完整藏文原文 · 德格版页 当前仅加载第 87 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་བརྐྱང་བ་ནི་བཅོམ་ལྡན་འདས་འདི་ཉིད་ཀྱི་འོད་ཟེར་འབར་བ་ཆེན་པོའི་ཕྱག་རྒྱའོ། །མཛུབ་མོ་གཉིས་ཀྱིས་གུང་མོ་གཉིས་ལ་གོ་ཆའི་ཚུལ་དུ་འཁྱུད་པ་ནི་བཅོམ་ལྡན་འདས་ཀྱི་གོ་ཆའི་ཕྱག་རྒྱའོ། །མཛུབ་མོ་གཡས་པ་བཀུག་པ་ནི་བཅོམ་ལྡན་འདས་འདི་ཉིད་ཀྱི་སྙན་གྱི་ཕྱག་
D496.087.0114a01.01རྒྱའོ། །མཛུབ་མོ་གཡས་པ་བཀུག་ལ་གཡོན་པ་བརྐྱང་བ་ནི་འདི་ཉིད་ཀྱི་སྨིན་མའི་ཕྱག་རྒྱའོ། །མཛུབ་མོ་གཉིས་བཀུག་པ་ནི་འདི་ཉིད་ཀྱི་ཤངས་ཀྱི་ཕྱག་རྒྱའོ། །དེ་བཞིན་དུ་མཛུབ་མོ་གཉིས་ཀྱིས་གུང་མོ་གཉིས་དང་སྲིན་ལག་གཉིས་ལ་གོ་ཆའི་ཚུལ་དུ་འཁྱུད་ལ་ཡིད་ཙམ་བཀུག་སྟེ་མཐེ་
D496.087.0114a02.01བོ་གཉིས་དེའི་དྲུང་དུ་བཅར་བ་ནི་བཅོམ་ལྡན་འདས་འཁོར་ལོས་སྒྱུར་བའི་རྒྱལ་པོ་ཆེན་པོ་གཙུག་ཏོར་གྱི་ཕྱག་རྒྱའོ། །དེ་ཉིད་ལས་ཁ་སྦུབས་ཏེ་སྨིན་མཚམས་སུ་གཞག་པ་ནི་བཅོམ་ལྡན་འདས་ཀྱི་མཛོད་སྤུའི་ཕྱག་རྒྱའོ། །དེ་བཞིན་དུ་མཛུབ་མོ་བརྐྱང་ལ་མཐེ་བོ་བསྟོད་དེ་བཀུག་པ་ནི་བཅོམ་ལྡན་
D496.087.0114a03.01འདས་ཀྱི་ཞལ་གྱི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཉིས་ནང་དུ་བཅུག་ལ་སླར་བསྒྲེང་བ་ནི་མཆེ་བའི་ཕྱག་རྒྱའོ། །ཕྱག་རྒྱ་དེ་ཉིད་ལས་སྲིན་ལག་གཉིས་ནང་དུ་བཅུག་སྟེ་ཕྱིར་བསྒྲེང་བ་ནི་ལྗགས་ཀྱི་ཕྱག་རྒྱའོ། །འདི་ཉིད་ལས་མཛུབ་མོ་གཉིས་གདུབ་ཀོར་གྱི་ཚུལ་དུ་ངོས་
D496.087.0114a04.01ལ་སྦྱར་བ་ནི་མཁུར་བའི་ཕྱག་རྒྱའོ། །འདི་ཉིད་ལས་མཛུབ་མོ་གཉིས་ནང་དུ་བཅུག་སྟེ་གུང་མོ་གཉིས་ཀྱི་དྲུང་དུ་སྦྱར་བ་ནི་ཀོསྐོའི་ཕྱག་རྒྱའོ། །གཙུག་ཏོར་གྱི་ཕྱག་རྒྱ་ལས་མཐེའུ་ཆུང་གཉིས་བསྐྱེད་དེ་སྙིང་གར་གཞག་པ་ནི་དཔལ་བེའུའི་ཕྱག་རྒྱའོ། །དེ་བཞིན་དུ་ལག་པ་
D496.087.0114a05.01གཉིས་སྙིམ་པར་སྦྱར་བའི་ཚུལ་དུ་སྦྱར་ཏེ་མཛུབ་མོ་གཉིས་གདུབ་ཀོར་གྱི་ཚུལ་དུ་གུང་མོ་གཉིས་ཀྱི་ངོས་ལ་སྦྱར་བ་ནི་བཅོམ་ལྡན་འདས་ཀྱི་སྤྱན་གྱི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་གཉིས་ནང་དུ་བཅུག་པ་ནི་ལྟེ་བའི་ཕྱག་རྒྱའོ། །སྲིན་ལག་གཉིས་ཀྱང་ནང་དུ་བཅུག་པ་ནི་བཅོམ་
D496.087.0114a06.01ལྡན་འདས་ཀྱི་གསུང་གི་ཕྱག་རྒྱ་ཆེན་པོའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ཏེ་མཐེའུ་ཆུང་གཉིས་ཀྱི་ནང་དུ་མཛུབ་མོ་གཉིས་ཀ་བཀུག་ལ་རྡོ་རྗེའི་ཚུལ་དུ་གཞག་པ་ནི་བཅོམ་ལྡན་འདས་ཀྱི་རྡོ་རྗེ་ལས་བྱུང་བའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེའུ་ཆུང་གཉིས་སྔ་མ་བཞིན་
D496.087.0114a07.01