完整藏文原文 · 德格版页 当前仅加载第 87 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
ལེགས་བསླབས་པས། །རྡོ་རྗེ་གར་ནི་རབ་བྱས་ལ། །ཚངས་པའི་རྐང་སྟབས་བྱས་ནས་སུ། །པདྨའི་ཐལ་མོ་སྦྱར་བྱས་ཏེ། །སྙིང་གའི་ཐད་ཀར་བསྐོར་བར་བྱ། །གར་བྱེད་ཚུལ་གྱིས་ལག་པ་གཉིས། །རྡོ་རྗེ་ཁུ་ཚུར་བཅངས་བར་བྱ། །གཡོན་པ་གཡོན་དུ་བརྐྱང་བར་བྱ། །
D496.087.0133b01.01གཡས་པ་གཡས་སུ་བརྐྱང་བར་བྱ། །མཐུན་པའི་རྐང་སྟབས་བྱས་ནས་སུ། །ཧཱུཾ་ཞེས་བྱ་བའི་སྒྲ་བརྗོད་ལ། །སྔགས་པས་འཁོར་ལོ་བཞིན་དུ་བསྐོར། །རྡོ་རྗེ་གོམ་པས་མྱུར་སོང་ལ། །གཡས་བརྐྱང་གོམ་པའི་ཚུལ་གྱིས་ནི། །རྐང་པ་བཞག་པའི་ཚུལ་གྱིས་སུ། །དེ་ཉིད་
D496.087.0133b02.01ཀྱིས་ནི་ཡང་བསྐོར་རོ། །ཧཱུཾ་ཞེས་བྱ་བའི་སྒྲ་ཕྱུང་ལ། །དེ་བཞིན་ཕྱོགས་བཞི་རྣམས་སུ་ཡང་། །རྡོ་རྗེ་ཁུ་ཚུར་བསྐོར་བས་ན། །བགེགས་རྣམས་ཐམས་ཅད་འདར་བར་འགྱུར། །རྡོ་རྗེ་བློ་དང་ལྡན་པ་ཡིས། །ས་བསྡུས་འདོར་བར་འདོད་ན་ནི། །གོམ་པ་བཞག་པའི་འགྲོས་ཀྱིས་སུ། །
D496.087.0133b03.01མྱུར་དུ་གཡས་པ་བརྐྱང་བྱས་ལ། །གཅིག་ནི་རི་རབ་རྩེ་ལ་བཞག །ཅིག་ཤོས་ཏི་སེའི་རྩེ་མོར་བཞག །དེ་ལྟར་རྐང་སྟབས་བཞག་པ་ནི། །ཀུན་དུ་འདོར་བར་རབ་བྱེད་ཅིང་། །ས་འོག་ན་ནི་ལག་པ་གཡོན། །གཡས་པས་ཡི་སྟེང་ན་སྟེ། །ཨ་ལ་ལ་ཞེས་སྒྲ་འབྱིན་ཅིང་། །
D496.087.0133b04.01འཇིག་རྟེན་ཁམས་ཀུན་འཕེན་བྱེད་ན། །བགེགས་རྣམས་གཞན་ལྟ་ཅི་ཞིག་སྨོས། །ལོག་འདྲེན་སྡང་བ་དྲག་པོ་རྣམས། །མི་ཡི་འཇིག་རྟེན་འདི་ནས་ནི། །གཞན་དུ་འཕེན་པ་ཅི་ཞིག་སྨོས། །ཅི་སྟེ་འཇིག་རྟེན་ཁམས་རྣམས་ཀྱང་། །ཀུན་ནས་ཚིག་པར་བྱེད་འདོད་ན། །རྐང་
D496.087.0133b05.01སྟབས་ཚུལ་ནི་དེ་ཉིད་ཀྱིས། །ཕྱོགས་བཞི་དག་ཏུ་འཇུག་པར་འགྱུར། །རྡོ་རྗེའི་གོམ་པས་མྱུར་སོང་ལ། །གཡས་པ་བརྐྱང་བའི་སྟབས་ཚུལ་གྱིས། །ཉི་མ་བཅུ་གཉིས་ལྟ་བུར་ནི། །མེ་ལྕེ་ཕྲེང་ལྡན་བཟོད་དཀའ་བ། །རྐང་པ་གཡོན་པ་བརྟན་བྱས་ལ། །རྡོ་རྗེ་འཛིན་དེ་ལག་
D496.087.0133b06.01པ་བསྒྲེང་། །ལུས་ནི་བཏུད་པར་བྱས་ནས་སུ། །རྐང་པ་གཡས་པ་བཏེག་བྱས་ལ། །སྔགས་པས་འཁོར་ལོ་བཞིན་དུ་བསྐོར། །རླུང་རྣམས་ཀུན་ཡང་སྡུད་བྱེད་ཅིང་། །ནམ་མཁའ་མེ་འདྲར་བསྒྱུར་ནས་སུ། །བསྲེག་པའི་བསྐལ་པ་ལྟ་བུར་འཇུག །ལག་ན་འཛིན་པའི་
D496.087.0133b07.01