完整藏文原文 · 德格版页 当前仅加载第 87 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཤེས་པར་འགྱུར་ཏེ། ཤི་འཕོས་ནས་ཀྱང་འཛམ་བུའི་གླིང་འདི་ཉིད་དུ་གནོད་སྦྱིན་གྱི་ཕོ་བྲང་ལྕང་ལོ་ཅན་དུ་སྐྱེ་བར་འགྱུར་ཏེ་གནོད་སྦྱིན་གཞོན་ནུའི་ལུས་ཐོབ་བོ། །ཅི་སྟེ་མ་གྲུབ་ན་ཡང་ངེས་པར་ཡུལ་ཐོབ་པར་འགྱུར་རོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་
D496.087.0074b01.01སེམས་དཔའ་ཞི་བའི་བློ་གྲོས་ལ་ཡང་འདི་སྐད་ཅེས་སྨྲས་སོ། །རིགས་ཀྱི་བུ་བཅོམ་ལྡན་འདས་འཁོར་ལོས་སྒྱུར་བ་ཆེན་པོ་འཇིག་རྟེན་པ་དང་འཇིག་རྟེན་ལས་འདས་པའི་གསང་སྔགས་ཐམས་ཅད་ཀྱི་གོང་ནས་གོང་དུ་གྱུར་པ་སྟོབས་དང་ཕ་རོལ་གནོན་པ་དཔག་ཏུ་མེད་པ་གསང་
D496.087.0074b02.01སྔགས་ཀྱི་མགོན་པོའི་སྒྲུབ་པ་ཉོན་ཅིག །ཞི་བའི་བློ་གྲོས་ཐོག་མ་ཉིད་དུ་སྔར་སྤྱད་པ་བྱས་པ་དཀྱིལ་འཁོར་མཐོང་བ། དམ་ཚིག་ཐོབ་པ་གནང་བ་རྡོ་རྗེ་འཁོར་ལོས་སྒྱུར་བ་ཆེན་པོའི་དཀྱིལ་འཁོར་དུ་དབང་བསྐུར་བ་དེས། བཅོམ་ལྡན་འདས་ཀྱི་དཀྱིལ་འཁོར་བྲིས་ལ་རིན་པོ་ཆེ་
D496.087.0074b03.01དང་སྤོས་དང་སྨན་ཐམས་ཅད་ཀྱིས་བཀང་བའི་བྱ་མ་བུམ་བཅུ་དྲུག་འཁོར་ལོས་སྒྱུར་བ་ཆེན་པོའི་སྔགས་བརྒྱ་རྩ་བརྒྱད་བཟླས་བརྗོད་བྱས་པ་དག་གིས་སྤྱི་བོར་དབང་བསྐུར་བར་བྱའོ། །དུས་ཐམས་ཅད་དུ་ལྷའི་གཟུགས་མཐོང་བར་བྱའོ། །དེ་ནས་རིའི་རྩེ་མོར་སོང་ལ་སློང་
D496.087.0074b04.01མོའི་ཟས་བཟའ་ཞིང་དུས་གསུམ་དུ་ཁྲུས་བྱ། དུས་གསུམ་དུ་གོ་ས་བརྗེས་ལ་ཤིང་ལྟར་མི་སྨྲ་བར་བྱ་ཞིང་གཙང་སྦྲ་དང་། གཙང་སྦྲ་སྤྱོད་པ་ཕུན་སུམ་ཚོགས་པར་བྱས་ལ་བཅོམ་ལྡན་འདས་འཁོར་ལོས་སྒྱུར་བའི་རྒྱལ་པོ་ཆེན་པོ་ས་ཡ་ཕྲག་འབུམ་བཟླས་བརྗོད་བྱའོ། །དེ་
D496.087.0074b05.01ནས་རྡོ་རྗེ་དྲག་པོའི་སྙིང་པོ་ལན་བཞི་འབུམ་བཟླས་བརྗོད་བྱའོ། །དེ་ནས་གསེར་མགར་གསོ་སྦྱོང་བཟུང་བས་གསེར་གྱི་འཁོར་ལོ་རྩིབས་བརྒྱད་པའམ་དྲུག་པ་ནོར་བུ་མེ་ཤེལ་གྱི་ལྟེ་བ་ཅན་དང་། འོད་ཟེར་འབར་བས་བསྐོར་བ་བརྡུང་དུ་གཞུག་གོ། །དེ་ནས་སྤོས་ཆུས་
D496.087.0074b06.01བཀྲུས་ཏེ་མཆོག་སྦྱིན་པའི་རྡོ་རྗེའི་སྔགས་ཀྱིས་གཟི་བརྗིད་བསྐྱེད་པར་བྱའོ། །དེ་ནས་རྡོ་རྗེ་དྲག་པོའི་སྙིང་པོས་བསྐུལ་བར་བྱས་ཏེ། བསྐུལ་ནས་འཁོར་ལོས་སྒྱུར་བའི་སྔགས་ཀྱིས་དཀྱིལ་འཁོར་གྱི་དབུས་ན་ཙནྡན་གྱི་སྒྲོམ་བུ་ཡོད་པའི་ནང་དུ་བཅུག་ལ་གཞག་གོ། །
D496.087.0074b07.01