完整藏文原文 · 德格版页 当前仅加载第 87 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ལྷ་གང་ཡིན་པ་དེ་ཁོ་བོ་ཡིན་ནོ། །ཁོ་བོ་གང་ཡིན་པ་དེ་དཀྱིལ་འཁོར་ཡིན་ནོ། །ལྷའི་གནས་གང་ཡིན་པ་དེ་ཁོ་བོའི་གནས་སོ། །ཁོ་བོའི་གནས་གང་ཡིན་པ་དེ་དཀྱིལ་འཁོར་རོ། །དཀྱིལ་འཁོར་ལ་གནས་པ་ནི་གསང་སྔགས་ཏེ་དཀྱིལ་འཁོར་མེད་པར་གསང་
D496.087.0042a01.01སྔགས་མེད་དེ། འཇམ་དཔལ་གཞན་ཡང་དཀྱིལ་འཁོར་གྱི་གཟུགས་ཡོད་པ་དང་གཟུགས་མེད་པའོ། །དེ་ལ་གཟུགས་ཡོད་པ་ནི་རི་མོར་བྲི་བའོ་གཟུགས་མེད་པ་ནི་བྲི་བ་མ་ཡིན་པའོ། །གཞན་ཡང་བྲི་བར་བྱ་བ་ནི་བྲིར་རུང་བའོ། །མི་བྲི་བ་ནི་བྲིར་མི་རུང་བའོ། །
D496.087.0042a02.01གཞོན་ནུ་དེ་ལ་བྲི་བ་མ་ཡིན་པ་ནི་ལས་ཐམས་ཅད་བྱའོ། །བྲི་བ་ནི་བྱ་བ་དང་ལས་ཀྱི་རྒྱུ་ཙམ་དུ་ཟད་དེ། དེ་ནི་ཕ་རོལ་དད་པ་བསྐྱེད་པ་ཡིན་ལ། གཅིག་གིས་ནི་ལྷའི་གནས་སུ་བྱིན་གྱིས་བརླབ་པར་བྱ་བ་སྟེ་དོན་གཉིས་བསྒྲུབ་པ་དང་བྱ་བ་དང་རྣལ་འབྱོར་ཐ་དད་པ་མ་ཡིན་པའི་དཀྱིལ་
D496.087.0042a03.01འཁོར་དང་ལྡན་པའི་དཀྱིལ་འཁོར་རོ། །སློབ་དཔོན་ལས་དང་། བྱ་བ་དང་། དུས་དང་། བྱེད་པ་དང་། ནུས་པ་དང་། འཛིན་པ་དང་། བསམ་གཏན་དུ་བྱ་བ་དང་། མན་ངག་དང་། རྣལ་འབྱོར་ཐམས་ཅད་དང་ལྡན་པ་བདག་ལ་དབང་ཐོབ་པས་དཀྱིལ་འཁོར་བྲི་བར་བྱའོ། །གཞོན་
D496.087.0042a04.01ནུ་དེ་ལ་མན་ངག་གང་ཞེ་ན་འདི་ལྟ་སྟེ། སློབ་དཔོན་དང་སློབ་མའོ། །སློབ་དཔོན་ནི་སློབ་དཔོན་གྱི་ཡོན་ཏན་དང་ལྡན་པའོ། །དེ་ནི་དེའི་སྤྱོད་པའི་རྗེས་སུ་འཇུག་ཅིང་ཚིག་བཞིན་དུ་བྱེད་ལ་མི་སླུ་བའོ། །ཚད་མ་དེ་ནི་མན་ངག་གོ། །འཇམ་དཔལ་གཞོན་ནུར་གྱུར་པ་གཞན་ཡང་ཚད་མ་གང་
D496.087.0042a05.01ཞེ་ན། གང་མདོ་སྡེ་དང་གསང་སྔགས་ཀྱི་དོན་མི་སླུ་བ་དང་པོར་ཤེས་ནས་དེའི་རོ་མྱོང་བ་དང་དོན་དེ་ཤིན་ཏུ་ཆུང་པས་དེ་ལས་མི་ཉམས་པ་དང་བརྟན་པར་འགྱུར་བ་དེ་ནི་ཆོས་ཉིད་དོ་ཞེས་ཐ་སྙད་འདོགས་པ་དེ་ནི་མན་ངག་བཤད་པའོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་
D496.087.0042a06.01རྫོགས་པའི་སངས་རྒྱས་ནི་གང་གསུངས་པ་དེ་དེ་བཞིན་ཏེ་གཞན་དུ་མི་འགྱུར་བས་ལྷ་དང་བཅས་པའི་འཇིག་རྟེན་གྱི་ཚད་མ་སྟེ་དེ་ནི་མི་སླུ་བའོ། །དེ་མངོན་པར་རྟོགས་པ་དང་མངོན་སུམ་དུ་བྱས་པ་དང་འབྲས་བུ་ཐོབ་པ་གང་ཡིན་པ་དེ་ནི་ཆོས་ཉིད་དོ། །གཞན་ཡང་ཆོས་ཉིད་དེ་ཐོབ་པར་བྱེད་པའི་
D496.087.0042a07.01