完整藏文原文 · 德格版页 当前仅加载第 87 函德格 5a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་རྣམ་པར་སྣང་མཛད་དེ་ལ་ཕྱག་བྱ་བ་དང་བལྟ་བ་དང་མཆོད་པའི་ཕྱིར་སོང་ཤིག །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་ཀུན་ཏུ་རྒྱས་པའི་རྒྱལ་པོའི་དབང་པོས། རྡོ་རྗེ་ཆེན་པོའི་
D496.087.0005a01.01སྙིང་པོ་འདི་གསུངས་སོ། །ན་མཿས་མནྟ་མུ་ཁེ་བྷྱཿ སརྦ་ཏ་ཐཱ་ག་ཏེ་བྷྱཿ སརྦ་མ་ཧཱ་བཛྲཱ་གྲ་བ་རྃ་ཧཱུྃ། དེ་ནས་འཇམ་དཔལ་གཞོན་ནུར་གྱུར་པས་རྡོ་རྗེ་མཆོག་གི་སྙིང་པོ་འདི་ཐོབ་ཅིང་། བཅོམ་ལྡན་འདས་དེས་གནང་བས་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་
D496.087.0005a02.01དུ་མས་ཡོངས་སུ་བསྐོར་ཅིང་མདུན་དུ་བདར་ཏེ། འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ། འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའི་རྒྱན་བཀོད་པ་ག་ལ་བ་དེ་དང་། རྒྱལ་པོ་དབང་
D496.087.0005a03.01སྒྱུར་གྱི་ཁང་པ་ཆེན་པོ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་ནས་འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའི་རྒྱན་བཀོད་པ་འདི་ཐམས་ཅད་རིན་པོ་ཆེ་རྡོ་རྗེ་མཆོག་གི་སྣང་བ་ཆེན་པོས་སྣང་བར་བྱས་སོ། །རྡོ་རྗེ་ཆེན་པོའི་མཆོག་གི་མེ་ཏོག་དང་། བདུག་པ་དང་།
D496.087.0005a04.01སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། བ་དན་རྣམས་དང་། རྡོ་རྗེ་ཆེན་པོའི་མཆོག་དང་། རིན་པོ་ཆེ་མཆོག་གི་འོད་ཟེར་གྱི་སྣང་བས་རྒྱལ་པོ་དབང་སྒྱུར་གྱི་ཁང་པ་ཆེན་པོ་སྣང་བར་བྱས་སོ། །མཆོག་
D496.087.0005a05.01སྦྱིན་པ་ཆེན་པོའི་རྡོ་རྗེ་མཆོག་གི་སྒྲས་ཕྱོགས་བཅུར་གོ་བར་བྱས་སོ། །གོ་བར་བྱས་ནས་ཀྱང་ཇི་ལྟར་འོངས་པ་བཞིན་དུ་ལྷོ་ཕྱོགས་ཉིད་དུ་གནས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ་རྡོ་རྗེ་ཆེན་པོའི་མཆོག་ལས་བྱུང་བའི་པདྨའི་རྒྱལ་པོ་ཆེན་པོ་
D496.087.0005a06.01རྣམས་ལ་འདུག་གོ། །ནུབ་ཕྱོགས་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ། དེ་བཞིན་གཤེགས་པ་ཐམས་ཅད་
D496.087.0005a07.01