完整藏文原文 · 德格版页 当前仅加载第 87 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ལུང་དང་འགལ་བར་བྱེད། །ཅི་སྟེ་བསྒོ་ཡང་མི་འོང་ན། །རྐང་སྟབས་ཚུལ་ནི་དེ་ཉིད་ཀྱིས། །གཡོན་བརྐྱང་སྟབས་ཀྱིས་གནོན་པར་བྱ། །ལྷུན་པོ་ལ་ནི་རྐང་བཞག་སྟེ། །ལག་པས་དབྱུག་པའི་སྦྱོར་བ་ཡིས། །སྒྲ་སྒྲོག་ཅིང་ནི་ཐམས་ཅད་གནས། །ས་འོག་
D496.087.0135a01.01ཐམས་ཅད་གནོན་པར་བྱ། །ཧ་ཧ་ཞེས་ནི་སྒྲ་འདོན་ཅིང་། །བསྒོ་བའི་ལུང་དང་འགལ་བྱེད་པ། །ཐམས་ཅད་ཀྱིས་ནི་བཟུང་ནས་སུ། །ཤིན་ཏུ་མྱུར་དུ་དབུག་པར་བྱེད། །སྔགས་པས་དེ་གཅིག་ཚར་བཅད་དེ། །ལྷག་མ་ཐམས་ཅད་གཏང་བར་བྱ། །བསྒོ་བའི་ལུང་ལ་དེ་བཞག་
D496.087.0135a02.01ལ། །མཁས་པས་ལེགས་པར་བསླབ་པར་བྱ། །གསང་བ་སྲིན་པོ་ཐམས་ཅད་ལ། །དགྱེས་པའི་སེམས་ནི་ཡང་བསྐྱེད་དེ། །དེ་དག་དམ་ཚིག་བྱིན་ནས་ནི། །དེ་རྣམས་ཀུན་དུ་གཏང་བར་བྱ།། །།འཕགས་པ་ལག་ན་རྡོ་རྗེ་དབང་བསྐུར་བ། བམ་པོ་བཅུ་གཅིག་པ།
D496.087.0135a03.01དེ་ནས་སློབ་དཔོན་རྡོ་རྗེ་འཆང་། །སྙིང་བརྩེ་སྙིང་རྗེའི་སེམས་ལྡན་པས། །མི་དང་མི་མིན་ལ་སོགས་པ། །ཤིན་ཏུ་གནོད་བྱེད་ལྷ་རྣམས་དང་། །ལྷ་མིན་གསང་བར་བཅས་རྣམས་དང་། །གཞན་ཡང་སྡང་བའི་གདོན་ལ་སོགས། །ནད་སྦྲུལ་དུག་ལ་སོགས་རྣམས་ཀྱིས། །སེམས་
D496.087.0135a04.01ཅན་རྣམས་ལ་གནོད་བྱེད་ཅིང་། །དམ་ཚིག་ལ་ནི་མི་གནས་ཏེ། །རྒྱགས་པའི་ཡིད་དང་ལྡན་པ་དག །ནད་དང་མུ་གེ་ལ་སོགས་པས། །སེམས་ཅན་རྣམས་ལ་གནོད་བྱེད་དེ། །ཕ་རོལ་གནོད་བྱེད་མངོན་དགའ་བ། །དེ་དག་སྙིང་རྗེ་མེད་པ་དང་། །བསྟན་པ་ལས་ནི་འགལ་བྱེད་ཅིང་། །
D496.087.0135a05.01ཤིན་ཏུ་རྒྱགས་པའི་ཤས་ཆེ་བ། །མཐོང་ནས་དེ་དག་ཚར་གཅད་ཕྱིར། །སྔགས་ལ་མཁས་པས་སྦྱར་བར་བྱ། །བདག་ལ་སྡིག་པར་འགྱུར་སྙམ་དུ། །བདག་ཉིད་ལས་ནི་མི་སེམས་ཤིང་། །བདག་ཉིད་ལམ་མིན་ཞུགས་གྱུར་ལ། །གཞན་དང་གཞན་ཡང་ཕུང་བྱེད་པ། །གཞན་
D496.087.0135a06.01ལ་གནོད་པ་དེ་དག་ལ། །སྔགས་པས་བཟོད་པ་མི་བྱ་སྟེ། །སྐྲག་པར་བྱ་ཞིང་བཅིང་བར་བྱ། །གཏུབ་པར་བྱ་ཞིང་གསད་པར་བྱ། །དེ་ནས་སློབ་དཔོན་རྡོ་རྗེ་འཆང་། །རྡོ་རྗེ་ཞགས་པ་ལེགས་བསླབས་པས། །ནམ་མཁའ་གོ་སྐབས་མེད་བྱས་ཏེ། །རྡོ་རྗེ་དབྱིབས་སུ་བསྒྱུར་
D496.087.0135a07.01