完整藏文原文 · 德格版页 当前仅加载第 87 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
འདྲིའོ། །བཅོམ་ལྡན་འདས་ཀྱིས་ཚིག་གི་ལན་འདི་བཀའ་སྩལ་མ་ཐག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་ཤིང་ཏ་ལ་བདུན་སྲིད་ཙམ་གྱི་སྟེང་གི་བར་སྣང་ལ་འདུག་ནས་ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ཐམས་ཅད་དུ་ལྷའི་མེ་
D496.087.0020b01.01ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། བ་དན་དང་། ཕེག་རྡོབ་པའི་སྤྲིན་མངོན་པར་སྤྲུལ་ཏེ་ཆར་དུ་ཕབ་ནས་སྟེང་གི་ནམ་མཁའ་ལས་བབས་ཏེ་ཁང་པ་བརྩེགས་པ་དེ་བཅོམ་
D496.087.0020b02.01ལྡན་འདས་ལ་ཕུལ་ལོ། །ཕུལ་ནས་ཀྱང་བཅོམ་ལྡན་འདས་ལ་མངོན་པར་བསྟོད་པ། སྐུ་དང་གསུང་དང་ཐུགས་མཁྱེན་པས། །རྣམ་དག་བརྟུལ་ཞུགས་བཟང་པོ་པ། །རྟོག་པ་ཀུན་གྱིས་རྣམ་དག་པ། །ཕྱག་འཚལ་སེམས་ཅན་དག་ཁྱོད་ལ། །མིག་དང་དེ་བཞིན་རྣ་བ་དང་། །
D496.087.0020b03.01སྣ་དང་དེ་བཞིན་ལྕེ་དང་ནི། །ལུས་དང་དེ་བཞིན་ཡིད་ཀྱིས་ནི། །སྨྲ་བའི་མཆོག་ལ་བདག་ཕྱག་འཚལ། །གཟུགས་དང་སྒྲ་དང་དྲི་དང་རོ། །རེག་བྱ་ཡུལ་ཅན་འཚལ་བ་ཡི། །དངོས་པོ་ཀུན་ལས་རྣམ་གྲོལ་བ། །རྒྱལ་བ་མཆོག་ལ་ཕྱག་འཚལ་ལོ། །གདོད་ནས་ཞི་ཞིང་
D496.087.0020b04.01མ་སྐྱེས་པ། །སྐུ་གསུང་ཐུགས་ལ་སོགས་པ་ཡིས། །གཟུགས་བརྙན་ལྟ་བུར་འཇིག་རྟེན་དུ། །མངའ་བདག་ཁྱོད་ནི་རྟག་ཏུ་དགའ། །ཁྱོད་ནི་སེམས་ཅན་སྲོག་མ་ལགས། །གང་ཟག་ཀུན་གཞི་ཁྱོད་མ་ལགས། །དུས་དང་རང་བཞིན་ལས་མ་བྱུང་། །ཅི་ལྟར་མ་ལགས་
D496.087.0020b05.01ཅི་མ་ལགས། །ཁྱོད་ནི་བརྟེན་ནས་བྱུང་བ་ཙམ། །སྒྱུ་མ་ལྟ་བུར་དངོས་པོར་སྤངས། །ཆོས་རྣམས་སྒྱུ་མ་ལྟ་བུར་ནི། །ཐུགས་སུ་ཁྱོད་ཆུད་རྐང་གཉིས་མཆོག །ཁྱོད་ནི་ངོ་བོ་ཉིད་ཀྱིས་སྟོང་། །སྟོང་པ་ཉིད་ཀྱང་མཆིས་མ་ལགས། །སྟོང་དང་མི་སྟོང་རྣམ་པར་གྲོལ། །
D496.087.0020b06.01ནམ་མཁའ་འདྲ་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོས་བཅོམ་ལྡན་འདས་ལ་མངོན་པར་བསྟོད་ནས། གཡོག་འཁོར་དང་ལྷན་ཅིག་ཏུ་བཅོམ་ལྡན་འདས་ལ་ལན་བརྒྱ་སྟོང་དུ་མར་བསྐོར་བ་བྱས་ཏེ། བཅོམ་ལྡན་འདས་
D496.087.0020b07.01