完整藏文原文 · 德格版页 当前仅加载第 87 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་གཟུངས་སྔགས་འདི་ཡིན་ཏེ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཧ་ཧ། མི་ཧུ་མི་ཧུ། ད་མ་ད་མ། ཁཱ་ཧི་ཁཱ་ཧི། དྷུ་ན་དྷུ་ན། མི་ཙི་མི་ཙི། དུར་དཱནྟད་མ་ནི་སྭཱ་ཧཱ། བྱང་ཕྱོགས་སུ་ནི་བཅོམ་ལྡན་འདས་མ་སྒོ་མཐའ་ཡས་པ་བསྒྲུབ་པ་ཞེས་བྱ་བའི་གཟུངས་
D496.087.0145b01.01བྲི་བར་བྱ་སྟེ། དེ་ཡི་དཀྱིལ་འཁོར་བྲི་བ་ནི། །ཟླ་བའི་དཀྱིལ་འཁོར་འདྲ་བ་ཡིན། །དེ་ཡི་སྟེང་དུ་པདྨ་སྟེ། །འོད་ནི་དུས་མཐའི་མེ་ལྟ་བུ། །དེ་ཡི་སྟེང་དུ་རལ་གྲི་སྟེ། །འོད་ཟེར་རྣམས་ཀྱིས་རབ་ཏུ་བསྐོར། །མེ་ལྕེ་ཕྲེང་བ་འཁྲིགས་ལྡན་པའི། །ཨུཏྤལ་རྣམས་ཀྱིས་ཀུན་ཁྱབ་བྱ། །
D496.087.0145b02.01དེ་ལ་གཟུངས་སྔགས་འདི་ཡིན་ཏེ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་མི་ཙི་མི་ཙི། གརྫ་གརྫ། སྥོ་ཊ་ཡ་སྥོ་ཊ་ཡ། མ་ཐ་མ་ཐ། ད་མ་ད་མ། སྭཱ་ཧཱ། རླུང་གི་ཕྱོགས་སུ་ནི་དཀོན་མཆོག་འབྱུང་གནས་ཞེས་བྱ་བའི་གཟུངས་བྲི་བར་བྱ་སྟེ། །དེ་ཡི་རླུང་གི་དཀྱིལ་འཁོར་
D496.087.0145b03.01ཏེ། །ཆ་གསུམ་ལ་ནི་གཙུག་ཏོར་གནས། །ལྕགས་ཀྱུས་ཐམས་ཅད་དགབ་པར་བྱ། །མེ་ལྕེ་འབར་བའི་ཕྲེང་བར་ལྡན། །ནུབ་ཕྱོགས་སུ་ནི་བཅོམ་ལྡན་འདས་མ་སྐུལ་བྱེད་མ་བྲི་བར་བྱ་སྟེ། དེ་ཡི་དབང་ལྡན་དཀྱིལ་འཁོར་ཏེ། །དེ་ལ་རྡོ་རྗེ་ལེགས་པར་གནས། །དེ་ཡི་སྟེང་དུ་པདྨ་ཆེ། །
D496.087.0145b04.01དེ་ཡི་སྟེང་དུ་བགྲང་ནོར་ཕྲེང་། །དེ་དག་མེ་ལྕེ་ཕྲེང་གིས་དཀྲིས། །སྟེང་དུ་པདྨ་རྣམས་ཀྱིས་དགབ། །དེ་ནས་ཆ་གསུམ་པ་ལ་ནི། །བྱང་ཆུབ་སེམས་དཔའ་རྫུ་འཕྲུལ་ཆེ། །སྔགས་པས་ཅི་རིགས་བྲི་བར་བྱ། །བརྒྱད་རྣམས་སུ་ཡང་སྔ་མ་བཞིན། །དེ་ལ་ཤར་དུ་རྣལ་འབྱོར་པས། །
D496.087.0145b05.01འཇིག་རྟེན་དབང་པོའི་འོད་ཆེན་བྲི། །པདྨ་ཤིན་ཏུ་མཛེས་པ་ནི། །དེ་ཡི་ཕྱག་རྒྱར་བརྗོད་པ་ཡིན། །མེའི་ཕྱོགས་སུ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོའི་ཕྱག་རྒྱ་ཡིད་བཞིན་གྱི་ནོར་བུ་བྲི་བར་བྱའོ། །དབང་བདག་ཕྱོགས་སུ་ནི་འཇམ་དཔལ་གཞོན་ནུར་གྱུར་པའི་
D496.087.0145b06.01ཕྱག་རྒྱ་ཨུཏྤ་ལ་བྲི་བར་བྱའོ། །ལྷོ་ཕྱོགས་སུ་ནི་ལག་ན་རྡོ་རྗེའི་ཕྱག་རྒྱ་རྡོ་རྗེ་བྲི་བར་བྱའོ། །བྱང་ཕྱོགས་སུ་ནི་བྱམས་པའི་ཕྱག་རྒྱ་རིལ་བ་སྤྱི་བླུགས་བྲི་བར་བྱའོ། །རླུང་གི་ཕྱོགས་སུ་ནི་སྒྲིབ་པ་ཐམས་ཅད་རྣམ་པར་སེལ་བའི་ཕྱག་རྒྱ་པདྨ་བྲི་བར་བྱའོ། །བདེན་བྲལ་གྱི་ཕྱོགས་སུ་ནི་ནམ་མཁའི་སྙིང་
D496.087.0145b07.01