完整藏文原文 · 德格版页 当前仅加载第 87 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་པར་ཤོག་ཅེས་བསམ་པར་བྱ། །སྙིང་རྗེའི་ཕྱག་རྒྱའོ། །དེ་ནས་སློབ་དཔོན་རྡོ་རྗེ་ཅན། །རྡོ་རྗེ་ཡེ་ཤེས་ལེགས་བསླབས་པས། །རྡོ་རྗེའི་ཕྱག་རྒྱ་བཅིང་བྱ་ཞིང་། །མཚོག་མར་ཐལ་མོ་སྦྱར་བར་བྱ། །བཏེག་དང་སྒེག་པའི་སྦྱོར་བ་ཡིས། །དེ་ནས་མྱུར་དུ་སྨད་པར་
D496.087.0138a01.01བྱ། །རྡོ་རྗེ་བགད་ཆེན་ཕྱག་རྒྱ་འདི། །རྡོ་རྗེ་འཆང་ཉིད་བཞིན་དུ་དགོད། །བགད་པ་ཆེན་པོའི་ཕྱག་རྒྱའོ། །དེ་ནས་ལག་པ་གཡས་བཏེག་སྟེ། །གཡོན་པ་རྐེདཔའི་ཕྱོགས་སུ་བཞག །གཡོན་བརྐྱང་རྐང་སྟབས་བྱས་ནས་སུ། །དེ་ནས་ཐལ་མོ་ཡང་སྦྱར་ཏེ། །འཇིགས་རུང་སྒྲ་ནི་གྲག་བྱེད་
D496.087.0138a02.01ཅིང་། །ཐལ་མོ་སྦྱར་བ་བཏུད་པར་བྱ། །འཇིགས་སུ་རུང་བ་ཆེན་པོའི་སྒྲའི་ཕྱག་རྒྱའོ། །གཡས་བརྐྱང་རྐང་པའི་སྟབས་བྱས་ཏེ། །ལག་པ་གཉིས་ཀྱིས་རྒྱལ་རོལ་དུ། །ཁུ་ཚུར་གཉིས་ནི་བཅང་བར་བྱ། །བགེགས་ཀུན་འདར་བར་བྱ་བའི་ཕྱིར། །མགུལ་པ་ངེས་པར་སྨད་བྱ་ཞིང་། །
D496.087.0138a03.01སྒྲ་ཆེན་རབ་ཏུ་བརྗོད་བྱས་ན། །ཕྱག་རྒྱ་འདི་ཡི་སྦྱོར་བ་ཡིས། །བགེགས་རྣམས་ཐམས་ཅད་འདར་བར་འགྱུར། །མཐུན་པའི་རྐང་སྟབས་བྱས་ནས་སུ། །མཚོག་མར་ཐལ་མོ་སྦྱར་བྱས་ལ། །ལག་པ་གཉི་ག་ལྟོ་བར་གཞག །གཡས་བརྐྱང་རྐང་སྟབས་སྦྱོར་བ་ཡིས། །སྔགས་
D496.087.0138a04.01པས་འཁོར་ལོ་བཞིན་དུ་བསྐོར། །ཧ་ཧ་ཞེས་པས་རབ་བརྒྱན་པ། །ཕྱག་རྒྱ་འདི་ནི་རྒྱ་ཆེན་ཏེ། །རི་རྣམས་ཕྱེ་མར་རློག་བྱེད་ན། །སྡང་བའི་སེམས་ཅན་ཅི་སྨོས་ཏེ། །སྔགས་པའི་འདོད་པ་བཞིན་དུ་འགྱུར། །མཐུན་པའི་རྐང་སྟབས་བྱས་ནས་སུ། །ལག་པ་གྱེན་དུ་བསྒྲེང་
D496.087.0138a05.01བྱས་ལ། །གདུ་བུའི་ཕྱག་རྒྱ་བཅིང་བར་བྱ། །དེ་བཞིན་སོ་ཡིས་མ་མཆུ་མནན། །གཡོན་པ་བརྐྱང་བ་ལེགས་སྦྱར་བས། །བགེགས་རྣམས་ཀུན་ལ་བསྣུན་པར་བྱ། །ཕྱག་རྒྱ་འདི་ནི་སྒྲ་ཆེན་ཏེ། །བགེགས་རྣམས་ཐམས་ཅད་བཟློག་པ་ཡིན། །ཕྱག་རྒྱ་འདི་ནི་ལེགས་
D496.087.0138a06.01སྦྱར་བས། །ཐམས་ཅད་བཟློག་པར་གྱུར་པ་ཡིན། །མཐུན་པའི་རྐང་སྟབས་བྱས་ནས་སུ། །ལག་གཉིས་བྲང་ལ་སྦྱར་བ་ལས། །ལག་པ་གཡས་པ་བསྒྲེང་བྱས་ཏེ། །རྐང་པ་གཡོན་བརྐྱང་ལེགས་སྦྱར་བས། །ཐོ་བ་ཡི་ནི་ཕྱག་རྒྱ་ཡིས། །རྡོ་རྗེ་འཆང་ཉིད་ཡིན་པའང་
D496.087.0138a07.01