完整藏文原文 · 德格版页 当前仅加载第 87 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་འཆང་གཉིས་མེ་ཏོག་གི་ཆར་འབེབས་པ་བྲི། འོག་ལོགས་སུ་སྒྲུབ་པ་པོའམ་ལག་ན་པོག་ཕོར་ཐོགས་པ། བཅོམ་ལྡན་འདས་མ་ལ་བལྟ་ཞིང་ཡལ་ག་མེ་ཏོག་ཅན་ཐོགས་པ་སྐྱིལ་མོ་ཀྲུང་གིས་འདུག་པར་བྱའོ། །དེ་ནས་བྱང་ཆུབ་སེམས་དཔའི་སྤྱོད་པ་གསང་སྔགས་ཀྱི་སྒོ་
D496.087.0150b01.01སྤྱོད་པའི་བྱང་ཆུབ་སེམས་དཔའ་ས་ཕྱོགས་གཙང་མའམ། དབེན་པའམ། རིའམ་ནགས་ཚལ་ལམ། གཙུག་ལག་ཁང་ངམ། གང་ཡིད་དང་འཐད་པ་དེར་འདུག་ལ། སློང་མོའི་ཟས་ཟ་ཞིང་ནང་གི་གཙང་སྦྲ་སྤྱོད་པས་རི་མོའི་སྐུ་གཟུགས་དེའི་མདུན་དུ་གཟུངས་སྔགས་གང་
D496.087.0150b02.01ཡང་རུང་བ་གཅིག་བཟུང་སྟེ། བཞི་འབུམ་བཟླས་བརྗོད་བྱས་ལ། ཐ་མར་ཟླ་བ་ཉ་ལ་ཅི་འབྱོར་པས་མཆོད་པ་བྱས་ཏེ། མཚན་ར་ངས་བཟླས་བརྗོད་བྱས་ན་ནང་པར་རམ་ཉི་མ་འཆར་ཀར་མཚན་མ་འབྱུང་སྟེ། སྔགས་པའི་ལུས་ལ་འོད་ཟེར་སྣང་བ་འབྱུང་ཞིང་སྐུ་གཟུགས་ལ་མེ་ཏོག་
D496.087.0150b03.01གི་ཆར་འབབ་པར་འགྱུར། རིག་སྔགས་འཆང་རྣམས་ཅ་ཅོའི་སྒྲ་འདོན་པར་འགྱུར། འབྲུག་སྒྲ་གྲག་པར་འགྱུར། བཅོམ་ལྡན་འདས་མ་ཡང་བུ་ང་གྲུབ་ཟིན་གྱིས་ལོངས་ཞེས་ཚིག་བརྗོད་པར་འགྱུར་རོ། །དེ་ནས་རིག་སྔགས་འཆང་གིས་མཆོད་ཡོན་ཕུལ་ནས། བཅོམ་ལྡན་འདས་མ་
D496.087.0150b04.01ལ་འདི་སྐད་དུ་བདག་གི་བསམ་པ་རྫོགས་པར་མཛོད་ཅིག་ཅེས་སྨྲོས་ཤིག །འོན་ཀྱང་བཅོམ་ལྡན་འདས་མས་རིག་སྔགས་འཆང་གི་ལག་པ་ནས་བཟུང་ནས། དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་འཇོག་སྟེ། བཅོམ་ལྡན་འདས་མའི་མཐུས་སྐད་ཅིག་ཐང་ཅིག་ཡུད་
D496.087.0150b05.01ཙམ་ཅིག་དེ་ལ་དེ་བཞིན་གཤེགས་པ་ཐམས་ཅད་ཀྱི་མཆོད་པ་སྒྲུབ་པར་བྱེད་ཅིང་། སེམས་ཅན་གྱི་ཁམས་ཐམས་ཅད་སྐད་ཅིག་རེ་རེ་ལ་དགའ་བར་བྱེད་དོ། །རིག་སྔགས་འཆང་གི་འཁོར་དུ་མ་དང་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་གནས་པར་འགྱུར་རོ། །འཇམ་
D496.087.0150b06.01དཔལ་བཅོམ་ལྡན་འདས་མའི་རི་མོའི་སྐུ་གཟུགས་ཀྱི་ཆོ་ག་རྒྱས་པའི་མདོ་འདི་ནི་དོན་ཐམས་ཅད་སྒྲུབ་པ། སྡིག་པ་ཐམས་ཅད་རབ་ཏུ་སེལ་བ། འཇིགས་པ་ཐམས་ཅད་རབ་ཏུ་སྦྱོང་བ། དུས་མ་ཡིན་པར་འཆི་བ་ཐམས་ཅད་རབ་ཏུ་ཞི་བར་བྱེད་པ་ཡིན་ནོ། །འཇམ་དཔལ་གང་རི་མོའི་སྐུ་གཟུགས་
D496.087.0150b07.01