完整藏文原文 · 德格版页 当前仅加载第 87 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་རྫོགས་པའི་སངས་རྒྱས་གཟུངས། །དེ་ནི་གཟུངས་ཀྱི་མཆོག་ཡིན་ཏེ། །ཡང་དག་རྫོགས་སངས་ཡང་དག་པར། །དེ་ནི་བདག་ཅག་ཐོབ་པར་ཤོག །དེ་ནས་བྱང་ཆུབ་སེམས་དཔའ་དེ་དག་གིས་ཚིགས་སུ་བཅད་པ་དེ་དག་སྨྲས་ནས། འདི་ལྟ་སྟེ། ལུས་ཀྱི་སྔོན་གྱི་
D496.087.0009b01.01མཐའ་དང་ཕྱི་མའི་མཐའ་མེད་པ་དང་། དེ་བཞིན་དུ་ངག་དང་ཡིད་ཀྱི་སྔོན་གྱི་མཐའ་དང་ཕྱི་མའི་མཐའ་མེད་པས། བཅོམ་ལྡན་འདས་རྣམ་པར་སྣང་མཛད་ཀྱི་སྐུ་དང་གསུང་དང་ཐུགས་ཀྱིས་གང་ཡིན་པ་ལ་འཇུག་གོ །དེ་ཅིའི་ཕྱིར་ཞེ་ན། ངོ་བོ་ཉིད་ཡོངས་སུ་ཤེས་
D496.087.0009b02.01པས་ལུས་ཀྱི་སྔོན་གྱི་མཐའ་དང་ཕྱི་མའི་མཐའ་མི་དམིགས་སོ། །དེ་བཞིན་དུ་ངོ་བོ་ཉིད་ཡོངས་སུ་ཤེས་པས་ངག་དང་ཡིད་ཀྱི་སྔོན་གྱི་མཐའ་མི་དམིགས་སོ། །ལག་ན་རྡོ་རྗེ་དབང་བསྐུར་བའི་དཀྱིལ་འཁོར་ལས། གླེང་གཞིའི་ལེའུ་སྟེ་དང་པོའོ།། །།
D496.087.0009b03.01དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ཀྱིས། བྱང་ཆུབ་སེམས་དཔའ་ཕྱོགས་བཅུའི་འཇིག་རྟེན་གྱི་ཁམས་ནས་འདུས་པ་དེ་དག་ཀྱང་མཁྱེན། རྒྱལ་པོ་དབང་སྒྱུར་གྱི་ཁང་པ་ཆེན་པོ་
D496.087.0009b04.01གནས་པའི་བྱང་ཆུབ་སེམས་དཔའ་འཁོད་པ་དག་ཀྱང་མཁྱེན་ནས། ཏིང་ངེ་འཛིན་གང་གི་མཐུས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་གྱི་ཁམས་ཐམས་ཅད་ན། སངས་རྒྱས་ཀྱི་འཁོར་གྱི་དཀྱིལ་འཁོར་ཐམས་ཅད་དུ།
D496.087.0009b05.01སྐད་ཅིག་ཐང་ཅིག་ཡུད་ཙམ་ཅིག་ལ་སེམས་དང་པོ་བསྐྱེད་པ་ནས་བཟུང་སྟེ། ཡོངས་སུ་མྱ་ངན་ལས་འདས་པ་ཆེན་པོའི་མཐའི་བར་དུ། སངས་རྒྱས་ཀྱི་མཛད་པ་བྱིན་གྱིས་རློབ་པའི་ཏིང་ངེ་འཛིན། རྣམ་པར་སྣང་བ་བཀོད་པའི་རྒྱན་གྱི་སྙིང་པོ་ཞེས་བྱ་བ་ལ་སྙོམས་པར་
D496.087.0009b06.01ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་འཇིག་རྟེན་གྱི་ཁམས་འདི་དང་། འཇིག་རྟེན་གྱི་ཁམས་རབ་འབྱམ་ཐམས་ཅད་དང་འཇིག་རྟེན་གྱི་ཁམས་མཚམས་སྦྱོར་བའི་བཀོད་པ་
D496.087.0009b07.01