完整藏文原文 · 德格版页 当前仅加载第 87 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེས་གཏུབ་པར་བྱ་བ་བྱས། །རྡོ་རྗེ་འཁོར་ལོའི་ཕྱག་རྒྱ་ཡིས། །གནོད་པར་སེམས་པ་ཐམས་ཅད་གཏུབ། །རྡོ་རྗེ་འབྱུང་བར་འདུག་ནས་སུ། །རྡོ་རྗེ་མཐུ་རྩལ་བརྩམ་བྱས་ལ། །རྐང་པ་བཏེག་ཅིང་བཞག་ཚུལ་གྱིས། །རྡོ་རྗེ་གར་ནི་རབ་ཏུ་བྱ། །འཁོར་ལོ་རྒྱས་པར་བྱ་རིམ་གྱིས། །
D496.087.0128b01.01པདྨའི་ཐལ་མོ་སྦྱར་བྱས་ལ། །རྐང་པ་རྣམ་པར་བཞག་བྱས་ནས། །ས་ལ་འཁོར་ལོ་འཕང་བར་བྱ། །རྟིང་སྤྲད་གནས་སུ་འདུག་བྱས་ནས། །འབྲུག་སྒྲ་དལ་འདྲའི་ཧཱུཾ་བརྗོད་དེ། །ཐལ་མོ་བརྡབ་པའི་ཚུལ་གྱིས་སུ། །ས་ལ་འཁོར་ལོས་བསྣུན་པར་བྱ། །བཟློག་སྟེ་ལན་བུར་བྱས་ནས་
D496.087.0128b02.01སུ། །ལག་པ་སྦྱོར་བའི་ཚུལ་གྱིས་ནི། །འཁོར་ལོ་ལྟ་བུར་བྱས་ནས་སུ། །གྱེན་དུ་འཕངས་ལ་གཞིག་པར་བྱ། །བཀུག་སྟེ་རྐང་པས་མགོ་མནན་ནས། །བགེགས་རྣམས་ལ་ནི་བསྣུན་པར་བྱ། །འོན་ཏམ་རབ་ཏུ་ཞི་བར་འགྱུར། །ཡང་ན་ཤི་འགྱུར་ཐེ་ཙོམ་མེད། །དེ་ལྟར་
D496.087.0128b03.01རིམ་པའི་ཚུལ་འདི་ཡིས། །བགེགས་རྣམས་ལ་ནི་གནོད་པར་བྱ། །སྡིག་པའི་གནོད་པ་མེད་པར་ནི། །བསྐུལ་ཡང་བདེ་བར་མི་འགྱུར་རོ། །གལ་ཏེ་རྡོ་རྗེ་སེམས་དཔའ་ཆེ། །སྙིང་རྗེའི་སེམས་དང་ལྡན་འགྱུར་བས། །བགེགས་ལ་ཞི་བར་བྱ་འདོད་ན། །ཆོ་ག་འདི་ཡི་ཚུལ་དུ་བྱ། །
D496.087.0128b04.01བ་ལང་གི་ནི་ལྕི་བ་ལས། །དེ་འདྲ་བ་ཡི་གཟུགས་བྱས་ལ། །སྔགས་པས་ཞི་བའི་སེམས་ཀྱིས་ནི། །སྔགས་པས་འོ་མས་བཀྲུས་ནས་སུ། །མོད་ལ་སྔ་མཁོ་བཞིན་དུ་འགྱུར། །དེ་ལྟར་ཀུན་དུ་བགེགས་རྣམས་ནི། །ཀུན་ལ་ཆོ་ག་བཞིན་དུ་བྱ། །རིམ་པ་འདི་ཡི་ཚུལ་གྱིས་ནི། །
D496.087.0128b05.01གསང་སྔགས་རྣམས་ལའང་སྦྱར་བྱ་སྟེ། །གཅད་དང་གནོན་པ་བྱས་པ་དང་། །བཀག་པ་དང་ནི་བཅིངས་པ་འང་རུང་། །གལ་ཏེ་བསྒྲུབ་པར་འདོད་ན་ནི། །དེ་ནས་སྔ་མ་ཁོ་བཞིན་དུ་འགྱུར། །འོན་ཏམ་གསང་སྔགས་རྣམས་ལ་ནི། །བྱེ་བྲག་ཏུ་ནི་སྤོས་ཀྱིས་བྱ། །བ་ནི་སེར་མོའི་
D496.087.0128b06.01འོ་མའམ། །ཡང་ན་མར་གྱི་སྦྱིན་སྲེག་བྱ། །ཡང་ན་བརྒྱ་དང་རྩ་བརྒྱད་ཀྱིས། །སྦྱིན་སྲེག་གིས་ནི་ཀུན་ཞིར་འགྱུར། །ཞི་བའི་སེམས་ཀྱིས་ཞི་བ་སྟེ། །དགའ་བའི་སེམས་ཀྱིས་རྒྱས་པར་རོ། །དྲག་ཤུལ་སྤྱོད་ལས་གང་ཡིན་པ། །དེ་ནི་ཁྲོས་པ་བརྩམ་པར་བྱ། །ཇི་ལྟར་ལས་
D496.087.0128b07.01