完整藏文原文 · 德格版页 当前仅加载第 87 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
གི་སྙིང་པོ་འདི་དྲན་པར་བགྱིད་ན། བདག་རྟག་ཏུ་དེའི་སླད་བཞིན་འབྲང་ཞིང་ཡིད་ལ་བསམས་པའི་དགོས་པ་ཐམས་ཅད་བགྱིའོ། །ཅི་སྟེ་སྙིང་པོ་འདི་བསྒྲུབ་པར་འཚལ་ན་དེས་གོས་སྔོན་པོ་བགོས་ཏེ་ལག་ན་མི་ཐོད་ཐོགས་ཏེ། ཟླ་བ་གཅིག་ཟས་སུ་ཤ་བཟའ་ཞིང་དུར་ཁྲོད་དམ་མོའི་དཀྱིལ་འཁོར་
D496.087.0066b01.01དུ་བཟླས་བརྗོད་བགྱིའོ། །ཐ་མར་དེ་ཉིད་དུ་ཅི་འབྱོར་པས་མཆོད་དེ་མི་ཤའི་སྲེག་བླུགས་ཡུངས་ཀར་གྱི་མར་ལ་སྨྱུགས་པ་ལན་ཁྲི་སྦྱིན་སྲེག་བགྱིའོ། །དེ་ནས་ཧ་ཧ་ཞེས་བགྱི་བའི་སྒྲ་འབྱིན་ཏེ། ལྕེའུ་གཉུག་བགྱིད་ལ་ལག་ན་མི་ཐོད་ཐོགས་ཤིང་མཆི་བར་འགྱུར་ཏེ། མི་ཐོད་ཁྲག་གིས་གང་
D496.087.0066b02.01བའི་མཆོད་ཡོན་སྩོལ་ཏོ། །དེ་ནས་ལེགས་སོ་ཞེས་མཆི་སྟེ་སྒྲུབ་པ་པོ་ལ་བསྐོར་བ་བགྱིས་ཏེ་དེ་ནས་མི་སྣང་བར་འགྱུར་རོ། །དེ་སླན་ཅད་རྟག་ཏུ་སླད་བཞིན་འབྲང་ཞིང་ཅི་འདོད་པ་དེ་བགྱིད་དོ། །དེ་ནས་ཕག་གི་ཆུང་མས་རང་གི་སྙིང་པོ་སྨྲས་པ། ནམཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ།
D496.087.0066b03.01སརྦ་ཐཱ་བཛྲ་གོ་ཎི་ནི་བཱི་ད་བཛྲོ་ཏི་ར་བཱི་ར་བཱི་ར་ལི་ཧཱུཾ་ཀ་རི་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་དྲན་པར་བགྱིད་ན་བདག་རྟག་ཏུ་དེའི་སླད་བཞིན་འབྲང་ཞིང་དགོས་པ་ཐམས་ཅད་བགྱིའོ། །བཅོམ་ལྡན་འདས་སྙིང་པོ་འདི་བསྒྲུབ་པར་འཚལ་ན་དེས་ལན་འབུམ་བཟླས་བརྗོད་བགྱིའོ། །
D496.087.0066b04.01ཐ་མར་སྐེ་ཚེའི་འབྲུ་དང་ཆང་བསྲེས་པའི་སྲེག་བླུགས་ལན་འབུམ་མོའི་དཀྱིལ་འཁོར་དུ་སྦྱིན་སྲེག་བགྱིའོ། །དེ་ནས་ནམ་ཕྱེད་ན་ཕག་གི་ཆུང་མ་ཉིད་བྱི་ལ་མོའི་གཟུགས་ཀྱིས་མཆི་བར་འགྱུར་རོ། །ཡང་ན་ལྷའི་སྤོས་ཀྱི་ངད་འབྱུང་ངོ་། །དེ་ནས་གྲུབ་པར་རིག་པར་བགྱི་སྟེ་དེ་ཕྱིན་ཅད་ཅི་
D496.087.0066b05.01འདོད་པ་བཞིན་དུ་ལས་ཐམས་ཅད་བགྱིད་དོ།། །།འཕགས་པ་ལག་ན་རྡོ་རྗེ་དབང་བསྐུར་བ། བམ་པོ་དྲུག་པ། དེ་ནས་ལུས་ངན་གྱི་ཆུང་མས་རང་གི་སྙིང་པོ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཙི་ད་རི་ཎི་ཀུ་ར་བིནྡེ་དཱནྡྲ་པཱ་ཎི་སྭཱ་ཧཱ།
D496.087.0066b06.01བཅོམ་ལྡན་འདས་གང་ལ་ལ་ཞིག་སྙིང་པོ་འདི་དྲན་པར་བགྱིད་ན་དེ་ལ་རྒྱལ་པོའི་ཆད་པས་འཇིགས་པ་ཐམས་ཅད་མི་འབྱུང་ངོ་། །ཉིན་གཅིག་བཞིན་དུ་ནོར་ཐམས་ཅད་རྣམ་པར་འཕེལ་ལོ། བདག་གི་ཕྱག་བརྙན་བཞི་རྟག་ཏུ་གཡོག་འཁོར་དུ་གནས་པར་འགྱུར་རོ། །ཡིད་ལ་བསམས་
D496.087.0066b07.01