完整藏文原文 · 德格版页 当前仅加载第 87 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
སྣང་མཛད་སྤྲོས་པ་ཐམས་ཅད་དང་བྲལ་བའི་ཕྱིར་ཐམས་ཅད་དུ་སྤྲོས་པ་མེད་པའོ། །རྟོག་པ་ཐམས་ཅད་དང་བྲལ་བའི་ཕྱིར་རྣམ་པར་མི་རྟོག་པའོ། ངོ་བོ་ཉིད་དང་བྲལ་བའི་ཕྱིར་སྟོང་པའོ། །གདོད་མ་ནས་དག་པའི་ཕྱིར་རྣམ་པར་དག་པའོ། །སྐྱེ་བ་དང་བྲལ་བའི་ཕྱིར་མ་སྐྱེས་
D496.087.0010b01.01པའོ། །བསམ་པའི་ས་ལས་ཤིན་ཏུ་འདས་པའི་ཕྱིར་བསམ་གྱིས་མི་ཁྱབ་པའོ། །ཡུལ་དང་བྲལ་བའི་ཕྱིར་ཡུལ་མེད་པའོ། །ཚིག་གི་ལམ་ལས་ཤིན་ཏུ་འདས་པའི་ཕྱིར་བརྗོད་པར་བྱ་བ་མ་ཡིན་པ་སྟེ། རྣམ་པ་ཐམས་ཅད་དུ་སེམས་ཅན་ཐམས་ཅད་ཡང་དག་པར་འདུ་བའི་ས་
D496.087.0010b02.01ལ་བྱང་ཆུབ་སེམས་དཔའ་ཆེན་པོ་རྣམས་ཀྱི་ཡིད་བཞིན་གྱི་ནོར་བུ་རིན་པོ་ཆེ་དང་འདྲ་བར་བསམ་པ་ཐམས་ཅད་ཡོངས་སུ་རྫོགས་པར་མཛད་པ་ཐམས་ཅད་རྗེས་སུ་མཐུན་པ། འཇིག་རྟེན་གྱི་ཁམས་ཐམས་ཅད་ན་གཟུགས་བརྙན་གྱི་རྣམ་པར་སེམས་ཅན་ཐམས་ཅད་ཀྱི་
D496.087.0010b03.01མདུན་ན་འདུག་པ། ནོར་བུ་རིན་པོ་ཆེ་ཆེན་པོ་རིན་ཐང་ཆེན་པོ་གོས་དྲི་མ་ཅན་གྱིས་དཀྲིས་པ་ལྟ་བུ་འདི་སུའི་ཡིན། འདི་ཅི་ཞིག་ཅེས་སེམས་ཅན་རྣམས་ཀྱིས་མི་ཤེས་ཏེ་ཡ་མཚན་ཅི་ཞིག་ཏུ་གྱུར་ཏོ། །གང་དག་བློ་གྲོས་རྣམ་པར་དག་པ་ཡིད་གཉིས་དང་ཐེ་ཙོམ་དང་བྲལ་བ། སྔོན་
D496.087.0010b04.01གྱི་རྒྱལ་བ་ལ་བྱ་བ་བྱས་པ། དགེ་བའི་རྩ་བ་བསྐྱེད་པ། ཐེག་པ་ཆེན་པོའི་གསང་སྔགས་དང་སྤྱོད་པའི་ཚུལ་ལ་བྱང་ཆུབ་ཀྱི་སེམས་བསྐྱེད་པ་དང་པོ། །རྡོ་རྗེ་འཆང་ཐམས་ཅད་ཀྱིས་བྱིན་གྱིས་བརླབས་པ། བཅོམ་ལྡན་འདས་རྣམ་པར་སྣང་མཛད་ཀྱིས་རྣམ་པར་སྣང་མཛད་
D496.087.0010b05.01ཆེན་པོའི་རྒྱན་གྱི་སྙིང་པོའི་འོད་ཟེར་ཆེན་པོས་སྣང་བར་བྱས་པ་དེ་དག་ནི། དེ་བཞིན་གཤེགས་པའི་སྙིང་པོ་ལ་ཞུགས་པ་དག་སྟེ། དེ་དག་ནི་གསང་སྔགས་ཀྱི་སྤྱོད་པའི་ཚུལ་འདི་མཉན་པ་དང་བསླབ་པ་དང་། རྡོ་རྗེའི་དཀྱིལ་འཁོར་ཆེན་པོ་བྲི་བ་དང་། དངོས་གྲུབ་
D496.087.0010b06.01ཆེན་པོ་བསྒྲུབ་པར་བྱ་བའི་སྐལ་བ་ཡོད་དོ། །དེ་ནས་འཇིག་རྟེན་གྱི་ཁམས་མི་མཇེད་འདིར། བཅོམ་ལྡན་འདས་ཤཱཀྱ་ཐུབ་པའི་མཚན་གྱིས་གླིང་བཞི་པ་བར་མའི་འཇིག་རྟེན་གྱི་ཁམས་ཀྱི་འཛམ་བུའི་གླིང་དུ་བདུད་ཕམ་པར་མཛད་ནས། བྱང་ཆུབ་མངོན་པར་རྫོགས་
D496.087.0010b07.01