完整藏文原文 · 德格版页 当前仅加载第 87 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཆུ་བླངས་ལ། བུམ་པ་ཞབས་ནག་པོ་མེད་པ་བཀང་སྟེ་སྤོས་དང་། མེ་ཏོག་དང་། བདུག་པས་མཆོད་ལ། ནམ་ཆུ་ལས་དབུ་བ་འབྱུང་ཞིང་གྱེན་དུ་འཐོར་བ་དང་སྒྲ་འབུག་འབུག་པོའམ་འབྲུག་གི་སྒྲ་གྲག་གི་བར་དུ་བཟླས་བརྗོད་བགྱིས་ན། ལྷའི་བུ་ཆར་སྤྲིན་གང་ཡང་
D496.087.0064a01.01རུང་བ་ཞིག་མཆིས་ནས་ཆུ་བར་སྣང་ལ་འཐོར་རོ། །དེ་ནས་གྲུབ་པར་འགྱུར་ཏེ་འདོད་པ་བཞིན་དགོས་པ་ཐམས་ཅད་བགྱིད་དོ། །དེ་ནས་གློག་སྤྲིན་འཇོམས་པ་དང་། གློག་གཟི་བརྗིད་དང་། གློག་འོད་སྣང་དང་། གློག་ཕྲེང་བཟང་ཞེས་བྱ་བ་རྣམས་ཀྱིས། བྱང་ཆུབ་སེམས་དཔའ་ལག་ན་
D496.087.0064a02.01རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་འདི་སྐད་ཅེས་སྨྲས་སོ། །བཅོམ་ལྡན་འདས་གནོད་པ་ཐམས་ཅད་ཞི་བར་བགྱི་བའི་སླད་དུ་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་དྷཱ་ར་ཡ་དྷཱ་ར་ཡ། སྥུ་ར་
D496.087.0064a03.01སརྦ་མ་ཧཱ་པྲི་ཏི་ཀ་ར་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་འདི་དྲན་པར་བགྱིད་ན་དེ་ལ་བདག་ཅག་གིས་བསྲུང་བར་བགྱིའོ། །ཡོངས་སུ་བསྐྱབ་པ་དང་སྦ་བར་བགྱིའོ། །ཅི་སྟེ་བསྒྲུབ་པར་འཚལ་ན་དེས་ཕྱོགས་བཞིར་སྒྲོན་མེ་བུས་ཤིང་ཕྱོགས་བཞིར་བདུག་པས་བདུགས་ལ་ཅི་
D496.087.0064a04.01འབྱོར་པའི་མཆོད་པ་བགྱིས་ཏེ། ཕྱོགས་བཞིར་ཁ་དོག་ཅི་ལྟ་བ་བཞིན་དུ་བུམ་པ་བཞི་བཞག་པ་ལ་མཚན་ཐོག་ཐག་བཟླས་བརྗོད་བགྱིའོ། །དེ་ནས་ཕྱོགས་བཞིར་གློག་བྱུང་བ་ལ་འཇིགས་པར་མི་བགྱིད་པར་ཐམས་ཅད་ལ་མཆོད་ཡོན་སྩལ་ན་འགྲུབ་པར་འགྱུར་ཏེ། རང་གི་གནས་སུ་ཁྲིད་
D496.087.0064a05.01ནས་བསྲུང་བར་བགྱིད། ཡིད་ཀྱིས་བསམས་པ་རྣམས་སྒྲུབ་པར་བགྱིད་དོ། །གང་འདོད་པའི་དམ་པ་དེ་སྩོལ་ཏོ། །དེ་ནས་རིའི་རྒྱལ་པོ་རི་རབ་ལ་སོགས་པ་རིའི་རྒྱལ་པོ་ཆེན་པོ་རྣམས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་འདི་སྐད་ཅེས་སྨྲས་སོ། །
D496.087.0064a06.01བཅོམ་ལྡན་འདས་བདག་ཅག་ཀྱང་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་ཀྱི་དོན་གྱི་སླད་དུ་དཀྱིལ་འཁོར་ཆེན་པོ་འདིར་རང་གི་སྙིང་པོ་དབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿསརྦ་ཐཱ་ཙ་ལ་ཙ་ལ། མ་ཧཱི་དྷ་ར། རཏྣ་
D496.087.0064a07.01