང་འདུག་པ་ན་བུད་མེད་ཀྱིས་བྱས་ཏེ་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་
D7a.012.0292b02.01ཅི་ཁྱོད་ཀྱིས་ཤེས་སམ། གསོལ་པ། མ་འཚལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཤེས་པ་མེད་ན་ཉེས་པ་མེད་དོ། །དགེ་སློང་ཉལ་བ་ཞིག་འདུག་པ་ལ་བུད་མེད་ཀྱིས་བྱས་ཏེ་དེ་འགྱོད་པ་སྐྱེས་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D7a.012.0292b03.01ཅི་དགེ་སློང་ཁྱོད་ཀྱིས་ཤེས་པའམ། དགའ་བ་ཚོར་བ་ཡོད་དམ། གསོལ་པ། འཚལ་བའང་མ་མཆིས་དགའ་བར་ཚོར་བའང་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤེས་པ་མེད་པ་དང་། དགའ་བར་ཚོར་བ་མེད་པ་ལ་ཉེས་པ་མེད་དོ། །
D7a.012.0292b04.01དགེ་སློང་ལ་ཇི་ལྟ་བར་དགེ་སློང་མ་དང་། དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ལའང་དེ་བཞིན་ནོ། །སྡིག་ཅན་གྱི་དགེ་སྦྱོང་གསུམ་པོས་བུད་མེད་བཟུང་སྟེ་ལམ་ཀུན་དུ་བྱས་ཀྱང་ཉེས་པར་མི་འགྱུར་རོ་ཞེས་སྨྲས་ནས་དེ་དག་གིས་དེའི་ལམ་ཀུན་དུ་བྱས་པ་དང་། དེ་
D7a.012.0292b05.01དག་ཐེ་ཚོམ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། བཅུག་མ་ཐག་ཏུ་ཕས་ཕམ་པར་འགྱུར་རོ། །བུད་མེད་ལ་ཇི་ལྟ་བར་སྐྱེས་པ་དང་། མ་ནིང་ཐམས་ཅད་ལའང་དེ་བཞིན་ནོ།། །།མདོར་ན། བུད་མེད་སྐྱེས་པ་མ་ནིང་དང་། །སུན་ཕྱུང་དགའ་བ་མ་
D7a.012.0292b06.01ཚོར་དང་། །དགོན་པ་གསུམ་དང་རབ་བྱུང་ལྔའོ། །དགེ་སློང་ཞིག་ཉལ་བ་ལ་བུད་མེད་ཀྱིས་བྱས་ཏེ། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ། དགེ་སློང་ཅི་ཁྱོད་ཀྱིས་ཤེས་སམ། གསོལ་པ། མ་འཚལ་ཏོ། །མི་ཤེས་པ་ལ་ཉེས་པ་
D7a.012.0292b07.01