完整藏文原文 · 德格版页 当前仅加载第 87 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱོར་པས་མཆོད་དེ་ཤུ་ཏི་ཞོ་དང་སྦྲང་རྩི་དང་མར་ལ་སྨྱུགས་པ་དག་གིས་མཚན་ཐོག་ཐག་སྦྱིན་སྲེག་བྱས་ན་བློན་པོ་ཆེན་པོའི་ཐབས་ཐོབ་པར་འགྱུར་རོ། །མ་གྲུབ་ན་ལས་རྣམས་སུ་འགྱུར་ཏེ་ཡུལ་གྲུ་སྦྱིན་པར་བྱེད་དོ། །རྒྱ་མཚོར་འབབ་པའི་ཆུར་མིད་པ་ནུབ་ཙམ་དུ་ཞུགས་ལ་སྙིང་པོ་དམ་པ་དང་
D496.087.0098b01.01ལྷན་ཅིག་ཏུ་ལན་སུམ་འབུམ་བཟླས་བརྗོད་བྱས་ན་གཏེར་མཐོང་བར་འགྱུར་རོ། །གུ་གུལ་གྱི་ཡམ་སྲེག་ཤིང་མར་ལ་སྨྱུགས་པ་བརྒྱད་སྟོང་སྦྱིན་སྲེག་བྱས་ན། གྲོང་དམ་པ་བརྒྱད་སྦྱིན་པར་བྱེད་དོ། །ལྷ་མ་ཡིན་གྱི་ཁུང་སྒོར་ཟས་མི་ཟ་བར་སྐེ་ཚེའི་འབྲུ་དང་ལན་ཚྭ་སྲེག་བླུགས་རྡོ་རྗེ་མཐའ་དང་བྲལ་བའི་
D496.087.0098b02.01སྙིང་པོ་དང་ལྷན་ཅིག་ཏུ་ལན་འབུམ་སྦྱིན་སྲེག་བྱས་ན། ལྷ་མ་ཡིན་གྱི་བུ་མོ་རྣམས་བྱུང་ནས་འཇུག་པར་བྱེད་དེ་གང་འདོད་པ་སྦྱིན་པར་བྱེད་དོ། །ཅི་སྟེ་བ་འབྱུང་བར་འདོད་ན་གྲོག་མཁར་རམ་ཆུ་འདུས་སུ་ཉིན་གཅིག་བཞིན་དུ་བའི་རྣམ་ལྔ་ཟ་ཞིང་རྡོ་རྗེའི་ཕྱག་རྒྱ་བཅིངས་ལ་སྙིང་པོ་འདི་ལན་སུམ་ཁྲི་
D496.087.0098b03.01བཟླས་བརྗོད་བྱའོ། །དེ་ནས་ཅི་འབྱོར་པས་མཆོད་དེ་འབྲས་སཱ་ལུའི་ཕྱེ་ལས་སོར་བཞི་ཚད་ཀྱི་བ་མ་སྨད་བྱས་ལ་བ་རུ་ནའི་ཤིང་གི་མེ་བུས་ཏེ། ལན་ལྔ་ཁྲི་སྦྱིན་སྲེག་བྱས་ནས་ནམ་ཕྱེད་དམ་ཉི་མ་ཤར་ཀར་དེ་ཉིད་དུ་བདག་ལ་རྩེ་ཞིང་བྱུང་སྟེ། རྡོ་རྗེ་དྲག་པོའི་སྙིང་པོས་སྔགས་བཏབ་པའི་ཆུས་
D496.087.0098b04.01གཏོར་ན་མི་འགུལ་བར་འགྱུར་རོ། རིན་ལ་མི་བརྩེགས་པར་དྲི་ཞིམ་ཞེས་མིང་བཏགས་པའི་བ་ཉོས་ལ་ཉིན་གཅིག་བཞིན་བྱབ་པར་བྱའོ། །ཟླ་བ་རེ་རེ་ཞིང་ཐང་ཤིང་བདར་བ་དང་བསྲེས་པའི་ཆུས་བུམ་པ་བཀང་ལ་བ་ལ་སྤོས་དང་མེ་ཏོག་གིས་མཆོད་པས་མཆོད་ན་བ་བརྒྱ་སྟོང་དུ་འཕེལ་བར་འགྱུར་
D496.087.0098b05.01ཏེ་ཐེ་ཙོམ་མེད་དོ། །དེ་བཞིན་དུ་རྟ་དང་། གླང་པོ་ཆེ་དང་། རྔ་མོ་དང་། ལུག་དང་། མ་ཧེ་འབྱུང་བར་འདོད་ན་ཉིན་གཅིག་བཞིན་དུ་གླ་བའི་ཤིང་གི་མེ་བུས་ལ། ནས་དང་འོ་མ་ལ་སོགས་པའི་སྦྱིན་སྲེག་བྱས་ན་འབྱུང་བར་འགྱུར་རོ། །ཟས་ཀྱི་སྦྱིན་སྲེག་བྱས་ན་ཟས་འབྱུང་བར་འགྱུར་རོ། །
D496.087.0098b06.01འབྲས་དང་མར་བསྲེས་པའི་སྦྱིན་སྲེག་བྱས་ན་ཟས་མི་ཟད་པ་འབྱུང་བར་འགྱུར་རོ། །དེ་བཞིན་དུ་འབྲུ་ཐམས་ཅད་སྦྱིན་སྲེག་བྱས་ན་འབྲུ་ཐམས་ཅད་འབྱུང་བར་འགྱུར་ཏེ། གང་སྦྱིན་སྲེག་བྱས་པ་དེ་འབྱུང་བར་འགྱུར་རོ། །ཁ་བཞིན་ལ་སྔགས་ཀྱིས་བཏབ་ན་རྟག་ཏུ་ལན་ཐེབས་པར་འགྱུར་རོ། །
D496.087.0098b07.01