完整藏文原文 · 德格版页 当前仅加载第 87 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡང་རུང་བར་མཆིས་སོ། །དེ་ནས་ཀླུའི་རྒྱལ་པོ་ཆུ་ལྷ་ཀླུའི་རྒྱལ་པོ་དུ་མ་དང་ལྷན་ཅིག་ཏུ་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་འདིར་རང་གི་སྙིང་པོ་འབུལ་ལོ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་
D496.087.0062a01.01ཐཱ་ཨ་པ་མ་པ་ཏི་བི་ར་ཛ་སྭཱ་ཧཱ། གང་ལ་ལ་ཞིག་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པ་དེས་སྙིང་པོ་འདི་བཟླས་བརྗོད་བགྱིས་ན་དེ་རང་བཞིན་གྱིས་ཡོངས་སུ་དག་པར་འགྱུར་རོ། །སྤྱོད་པ་གཙང་མ་ཐམས་ཅད་ལ་བློ་མངོན་སུམ་དུ་འགྱུར་རོ། །ཅི་སྟེ་བསྒྲུབ་པར་འཚལ་ན་རྒྱ་མཚོ་ཆེན་པོར་
D496.087.0062a02.01མིད་པ་ནུབ་ཙམ་དུ་ཞུགས་ལ་སྙིང་པོ་འདི་ལན་འབུམ་ཕྲག་བཅུ་གཉིས་བཟླས་བརྗོད་བགྱིའོ། །དེ་ནས་ཐ་མར་རིན་པོ་ཆེ་སྣ་བཞི་ལས་ཀླུ་བགྱིས་ལ་ཅི་འབྱོར་པས་མཆོད་དེ་ཀླུའི་རྒྱལ་པོ་གང་ཡང་རུང་བ་ཞིག་གནས་ཀྱི་བར་དུ་བཟླས་བརྗོད་བགྱིས་ལ་མཆོད་ཡོན་སྩལ་ཏེ་ཅི་ལྟར་འདོད་པ་བཞིན་དུ་བྱིན་ཅིག་ཅེས་བརྗོད་
D496.087.0062a03.01པར་བགྱིའོ། །དེ་ཕན་ཆད་གང་བསྒོ་བ་དེ་བགྱིད་དོ། །དེ་ཉིད་དུ་ཞུགས་ནས་ལོ་མང་པོར་གནས་སོ། །དེ་ནས་ཁྱབ་འཇུག་གིས་བྱང་ཆུབ་སེམས་དཔའ་ལག་ན་རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་
D496.087.0062a04.01སྙིང་པོ་འདི་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཨེ་ཀ་ཨེ་ཀ །བ་ར་བ་ར། ཛྭཱ་ལ་ཛྭཱ་ལ། བིཥྞ་བེ་སྭཱ་ཧཱ། བཅོམ་ལྡན་འདས་བདག་གི་སྙིང་པོ་ནི་འདི་ལགས་ཏེ་འདིས་སྡང་བ་ཐམས་ཅད་བཟློག་པར་བགྱིའོ། །ཕུང་བར་བགྱིའོ། །ཡམས་ཀྱི་ནད་དང་གནོད་
D496.087.0062a05.01པ་ཐམས་ཅད་མ་མཆིས་པར་བགྱིའོ། །གང་ལ་ལ་ཞིག་རྟག་ཏུ་དྲན་པར་བགྱིད་ན་དེའི་བློ་ཉམས་པར་མི་འགྱུར་རོ། །ཅི་སྟེ་སྙིང་པོ་འདི་བསྒྲུབ་པར་འཚལ་ན་རིའི་རྩེ་མོར་མཆིས་ལ་ལན་ལྔ་འབུམ་བཟླས་བརྗོད་བགྱིའོ། །ཐ་མར་གྲོག་མཁར་གྱི་རྩེ་མོའི་ས་དང་བའི་རྣམ་ལྔ་བསྲེས་པས་ཁྱབ་འཇུག་གི་གཟུགས་
D496.087.0062a06.01ལག་པ་བཞི་པ་བགྱིས་ཏེ་ལག་པ་གཡོན་པ་གཅིག་ན་འཁོར་ལོ། །གཡས་པ་གཅིག་ན་དབྱུག་ཏོ། །གཡོན་པ་གཅིག་ན་དུང་། གཡས་པ་གཅིག་ན་དམ་པ་སྦྱིན་པར་བགྱིས་ལ་བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་བགྱིས་ཏེ་ཅི་འབྱོར་པས་མཆོད་ལ་ཁ་ནུབ་ཕྱོགས་སུ་བལྟས་ཏེ་མཆིས་ལ་
D496.087.0062a07.01