完整藏文原文 · 德格版页 当前仅加载第 87 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཆུད། །སྔོན་གྱི་སྨོན་ལམ་ངེས་བྱུང་བ། །སངས་རྒྱས་སྲས་པོ་གྲགས་ཆེན་ལགས། །ཐོག་མའི་སྤྱོད་ལྡན་ངེས་པ་འདི། །སངས་རྒྱས་འདྲ་ཙམ་ཅི་ཞིག་སྟེ། །བདེ་གཤེགས་སྲས་པོ་ཆགས་མེད་པ། །བྱང་ཆུབ་མཐར་ཐུག་དབང་ཐོབ་ལགས། །གསང་
D496.087.0025a01.01སྔགས་མགོན་པོས་རྣམ་ཀུན་དུ། །འཁོར་འདི་བྱིན་གྱིས་བརླབས་ལགས་ན། །གསང་སྔགས་རྒྱལ་པོ་བཀའ་སྩལ་ནས། །ཅི་སླད་མི་གསུང་གྱུར་ཅིང་བཞུགས། །ཐམས་ཅད་ངོ་མཚར་འཛིན་འགྱུར་ཏེ། །བདེ་བར་རྟོག་ལ་བརྩོན་པར་གནས། །དཔའ་བོ་ཆེ་རྣམས་
D496.087.0025a02.01ཐེ་ཙོམ་དང་། །དེ་བཞིན་ཡིད་གཉིས་བསལ་དུ་གསོལ། །ད་ནི་དུས་ལ་བབ་ལགས་ན། །ཕྱི་ཤོལ་མ་མཛད་བཤད་དུ་གསོལ། །དེ་ནས་དེ་བཞིན་གཤེགས་པ་དེ་དག་གིས་འཇམ་དཔལ་གཞོན་ནུར་གྱུར་པས་གསོལ་བ་བཏབ་པར་མཁྱེན་ནས། །བཅོམ་ལྡན་འདས་
D496.087.0025a03.01དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་གསུངས་པ། འདྲེན་པ་རྣམས་ཀྱིས་གང་སངས་རྒྱས། །ཆོས་ཉིད་འདི་ནི་གཅིག་ཏུ་མཆོག །རྟག་ཏུ་མཉམ་པར་གཞག་རྣམས་ཀྱིས། །རབ་ཏུ་བསྒྲིམས་ཏེ་དེ་རྟོགས་བྱ། །
D496.087.0025a04.01དེ་ནས་དེ་བཞིན་གཤེགས་པ་ཤཱཀྱ་ཐུབ་པ་ལ་སོགས་པས་ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ཀུན་དུ་རྡོ་རྗེའི་དཀྱིལ་འཁོར་གྱི་ཁྱམས་བཀོད་པ། གྲུ་བཞི་ལྷ་མ་པ། སྒོ་བཞི་གཏོད་པ། རིན་པོ་ཆེ་སྣ་བདུན་གྱི་ཕྱི་རས་བསྐོར་བ། སྒོ་གང་དང་།
D496.087.0025a05.01རྟ་བབས་དང་། སྟེགས་བུས་བརྒྱན་པ། སྟེང་དུ་རིན་པོ་ཆེའི་བླ་རེས་བྲེས་པ། །རིན་པོ་ཆེའི་དྲིལ་བུ་དབྱངས་པ་རིན་པོ་ཆེ་སྣ་ལྔའི་སྲད་བུ་བྲེས་པ་བྱིན་གྱིས་བརླབས་ཏེ། དབུས་སུ་རྡོ་རྗེ་པདྨའི་ཁྲི་དང་ཕྱོགས་ཆ་བརྒྱད་དུ་རྡོ་རྗེ་ཆེན་པོའི་ཕྲེང་བས་བསྐོར་བ་དང་རྡོ་རྗེའི་ཕྱིར་རས་ཀུན་
D496.087.0025a06.01དུ་བསྐོར་བ་དང་རྡོ་རྗེའི་ཕྱི་རྒྱབ་ཏུ་ནི་རྡོ་རྗེའི་ཕྲེང་བ་དང་རྡོ་རྗེའི་སྲད་བུས་བྲེས་པ་དང་རྡོ་རྗེ་བཅིང་བས་བཅིངས་པ་དང་། རྡོ་རྗེའི་ཕུར་བུ་དག་གདབ་པ་དང་ཐམས་ཅད་རྡོ་རྗེའི་རང་བཞིན་ཅན་དུ་བྱིན་གྱིས་བརླབས་ནས་སྟེང་གི་གཙུག་ཏོར་ནས་ཐམས་ཅད་དུ་ཐོགས་པ་མེད་པའི་སྟོབས་ཞེས་
D496.087.0025a07.01