完整藏文原文 · 德格版页 当前仅加载第 87 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
གཟིར་དང་རྡོ་རྗེས་གཞོམ་པ་དང་། །རྡོ་རྗེའི་ཕྱག་རྒྱས་ཕུར་བཏབ་དང་། །སེང་གེ་ལྟ་བུར་མཆོང་བ་དང་། །ཧཱུཾ་ཞེས་བྱ་བས་བསྡིགས་པ་དང་། །སྙན་ལས་ལངས་ནས་མཆུ་གནོན་དང་། །ཁྲོ་གཉེར་དཔྲལ་བར་བལྟ་བ་དང་། །སྨིན་མ་བསྐྱོད་པར་བྱ་བ་དང་། །དེ་
D496.087.0123a01.01བཞིན་མིག་གཉིས་བགྲད་པ་དང་། །རྐང་སྟབས་རྣམ་པར་དབྱེ་བ་དང་། །ལག་གཉིས་སྦྱར་བར་བྱ་བ་དང་། །དེ་བཞིན་ལག་པ་བསྐྱོད་པ་དང་། །རྐང་པ་གཉིས་ཀྱིས་མཆོང་བ་དང་། །ལུས་ནི་བསྙེམས་དང་བཅས་པར་ཡང་། །བྱེ་བྲག་ཏུ་ནི་སྟོན་པ་དང་། །བཅད་དང་གཏུབ་དང་
D496.087.0123a02.01བགད་པ་དང་། །བཟའ་དང་རྣམ་པར་བགད་པ་དང་། །ཀུན་དུ་སྒྲ་དང་རྣམ་སྒྲ་དང་། །དྲག་ཏུ་བྱེད་དང་བཅིང་བ་དང་། །སྡང་བ་ཐམས་ཅད་ཚར་བཅད་དང་། །རེངས་པར་བྱ་དང་རྨོངས་བྱ་དང་། །གྱེན་དུ་མཆོང་དང་བསྣུན་པ་དང་། །མཛེས་པའི་སྟབས་དང་གཙུབ་པ་དང་། །བསྒྲུབ་
D496.087.0123a03.01པའི་དང་པོར་སྔར་སྤྱད་དང་། །དེ་བཞིན་ལྷ་ལ་བསྙེན་བྱ་དང་། །སྔགས་པ་ཡིས་ནི་དཀྱིལ་འཁོར་དང་། །དངོས་གྲུབ་ཅི་འདྲ་ཡིན་པ་དང་། །སེམས་ཅན་ཁམས་ལ་རྣམ་ཀུན་དུ། །བསྲུང་དང་སྦ་བ་བྱ་བ་དང་། །དཔའ་བོ་འདི་དག་ཐམས་ཅད་དང་། །གཞན་ཡང་ཡིད་ལ་ཅི་འདོད་དང་། །
D496.087.0123a04.01སྡང་སེམས་ལྡན་པ་དེ་དག་ལ། །དེ་བཞིན་ཕྱིར་གསོ་བྱ་བ་དང་། །འདི་དག་ཐམས་ཅད་རྒྱ་ཆེར་ནི། །སེམས་ཅན་ཐར་བར་འདོད་པས་སྨྲོས། །དེ་ནས་དེ་བཞིན་གཤེགས་པ་དེ་དག་གིས་རྐང་སྟབས་ཀྱི་ཐབས་ཀྱིས་རྣམ་པར་རྒྱལ་བར་བྱ་བའི་ཕྱིར་གསང་སྔགས་འདི་ལྟ་བུ་གསུངས་སོ། །ནམཿ
D496.087.0123a05.01སརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཙཎྜ་བཛྲ་པྲ་ཛྭ་ལི་ཏ་མཱུ་རྟི་སྭཱ་ཧཱ། དེ་ནས་ལག་ན་རྡོ་རྗེས་གསང་སྔགས་འདི་ཐོས་ནས་དགའ་ཞིང་མགུ་ལ། རབ་ཏུ་དགའ་བའི་ཡིད་ཀྱིས་ཐམས་ཅད་དང་ལྡན་པའི་འཁོར་ལ་རྣམ་པར་བལྟས་ནས་སྨྲས་པ། ཀྱེ་
D496.087.0123a06.01གྲོགས་པོ་དག་ཉོན་ཅིག །སེམས་ཅན་གང་ལ་ལ་དག་སངས་རྒྱས་དང་ཆོས་དང་དགེ་འདུན་ལ་སྐྱབས་སུ་དོང་བ་རྣམས་དང་། བྱང་ཆུབ་སེམས་དཔའ་གང་དག་གསང་སྔགས་ཀྱི་སྤྱད་པ་སྤྱོད་ཅིང་། གསང་སྔགས་ཀྱི་ཚུལ་ལ་བརྩོན་པ་དེ་དག་ལ་ཅི་ནས་ཀྱང་སྟོན་པའི་བསྟན་པ་ཡུན་རིང་དུ་
D496.087.0123a07.01