完整藏文原文 · 德格版页 当前仅加载第 12 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དེས་རྐུན་པོ་དེ་ལ་ཡང་གསོད་སེམས་ཉེ་བར་གནས་པར་གྱུར་ཏེ། དེས་དེ་དག་མ་བསྟན་ནས་དེ་དག་གིས་འཚོ་བ་དང་ཕྲལ་ན་ཅིར་འགྱུར། ཉེས་བྱས་སོ། །བཙུན་པ་གཉིས་ལྷན་ཅིག་མཆིས་པ་ལ་གཞན་དགུམ་མོ་སྙམ་པ་ལས་གཞན་བཀུམ་ན་ཅིར་འགྱུར། ཉེས་པ་སྦོམ་
D7a.012.0098b01.01པོར་འགྱུར་རོ། །བསྙེན་པར་མ་རྫོགས་པར་དགུམ་པར་བཤམས་ཏེ་བསྙེན་པར་མ་རྫོགས་པར་བཀུམ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་དགུམ་པར་བཤམས་པ་ལས་བསྙེན་པར་རྫོགས་ཀར་བཀུམ་ན་ཅིར་འགྱུར། ཉེས་བྱས་སོ། །བསྙེན་པར་
D7a.012.0098b02.01མ་རྫོགས་པར་དགུམ་པར་བཤམས་པ་ལས་བསྙེན་པར་རྫོགས་ཏེ་བཀུམ་ན་ཅིར་འགྱུར། མཐར་འགྱུར་རོ། །བསྙེན་པར་རྫོགས་ཀར་དགུམ་པར་བཤམས་ཏེ་བསྙེན་པར་རྫོགས་ཀར་བཀུམ་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་དགུམ་པར་བཤམས་
D7a.012.0098b03.01ཏེ་བསྙེན་པར་རྫོགས་ནས་བཀུམ་ན་ཅིར་འགྱུར། མཐར་འགྱུར་རོ། །བསྙེན་པར་རྫོགས་ནས་དགུམ་པར་བཤམས་པ་ལས་བསྙེན་པར་རྫོགས་ནས་བཀུམ་ན་ཅིར་འགྱུར། མཐར་འགྱུར་རོ། །བསྙེན་པར་རྫོགས་ནས་དགུམ་པར་བཤམས་པ་ལས་བསྙེན་པར་མ་
D7a.012.0098b04.01རྫོགས་པར་བཀུམ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གཅིག་པུ་འཚོ་བ་དང་དབྲལ་བའི་སླད་དུ་ཁྱིམ་དུ་ཞུགས་ན་མཐར་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་དེས་བསད་པར་བཤམས་ནས་ནང་དུ་ཞུགས་པའོ། །
D7a.012.0098b05.01ཇི་ལྟར་དགེ་སློང་གིས་འཚོ་བ་དང་ཕྲལ་བའི་རྐྱེན་གྱིས་མཐར་གྱུར་པ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་མཐར་འགྱུར་རོ། །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་རྣམས་ལ་ཉེས་བྱས་སོ།། །།མདོར་ན། དག་དང་སྟོན་པ་རྣམ་
D7a.012.0098b06.01པར་གཟིགས། །མི་སློབ་སློབ་དཔོན་ཉོན་མོངས་དང་། །ཉམས་དང་གྲོལ་དང་འཇིགས་པ་དང་། །སྐྱེ་དང་རྙེད་དང་འདི་འདྲའོ། །བཙུན་པ་དགེ་སློང་གིས་འདི་སྐད་དུ་བདག་ནི་དག་པའོ་ཞེས་མཆི་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་འདི་
D7a.012.0098b07.01