完整藏文原文 · 德格版页 当前仅加载第 87 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
རིན་པོ་ཆེའི་དྲིལ་བུ་གཡེར་ཀའི་དྲ་བས་སྟེང་གི་བར་སྣང་ཡོངས་སུ་བསྐོར་བ་ལྷའི་རས་བཅོས་མ་དང་དར་གྱི་ལྡ་ལྡི་མང་པོ་བྲེས་པས་མཛེས་པར་བྱས་པ། ལྷའི་སིལ་སྙན་དང་ཕེབ་རྡོ་བ་པ་སྙན་ཅིང་ཡིད་དུ་འོང་བའི་སྒྲ་འབྱིན་པ། ལྷའི་བུ་མོ་བྱེ་བ་ཁྲག་ཁྲིག་བརྒྱ་སྟོང་
D496.087.0019a01.01གླུ་ལེན་གར་བྱེད་རོལ་མོ་བྱེད་ཅིང་སྙན་པར་སྨྲ་ལ་གདུ་བུ་དང་རྣ་ཆ་གདུབ་འཁོར་གྱིས་བརྒྱན་ཅིང་ལྷའི་ལུས་དང་ལྡན་པ་རྣམས་ཀྱིས་གང་བ། རིན་པོ་ཆེ་ཆེན་པོའི་བླ་རེ་ཀུན་དུ་བྲེས་པས་ཕྱོགས་བཻ་ཌཱུརྱ་ཆེན་པོས་ལེགས་པར་སྤྲས་པ། ཀ་ཙ་ལི་དི་ཀ་ལྟར་རེག་ན་བདེ་བ་དུས་ཐམས་ཅད་
D496.087.0019a02.01པའི་མེ་ཏོག་གི་ཤིང་ལྗོན་པས་ལེགས་པར་བརྒྱན་པ་ལྷའི་རིན་པོ་ཆེའི་ཐེམ་སྐས་ཀྱི་ཕྲེང་གིས་རྣམ་པར་སྤྲས་པ། ངང་པ་དང་། བཞད་དང་། ངུར་པ་དང་། ཤང་ཤང་ཏེའུ་དང་། ནེ་ཚོ་དང་། རི་སྐེགས་དང་། རྨ་བྱ་དང་། ཁྲུང་ཁྲུང་དང་། བྱའི་ཚོགས་དུ་མ་སྒྲ་འབྱིན་པ་
D496.087.0019a03.01དང་། ལྷའི་མེ་ཏོག་ཨུཏྤ་ལ་དང་། ཀུ་མུ་ད་དང་། པདྨ་དཀར་པོ་དང་། དྲི་མཆོག་དང་། པདྨ་དང་། ཀ་ལ་ར་ཀ་དང་། ཡན་ལག་བརྒྱད་དང་ལྡན་པའི་ཆུས་གང་བའི་རྫིང་བྱང་ཆུབ་སེམས་དཔས་ཡོངས་སུ་སྤྱད་པར་བྱ་བ་ལྷའི་ཙནྡན་སྦྲུལ་གྱི་སྙིང་པོའི་རྫབ་ཀྱི་རྙོག་པ་ཅན་དག་
D496.087.0019a04.01གིས་ཀུན་ནས་མཛེས་པར་བྱས་པ་རྟག་ཏུ་རྒྱུན་མི་འཆད་པར་ཁང་པ་བརྩེགས་པ་དེར་ལྷའི་མེ་ཏོག་མན་ད་ར་བ་དང་། པ་རུ་ཤ་ཀ་དང་། པ་རུ་ཤ་ཀ་ཆེན་པོ་དང་། ས་བརྟོལ་དང་། ས་བརྟོལ་ཆེན་པོའི་མེ་ཏོག་གི་ཆར་མངོན་པར་འབབ་པ། ཨ་ག་རུ་ནག་པོའི་བདུག་པའི་སྤྲིན་མང་
D496.087.0019a05.01པོས་ཁེབས་པས་རྣམ་པར་མཛེས་པར་བྱུང་བར་གྱུར་ཏེ། ཁང་པ་བརྩེགས་པ་དེའི་ནང་དུ་བྱང་ཆུབ་སེམས་དཔའ་ཐམས་ཅད་ཀྱི་སོ་སོའི་གནས་བསམ་པ་ཅི་ལྟ་བ་བཞིན་དུ་ལས་ཀྱིས་བསྐྱེད་པ་དེ་དག་མངོན་པར་སྤྲུལ་ཏོ། །ཁང་པ་བརྩེགས་པ་དེ་དག་རེ་རེར་ཡང་རིན་པོ་ཆེའི་དབང་
D496.087.0019a06.01གི་རྒྱལ་པོ་ལ་སོགས་པ་ཡིད་བཞིན་གྱི་ནོར་བུ་བཅུ་དྲུག །རིན་པོ་ཆེའི་རྒྱལ་པོ་ལ་སོགས་པ་ཅི་ལྟར་འདོད་པ་བཞིན་དུ་ཡོངས་སུ་སྤྱད་པར་བྱ་བ་སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱེད་པའི་ནོར་བུ་རིན་པོ་ཆེ་ཆེན་པོ་དག་བཀོད་དོ། །རྣམ་པར་སྣང་མཛད་ཀྱི་
D496.087.0019a07.01