完整藏文原文 · 德格版页 当前仅加载第 87 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ། །དེ་ཡི་ཕྱི་རོལ་ཆ་རྣམས་ནི། །བརྒྱད་པོ་དག་ཏུའང་སྔ་མ་བཞིན། །སྔགས་པས་ཆོ་ག་ཅི་བཞིན་དུ། །ལྷ་རྣམས་རྣམ་པར་དགོད་པར་བྱ། །དེ་ལ་ཤར་ཕྱོགས་སུ་ནི་འཁོར་ལོའི་དཀྱིལ་འཁོར་དུ་མེའི་དཀྱིལ་འཁོར་གྱི་དབུས་ན་བཞུགས་པ་དམ་པ་སྦྱིན་པའི་རྡོ་རྗེའི་འཁོར་དང་
D496.087.0035b01.01བཅས་པ་རྡོ་རྗེ་ཨུཏྤལའི་ཕྱག་རྒྱ་དང་བཅས་པར་བྲིའོ། །ཤར་ལྷོའི་མཚམས་སུ་ནི་རྡོ་རྗེའི་དཀྱིལ་འཁོར་དུ་ཀུན་དུ་བཟང་པོ་ལ་སོགས་པ་བྱང་ཆུབ་སེམས་དཔའ་རྣམས་འཁོར་དང་བཅས་པ་ཡིད་བཞིན་གྱི་ནོར་བུའི་ཕྱག་རྒྱ་དང་བཅས་པ་བྲིའོ། །ལྷོ་ཕྱོགས་སུ་ནི་རྡོ་རྗེའི་འཁོར་ལོའི་དཀྱིལ་
D496.087.0035b02.01འཁོར་དུ་ལག་ན་རྡོ་རྗེ་འཁོར་དང་བཅས་ཤིང་རྡོ་རྗེ་འཆང་ཐམས་ཅད་དང་ལྷན་ཅིག་ཏུ་རྡོ་རྗེའི་ཕྱག་རྒྱ་དང་བཅས་པ་བྲིའོ། །ལྷོ་ནུབ་ཀྱི་ཕྱོགས་མཚམས་སུ་ནི་རྡོ་རྗེ་འཁོར་ལོའི་དཀྱིལ་འཁོར་དུ་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་འཁོར་དང་བཅས་པ་ཡིད་བཞིན་གྱི་ནོར་བུའི་
D496.087.0035b03.01ཕྱག་རྒྱ་དང་བཅས་པ་བྲིའོ། །ནུབ་ཕྱོགས་སུ་ནི་རྡོ་རྗེའི་འཁོར་ལོའི་དཀྱིལ་འཁོར་དུ་བྱང་ཆུབ་སེམས་དཔའ་ནམ་མཁའི་སྙིང་པོ་འཁོར་དང་བཅས་པ་རལ་གྲིའི་ཕྱག་རྒྱ་དང་བཅས་པ་དགོད་པར་བྱའོ། །ནུབ་བྱང་གི་ཕྱོགས་མཚམས་སུ་ནི་པདྨ་རྡོ་རྗེའི་དཀྱིལ་འཁོར་དུ་བྱང་ཆུབ་སེམས་
D496.087.0035b04.01དཔའ་བྱམས་པ་འཁོར་དང་བཅས་པ་རིལ་བ་སྤྱི་བླུགས་ཀྱི་ཕྱག་རྒྱ་དང་བཅས་པ་བྲིའོ། །བྱང་ཕྱོགས་སུ་ནི་པདྨ་རྡོ་རྗེའི་འཁོར་ལོའི་དཀྱིལ་འཁོར་ཆེན་པོར་བྱང་ཆུབ་སེམས་དཔའ་སྤྱན་རས་གཟིགས་ཀྱི་དབང་ཕྱུག་འཁོར་དང་བཅས་པ་པདྨའི་ཕྱག་རྒྱ་དང་བཅས་པ་དགོད་པར་བྱའོ། །
D496.087.0035b05.01བྱང་ཤར་གྱི་ཕྱོགས་མཚམས་སུ་ནི་རྡོ་རྗེའི་དཀྱིལ་འཁོར་ཆེན་པོར་བྱང་ཆུབ་སེམས་དཔའ་སའི་སྙིང་པོ་འཁོར་དང་བཅས་པ་རིན་པོ་ཆེ་ཆེན་པོའི་ཕྱག་རྒྱ་དང་བཅས་པ་དགོད་པར་བྱའོ། །ཕྱོགས་བཞིར་ནི་འཇིག་རྟེན་སྐྱོང་བ་བཞི་འཁོར་དང་བཅས་པར་རྡོ་རྗེའི་དཀྱིལ་འཁོར་ཆེན་པོའི་ནང་
D496.087.0035b06.01དུ་ཆུད་པར་བྲིའོ། །དེ་ལ་རྣམ་ཐོས་ཀྱི་བུའི་ཕྱག་རྒྱ་ནི་དབྱུག་ཏོ་ཡིན་ནོ། །འཕགས་སྐྱེས་པོའི་ཕྱག་རྒྱ་ནི་བེ་ཅོན་ནོ། །མིག་མི་བཟང་གི་ཕྱག་རྒྱ་ནི་རྡོ་རྗེའོ། །ལུས་ངན་གྱི་ཕྱག་རྒྱ་ནི་ཞགས་པའོ། །ཕྱི་རོལ་ཁོར་ཡུག་ཆེན་པོའི་དཀྱིལ་འཁོར་ནི་གྲུ་བཞི་ལྷ་མ་པ་སྒོ་བཞི་གཏོད་པ་སྒོ་
D496.087.0035b07.01