完整藏文原文 · 德格版页 当前仅加载第 87 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
པར་རྫོགས་པའི་སངས་རྒྱས་མི་འཁྲུགས་པས་བྱང་ཆུབ་སེམས་དཔའ་སའི་སྙིང་པོ་ལ། རྡོ་རྗེ་ཆེན་པོས་རྣམ་པར་གནོན་པ་རྡོ་རྗེ་ཆེན་པོས་རྣམ་པར་རོལ་པ། བྱང་ཆུབ་ཀྱི་སྙིང་པོའི་མཆོག་འཛིན་པའི་སྙིང་པོ་འདི་སྦྱིན་པར་མཛད་དོ། །དེ་ནས་བཅོམ་
D496.087.0006a01.01ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པས། བྱང་ཆུབ་ཀྱི་སྙིང་པོ་ཆེན་པོ་མཆོག་འཛིན་པའི་སྙིང་པོ་འདི་གསུངས་སོ། །ན་མཿས་མནྟ་མུ་ཁེ་བྷྱཿ སརྦ་ཏ་ཐཱ་ག་ཏེ་བྷྱཿ སརྦ་ཐཱ་བར་ད་མན་ར་ཨ་གྲི་གྲི། འདི་གསུངས་ནས་
D496.087.0006a02.01བྱང་ཆུབ་སེམས་དཔའ་སའི་སྙིང་པོ་ལ་རིགས་ཀྱི་བུ་འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའི་རྒྱན་བཀོད་པ་དེ་དང་། རྒྱལ་པོ་དབང་སྒྱུར་གྱི་ཁང་པ་ཆེན་པོ་ག་ལ་བ་དེར། བཅོམ་ལྡན་འདས་རྣམ་པར་སྣང་མཛད་དེ་ལ་བལྟ་བ་དང་ཕྱག་བྱ་བའི་ཕྱིར་སོང་ཤིག་ཅེས་བཏང་ངོ་། །
D496.087.0006a03.01དེ་ནས་བྱང་ཆུབ་སེམས་དཔའ་སའི་སྙིང་པོ་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་བསྐོར་ཅིང་མདུན་དུ་བདར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ་འཇིག་
D496.087.0006a04.01རྟེན་གྱི་ཁམས་མེ་ཏོག་གི་གཞིའི་སྙིང་པོའི་རྒྱན་བཀོད་པ་ག་ལ་བ་དང་། རྒྱལ་པོ་དབང་སྒྱུར་གྱི་ཁང་པ་ཆེན་པོ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་ལན་བརྒྱ་སྟོང་དུ་མར་བསྐོར་བ་བྱས་ཏེ། ཇི་ལྟར་འོངས་པ་བཞིན་དུ་བྱང་
D496.087.0006a05.01ཕྱོགས་ཉིད་དུ་གནས་ནས་བྱང་ཆུབ་ཀྱི་སྙིང་པོ་ཆེན་པོའི་རྒྱན་བཀོད་པར་བྱིན་གྱིས་བརླབས་ཏེ། བྱང་ཆུབ་ཀྱི་སྙིང་པོའི་མཆོག་གི་ལུས་ཀྱི་སྤྲིན་རྣམས་ཀྱིས་ཕྱོགས་བཅུ་རྒྱས་པར་འགེངས་སོ། །བྱང་ཤར་གྱི་ཕྱོགས་མཚམས་ནས། བཅོམ་ལྡན་འདས་དེ་བཞིན་གཤེགས་པ་དགྲ་
D496.087.0006a06.01ཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་མཆོག་འཛིན་གྱིས་བྱང་ཆུབ་སེམས་དཔའ་རིན་པོ་ཆེ་ཅོད་པན་ལ། དཀོན་མཆོག་གསུམ་པའི་རྡོ་རྗེ་འབྱུང་གནས་རྡོ་རྗེ་ཆེན་པོའི་སྙིང་པོ་འདི་སྦྱིན་པར་མཛད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་
D496.087.0006a07.01