完整藏文原文 · 德格版页 当前仅加载第 87 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་ན་ལས་ཐམས་ཅད་ནུས་པར་འགྱུར་རོ། །བགེགས་རྣམས་ཀྱང་མི་འཚེ་བར་འགྱུར་རོ། །ཟླ་བ་གཅིག་ཏུ་ཙནྡན་དམར་པོས་དཀྱིལ་འཁོར་བསྐུས་ལ། བཅོམ་ལྡན་འདས་མ་བཟླས་བརྗོད་བྱས་ན་ཤ་ཟ་ཐམས་ཅད་དབང་དུ་འགྱུར་ཏེ་ཅི་འདོད་པ་དེ་བྱེད་དོ། །རང་གི་ཁྲག་གིས་དཀྱིལ་
D496.087.0155b01.01འཁོར་བསྐུས་ཏེ། ཟླ་བ་གཅིག་ཏུ་བཟླས་བརྗོད་བྱས་ན་མཁའ་འགྲོ་མ་ཐམས་ཅད་དབང་དུ་འགྱུར་ཏེ་ཅི་འདོད་པ་བྱེད་དོ། །ཤུ་དག་དཀར་པོ་འབུམ་སྦྱིན་སྲེག་བྱས་ན་མ་མོ་ཐམས་ཅད་འགྲུབ་པར་འགྱུར་ཏེ། དེ་དག་ཅི་འདོད་པ་དེ་ཐམས་ཅད་བསྒྲུབ་བོ། །ལི་ག་དུར་འབྲུ་སྟོང་སྦྱིན་སྲེག་
D496.087.0155b02.01བྱས་ན་ཉིན་གཅིག་བཞིན་སྣོད་གང་བ་རྙེད་པར་འགྱུར་རོ། །སྒེའུ་གཤེར་གྱི་རྩ་བ་སྦྱིན་སྲེག་བྱས་ན། ཉིན་གཅིག་བཞིན་ཀཱར་ཥཱ་པ་ཎ་བཞི་བཞི་རྙེད་པར་འགྱུར་རོ། །ཨ་པ་མརྒའི་སྙིང་པོ་ཁྲི་སྦྱིན་སྲེག་བྱས་ན། ལོངས་སྤྱོད་ཟད་མི་ཤེས་པ་འབྱུང་བར་འགྱུར་རོ། །ན་ལེ་ཤམ་གྱི་འབྲུ་
D496.087.0155b03.01སྟོང་རྩ་བརྒྱད་སྦྱིན་སྲེག་བྱས་ནས་ཐལ་བ་བླངས་ཏེ་ཐིག་ལེ་བྱས་ལ། མོན་སྲན་སྡེའུ་ལ་སོགས་པའི་ཕུང་པོའི་ནང་དུ་གཏོར་ན་དེ་མི་ཟད་པར་འགྱུར་རོ། །ཅི་སྟེ་འཇམ་དཔལ་བསྒྲུབ་པར་འདོད་ན། ཨ་ག་རུ་དང་བསྲེས་པའི་གི་ཝང་གིས་དཀྱིལ་འཁོར་བསྐུས་ལ། དེར་གཟུགས་བཞག་
D496.087.0155b04.01སྟེ་ཟླ་བ་གཅིག་གི་བར་དུ་བཟླས་བརྗོད་བྱས་ན། བདག་ཉིད་འཇམ་དཔལ་མཐོང་བར་འགྱུར་ཏེ་དེས་ཆོས་སྟོན་ཏོ། །དེ་མཐོང་ན་ཐོས་པ་འཛིན་པར་འགྱུར་རོ། །རིག་སྔགས་འཆང་ཉིད་ཀྱང་ཐོབ་པར་འགྱུར་རོ། །དེ་ཇི་སྲིད་འདོད་ཀྱི་བར་དུ་ཡོངས་སུ་རྫོགས་པར་བྱེད་དོ། །པདྨ་དཀར་
D496.087.0155b05.01པོ་སྟོང་རྩ་བརྒྱད་ཕུལ་ན། དེ་ལ་འཇམ་དཔལ་གྲུབ་པར་འགྱུར་ཏེ། རྒྱལ་སྲིད་དམ་པའམ། ས་འོག་ཏུ་འཇུག་པའམ། མི་སྣང་བར་བྱ་བའམ། ཐོས་པ་འཛིན་པའམ། སྨན་བཅུད་ཀྱིས་ལེན་ཡང་རུང་སྟེ། དམ་པ་ལྔ་ལས་གང་ཡང་རུང་བ་ཞིག་སྦྱིན་པར་བྱེད་དོ། །སྐྱུ་
D496.087.0155b06.01རུ་རའི་ཡམ་སྲེག་ཤིང་སྟོང་རྩ་བརྒྱད་སྦྱིན་སྲེག་བྱས་ན། གནོད་སྦྱིན་མོ་ཇི་སྙེད་ཡོད་པ་དེ་དག་ཐམས་ཅད་དབང་དུ་འགྱུར་ཏེ། དེ་དག་ཅི་འདོད་པ་སྒྲུབ་པར་བྱེད་དོ། །བིལ་བའི་འབྲས་བུ་འབུམ་སྦྱིན་སྲེག་བྱས་ན། དཔལ་ཇི་སྙེད་ཡོད་པ་དེ་དག་ཐམས་ཅད་གྲུབ་པར་འགྱུར་ཏེ།
D496.087.0155b07.01