完整藏文原文 · 德格版页 当前仅加载第 87 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལྷུར་ལེན་པ་པུས་མོ་གཉིས་བཙུགས་པ་བྲིའོ། །གཡོན་རོལ་དུ་ཕྱག་བརྙན་མ་པུས་མོ་བཙུགས་པ་མདོག་སྔོ་བ་སངས་རལ་གྲི་སོ་གཅིག་པ་ཡུ་བ་ཅན་དང་། ཞགས་པ་ལག་ན་ཐོགས་པ་སྔ་མ་བཞིན་དུ་བྲི་བར་བྱའོ། །དབེན་པ་དུགས་མེད་པ་དེའི་མདུན་དུ་ཟས་དཀར་གསུམ་བཟའ་
D496.087.0080b01.01ཞིང་གོས་དུས་གསུམ་དུ་བརྗེས་ལ་ལན་སུམ་འབུམ་བཟླས་བརྗོད་བྱའོ། །ཐ་མར་ཅི་འབྱོར་པས་མཆོད་དེ་ཨ་ག་རུའི་ཡམ་སྲེག་ཤིང་ཞོ་དང་སྦྲང་རྩི་ལ་སྨྱུགས་པས་མཚན་ཐོག་ཐག་སྦྱིན་སྲེག་བྱས་ན། ནམ་ཕྱེད་དམ་ཉི་མ་ཤར་ཀར་རི་མོའི་གཟུགས་ལས་འོད་ཟེར་དག་འབྱུང་ངོ་། །ཡང་ན་རི་
D496.087.0080b02.01མོའི་གཟུགས་འགུལ་ལོ། །ཡང་ན་མེ་ཏོག་གི་ཕྲེང་བ་འགུལ་ལོ། །སྔ་མ་བཞིན་དུ་གྲུབ་པར་འགྱུར་ཏེ། ལས་ཐམས་ཅད་ཀྱང་བྱེད་དོ། །རྟག་ཏུ་རི་མོའི་གཟུགས་ཀྱི་མདུན་དུ་ལན་བརྒྱ་རྩ་བརྒྱད་བཟླས་བརྗོད་བྱས་ན་སྐལ་བ་བཟང་པོའི་མཆོག་དང་ལྡན་ཞིང་ནད་ཐམས་ཅད་ལས་ཐར་
D496.087.0080b03.01བ་དང་། འཇིགས་པ་ཐམས་ཅད་རྣམ་པར་སྤངས་པར་འགྱུར་རོ། །ཞི་བའི་བློ་གྲོས་གཞན་ཡང་འཇིག་པའི་མེའི་སྙིང་པོ་ཆེན་པོ་སྟོབས་དང་ཕ་རོལ་གནོན་པ་དཔག་ཏུ་མེད་པ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་
D496.087.0080b04.01ཅི་དང་། ལྟོ་འཕྱེ་ཆེན་པོ་དང་། ལྷ་དང་། ལྷ་མ་ཡིན་པས་མཆོད་པ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའི་བསྒྲུབ་པ་ནི་འདི་ཡིན་ཏེ། ཚེས་གྲངས་དང་སྐར་མ་འདམ་མི་དགོས། སྨྱུང་བ་ཡང་མི་དགོས་པར་རིའི་རྩེ་མོར་སོང་ལ་ལན་སུམ་འབུམ་
D496.087.0080b05.01བཟླས་བརྗོད་བྱའོ། །ཐ་མར་ཅི་འབྱོར་པས་མཆོད་དེ་སྐེ་ཚེའི་འབྲུའི་སྲེག་བླུགས་དུག་དང་། ཁྲག་དང་། ལན་ཚྭ་དང་བསྲེས་པ་ལན་སུམ་འབུམ་སྦྱིན་སྲེག་བྱས་ན། མཚན་མོ་ཧཱུཾ་ཞེས་བྱ་བའི་སྒྲ་ཆེན་པོ་གྲག་ཅིང་སྔ་མ་བཞིན་དུ་འགྲུབ་པར་འགྱུར་ཏེ། གྲུབ་ནས་ཀྱང་འཇིག་རྟེན་
D496.087.0080b06.01གྱི་ཁམས་དུ་མར་རྒྱུ་བ་དང་། ཡིད་ལྟར་མགྱོགས་པ་དང་། གཟི་བརྗིད་མཚུངས་པ་མེད་པར་འགྱུར་ཏེ། སངས་རྒྱས་དང་བྱང་ཆུབ་སེམས་དཔའ་རྣམས་མ་གཏོགས་པར་དེ་ལས་ལྷག་པར་སུ་ཡང་མེད་དོ། །རྟག་ཏུ་བཟླས་བརྗོད་བྱས་ན། འབྱུང་པོ་ཐམས་ཅད་ཀྱིས་མི་ཐུབ་པར་
D496.087.0080b07.01