完整藏文原文 · 德格版页 当前仅加载第 87 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
བ་སྟོན་ཏོ། །སངས་རྒྱས་ཀྱི་མཛད་པ་བདུད་བཞི་ཕམ་པར་བྱེད་པ་དང་། ཆོས་ཀྱི་འཁོར་ལོ་རབ་ཏུ་བསྐོར་བ་དང་། ཡོངས་སུ་མྱ་ངན་ལས་འདས་པ་ཆེན་པོ་ལ་ཐུག་པའི་བར་དང་། གནས་པ་དང་། འབྱུང་བ་དང་། འཇིག་པ་དང་། སྐྱེ་བ་དང་། རྒ་བ་དང་། ན་བ་
D496.087.0022b01.01དང་། འབྱོར་པ་དང་། རྒུད་པ་འཇིག་རྟེན་དུ་ཀུན་དུ་སྟོན་ཏོ། །རིགས་ཀྱི་བུ་དེ་ལ་སོགས་པ་དུས་དང་ཡུལ་གྱི་དབང་ཉེ་བར་བཟུང་ནས་སྤྱོད་པའི་དཀྱིལ་འཁོར་བཅས་ཏེ། ཐབས་སྣ་ཚོགས་ཀྱི་ཚུལ་རྣམས་ཀྱིས་སེམས་ཅན་རྣམས་ལ་ཆོས་སྟོན་ཏོ། །ཆོས་བསྟན་པ་དེ་ནི་ཡང་
D496.087.0022b02.01དག་པའི་ཕུལ་ཡིན་ཏེ་ཐེག་པ་གཅིག་ཏུ་ཡང་དག་པར་འདུ་བ་ཡུལ་གཅིག་ཡང་དག་པར་ཐོབ་པར་བྱེད་པའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་རྟོག་པ་ཐམས་ཅད་དང་བྲལ་བའི་ཕྱིར་རོ། །རིགས་ཀྱི་བུ་ཆོས་ཉིད་གང་ཡིན་པ་དེ་ལ་ནི་གདགས་པའམ་རྣམ་པར་
D496.087.0022b03.01རིག་པ་མེད་ཅིང་མི་དམིགས་ཏེ། ཡེ་ཤེས་རྣམ་པར་མི་རྟོག་པའི་ཕྱིར་རོ། །དེ་ལ་ནི་སྤྱོད་པ་ཡང་མེད་མི་སྤྱོད་པ་ཡང་མེད་བསླབ་པ་ཡང་མེད་བསླབ་པ་ཡང་མེད་བསླབ་པ་མ་ཡིན་པ་ཡང་མེད་དོ། །འདུལ་བ་ཡང་མེད་འདུལ་བ་མ་ཡིན་པ་ཡང་མེད་དོ། །དེ་ལ་ནི་ལུས་སམ་ངག་གམ་ཡིད་
D496.087.0022b04.01ཀྱི་འཇུག་པའམ། ལྡོག་པ་མི་དམིགས་སོ། །དེ་ལ་ནི་དེ་བཞིན་གཤེགས་པ་ཞེས་བྱ་བ་འམ། སངས་རྒྱས་ཞེས་བྱ་བ་འམ། བྱང་ཆུབ་སེམས་དཔའ་ཞེས་བྱ་བ་འམ། ཉན་ཐོས་ཞེས་བྱ་བ་འམ། རང་སངས་རྒྱས་ཞེས་བྱ་བ་འམ། ཆོས་ཞེས་བྱ་བ་འམ། དགེ་འདུན་
D496.087.0022b05.01ཞེས་བྱ་བ་འམ། ལྷ་ཞེས་བྱ་བ་འམ། ཀླུ་ཞེས་བྱ་བ་འམ། གནོད་སྦྱིན་ཞེས་བྱ་བ་འམ། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ཞེས་བྱ་བའི་བར་རམ། ཡོད་ཅེས་བྱ་བ་འམ།
D496.087.0022b06.01མེད་ཅེས་བྱ་བ་འམ། བསོད་ནམས་ཞེས་བྱ་བ་འམ། བསོད་ནམས་མ་ཡིན་ཞེས་བྱ་བ་འམ། འཁོར་བ་ཞེས་བྱ་བ་འམ། མྱ་ངན་ལས་འདས་པ་ཞེས་བྱ་བ་འམ། འཆིང་བ་ཞེས་བྱ་བ་འམ། ཐར་པ་ཞེས་བྱ་བ་མེད་དོ། །རིགས་ཀྱི་བུ་དེ་ལ་ནི་དུས་ཞེས་བྱ་བ་
D496.087.0022b07.01