完整藏文原文 · 德格版页 当前仅加载第 87 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་གཏན་པ་མ་མཆིས་ཤིང་འཁྲུལ་འཁོར་མ་མཆིས་བར་འགྱུར་རོ། །དེ་ནས་བདག་ཅག་གིས་རིམ་གྲོ་ཆར་བགྱིས་ཏེ་རིགས་ཀྱི་བུ་དེ་བཞུགས་པར་བགྱིའོ། །ཡོ་བྱད་ཐམས་ཅད་ཀྱང་སྩོལ་བར་བགྱིའོ། །དངུལ་ཆུ་དང་སྨན་བཅུད་ཀྱིས་ལེན་ཐམས་ཅད་ཀྱང་སྩལ་བར་བགྱིའོ། །
D496.087.0059b01.01དེ་ནས་སྣ་ཚོགས་ཕྲེང་བ་ཅན་ལ་སོགས་པ་དྲི་ཟའི་རྒྱལ་པོ་རྣམས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འདི་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་མ་དྟ་
D496.087.0059b02.01མ་ཏཾ་གི་སྭཱ་ཧཱ། འདི་ནི་བདག་ཅག་གི་སྙིང་པོ་ལགས་ཏེ་འདིས་དངོས་གྲུབ་སྩལ་བར་བགྱིའོ། །འདིས་བདག་ཅག་དྲི་ཟའི་རྒྱལ་པོ་ཞེས་བགྱིའོ། །ལྷའི་བདེ་བ་སྣ་ཚོགས་མྱོང་ངོ་། །མདོར་ན་བགྱི་བ་བགྱིད་པ་ཐམས་ཅད་ནུས་སོ། །མི་དང་མི་མ་ཡིན་པའི་གནས་ཐམས་ཅད་ན་མཆིས་སོ། །
D496.087.0059b03.01ཅི་སྟེ་གང་ལ་ལ་ཞིག་བསྒྲུབ་པར་འཚལ་ན་དེས་ཐོག་མར་རི་ཕུག་ཏུ་ཅི་འབྱོར་པས་མཆོད་པ་བགྱིས་ལ་སྙིང་པོ་འདི་འབུམ་བཟླས་བརྗོད་བགྱིས་ན་དེ་ནས་འགྲུབ་པར་འགྱུར་རོ། །ཐ་མར་དུ་རུ་སྐའི་འབྲུ་མར་གྱི་མེ་བུས་ལ་ཨ་ག་རུའི་ཡམ་སྲེག་ཤིང་ཁྲི་སྦྱིན་སྲེག་བགྱིས་ན་དེ་ནས་དེའི་བསམ་པ་ཡོངས་
D496.087.0059b04.01སུ་རྫོགས་པར་བགྱིའོ། །གི་ཝང་ལ་སྔགས་ཀྱིས་བཏབ་སྟེ་དཔྲལ་བར་ཐིག་ལེ་བགྱིས་ན་སྐྱེ་བོ་ཐམས་ཅད་དགའ་བར་འགྱུར་རོ། །ལག་མཐིལ་ལ་སྔགས་ཀྱིས་བཏབ་སྟེ་གདོང་ལ་བྱ་བས་ན་སྐྱེ་བོ་ཐམས་ཅད་དགའ་བར་འགྱུར་རོ། །དེ་ནས་མི་འམ་ཅིའི་རྒྱལ་པོ་ལྗོན་པ་ལ་སོགས་པ་མིའམ་
D496.087.0059b05.01ཅིའི་རྒྱལ་པོ་རྣམས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འདི་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཏི་ཏི་ལི་ཕུ་སྭཱ་ཧཱ། བཅོམ་ལྡན་འདས་འདི་
D496.087.0059b06.01ནི་བདག་ཅག་གི་སྙིང་པོ་ལགས་ཏེ་འདིས་བདག་ཅག་མིའམ་ཅིའི་རྒྱལ་པོ་ཞེས་བགྱིའོ། །སིལ་སྙན་དང་ཕེག་རྡོབ་པ་དང་རོལ་མོའི་སྒྲ་འབྱིན་ཅིང་ཐམས་ཅད་དུ་འཇིག་རྟེན་གྱི་ཁམས་ཀུན་དུ་དེ་བཞིན་གཤེགས་པ་ཐམས་ཅད་ཀྱི་ཞབས་ཀྱི་དྲུང་དུ་མཆིའོ། །ལྷ་དང་ཀླུའི་གནས་ཐམས་ཅད་
D496.087.0059b07.01