完整藏文原文 · 德格版页 当前仅加载第 87 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་རྣམས་དང་ནི། །སྟང་སྟབས་རྣམ་པ་ཐམས་ཅད་འབྱུང་། །དེ་ལྟ་བས་ན་རྣམ་ཀུན་དུ། །སྔགས་པས་བསྒྲིམས་ཏེ་བསླབ་པར་བྱ། །དམ་ཚིག་ཆེན་པོ་རྡོ་རྗེ་འབྱུང་བའི་རྩ་བའི་སྟང་སྟབས་སོ། །རྡོ་རྗེ་འབྱུང་བར་འདུག་ནས་སུ། །སེང་གེ་བཞིན་དུ་ཕ་རོལ་གནོན། །རྡོ་རྗེ་ཕྱག་རྒྱས་
D496.087.0124b01.01ཀུན་དུ་གཞོམ། །རྡོ་རྗེ་རྐང་པ་བརྐྱང་བར་བྱ། །ཧཱུྃ་ཞེས་བྱ་བའི་སྒྲ་སྒྲོགས་ཤིང་། །རྡོ་རྗེའི་ཕྱག་རྒྱས་བཅོམ་ནས་སུ། །ས་རྣམས་ཀུན་ཀྱང་གཡོ་འགྱུར་ན། །གསང་དང་ཀླུ་རྣམས་སྨོས་ཅི་དགོས། །སེང་གེའི་ཚུལ་དུ་མཆོངས་ནས་ནི། །བགེགས་གང་སེང་གེའི་གཟུགས་འདྲ་དང་། །
D496.087.0124b02.01གླང་ཆེན་ཤིང་རྟ་སྤྲེའུ་དང་རྟ། །གཞན་ཡང་གང་དག་རྐང་བཞི་པ། །དེ་ནས་རྣམ་པར་འབྲོས་པའམ། །འཆི་བར་འགྱུར་ཏེ་ཐེ་ཙོམ་མེད། །ཚངས་པས་བྱས་པའི་བགེགས་རྣམས་ཀྱང་། །སྐད་ཅིག་དེ་ལ་མྱུར་དུ་འཇིག །སེང་གེ་ལྟར་ཕ་རོལ་གནོན་པའི་སྟང་སྟབས་སོ། །
D496.087.0124b03.01རྡོ་རྗེ་འབྱུང་བར་ཡང་འདུག་སྟེ། །རྐང་པ་བསྣོལ་བའི་ཚུལ་གྱིས་སུ། །རྡོ་རྗེ་ཁུ་ཚུར་གཉི་ག་ནི། །རྐེད་པའི་གནས་སུ་གཞག་པར་བྱ། །ཧཱུཾ་བརྗོད་མགུལ་པ་བསལ་བའི་སྒྲས། །རྡོ་རྗེ་གར་གྱིས་གར་བྱ་ཞིང་། །རྐང་པ་གཡོན་པ་བཏེག་ནས་ནི། །དེ་ཡི་རྩེ་མོ་སར་བཙུགས་ལ། །
D496.087.0124b04.01རྐང་པ་གཡོན་པ་བཏེག་ནས་ནི། །ལག་པ་རྡོ་རྗེ་གསོར་བཅས་པར། །ལག་གཡོན་སྙིང་གར་བཞག་ནས་ནི། །སྔགས་པས་འཁོར་ལོ་བཞིན་དུ་བསྐོར། །རྡོ་རྗེ་འབར་བའི་མེར་བསྒྱུར་ནས། །རྡོ་རྗེའི་ཉི་མའི་མིག་ལྡན་པར། །རྡོ་རྗེ་མགུལ་པ་བསལ་བའི་སྒྲས། །ཕྱོགས་ཀུན་
D496.087.0124b05.01ཡོངས་སུ་རྫོགས་པར་བྱ། །བགེགས་ཀྱི་གནས་སུ་དམིགས་ནས་ནི། །མྱུར་དུ་རྡོ་རྗེ་གོམ་སྟབས་ཀྱིས། །རྐང་གཡས་བརྐྱང་བའི་གནས་ན་ནི། །རྡོ་རྗེ་ཕྱག་རྒྱས་ཀུན་དུ་གཞོམ། །དེ་བཞིན་ཕྱོགས་དང་མཚམས་རྣམས་ཀྱང་། །ཀུན་དུ་ཡང་དག་གཞོམ་པར་བྱ། །བདུད་
D496.087.0124b06.01སྡེ་མི་བཟད་ཆེན་པོ་དང་། །ཕྱོགས་རྣམས་ཀུན་ནས་བྱུང་བ་ཀུན། །གཡས་བརྐྱང་གོམ་པའི་སྟབས་སྦྱར་ཏེ། །རྡོ་རྗེའི་ཕྱག་རྒྱས་ཀུན་དུ་གཞོམ། །ས་གསུམ་ཐམས་ཅད་གཡོ་འགྱུར་ན། །བགེགས་དང་ལོག་འདྲེན་སྨོས་ཅི་དགོས། །རྡོ་རྗེ་ཕྱག་རྒྱ་བལྟས་ནས་ནི། །
D496.087.0124b07.01