完整藏文原文 · 德格版页 当前仅加载第 87 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
ཐིག་གདབ་བོ། །དབང་ལྡན་ཕྱོགས་ནས་སོང་ནས་སུ། །རླུང་གི་ཕྱོགས་ཀྱི་ཕྱོགས་འདུག་ལ། །དེར་ནི་ལྷོ་ཕྱོགས་ཁ་བལྟས་ལ། །ནུབ་ཕྱོགས་ངོས་ཀྱི་ཐིག་གདབ་བོ། །གནས་དེ་ནས་ནི་དེ་བྱུང་ལ། །བདེན་བྲལ་ཕྱོགས་སུ་སོང་ནས་སུ། །མེ་ཡི་ཕྱོགས་ཀྱི་བར་དུ་ནི། །ཐིག་
D496.087.0034b01.01སྐུད་ལེགས་པར་གདབ་པར་བྱ། །ཀུན་དུ་གྲུ་བཞི་ལྷམ་པར་ནི། །དེ་ལྟར་གནས་དེ་བྱས་ནས་སུ། །དེ་ནས་ཕྱི་རོལ་དེ་བཞིན་དུ། །ཆོ་ག་བཞིན་དུ་ཆ་བརྒྱད་བྱ། །ཚད་ནི་བཅུ་དྲུག་ཁྲུ་ཡིན་ཏེ། །སློབ་དཔོན་ཉིད་ཀྱི་ཁྲུ་ཡིས་སོ། །དེ་ནས་བྱུང་ལ་བློ་ལྡན་གྱིས། །ཆ་གཞན་དག་
D496.087.0034b02.01ནི་བྱ་བར་བྱ། །ཕྱི་རོལ་ས་དང་བཅས་པར་ནི། །ཁྲུ་གྲངས་ཉི་ཤུ་རྩ་ལྔའོ། །དེར་ཡང་སྔ་མ་ཅི་བཞིན་དུ།།ཆ་བརྒྱད་ཉིད་དུ་གཅད་པར་བྱ། །བརྒྱད་པ་ནས་ནི་གཟུང་ནས་སུ། །སྔགས་པ་ཡིས་ནི་ཐམས་ཅད་དུ། །འཁོར་སའི་ཐིག་ནི་གདབ་པར་བྱ། །གནས་གསུམ་དག་ཏུ་ངེས་
D496.087.0034b03.01པར་ཡང་། །ཆ་བརྒྱད་གང་དག་འཚམ་པ་ཡི། །ཐོག་མའི་སྒོ་ནི་གདོད་པར་བྱ། །དཀྱིལ་འཁོར་རིམ་པ་བར་མ་ནི། །སྔ་མ་ཉིས་འགྱུར་སྒོར་ཤེས་ནས། །རིམ་པ་གསུམ་པར་སུམ་འགྱུར་དང་། །སྒོ་གང་དག་ཀྱང་མཁས་པས་བྱ། །རྟ་བབས་དག་གི་ཚད་རྣམས་ནི། །དབུས་ཀྱི་
D496.087.0034b04.01ཆ་དང་མཉམ་པར་བྱ། །ལྷ་ཡི་གཙོ་བོ་རྣམས་ལ་ཡང་། །སྒོ་གང་དག་ནི་བྱ་བར་བྱ། །རིམ་པ་གསུམ་དུ་རྣམ་དབྱེ་བས། །དེ་ལྟར་དཀྱིལ་འཁོར་ལེགས་ཕྱེ་ལ། །སྔགས་མགོན་གནས་ལ་འདུག་ནས་སུ། །མཁས་པས་དཀྱིལ་འཁོར་བྲི་བར་བྱ། །ཚོན་རྩི་འདིར་ནི་བྱེ་བྲག་ཏུ། །
D496.087.0034b05.01རིན་ཆེན་སྣ་ལྔ་ཡིན་པར་འདོད། །སཱ་ལུ་བཏགས་པའི་ཕྱེ་ཡང་རུང་། །ཅི་ལྟར་འབྱོར་པས་བྱར་ཡང་རུང་། །གོས་དཀར་བགོས་ཤིང་གཙང་བྱས་ལ། །དུལ་ཞིང་ཟེའུ་ཁ་བཅིངས་ནས་སུ། །བསྒྲིམས་ཏེ་བྱང་ཤར་ཕྱོགས་མཚམས་ནས། །ཚོན་རྩི་དག་ནི་དགྱེ་བར་བྱ། །རྡོ་རྗེ་ཁུ་
D496.087.0034b06.01ཚུར་ཚུལ་གྱིས་སམ། །ཡང་ན་ལྕགས་ཀྱུའི་ཕྱག་རྒྱས་སམ། །སྣོད་ཀྱི་ཕྱག་རྒྱའི་ཚུལ་གྱིས་སམ། །རིག་བྱེད་འདོན་པའི་ལག་པས་སོ། །ཐོག་མར་དཀར་པོ་དགྱེ་བར་བྱ། །དེ་ཡི་འོག་ཏུ་དམར་པོ་དགྱེ། །དེ་ཡི་འོག་ཏུ་སེར་པོ་དགྱེ། །དེ་ཡི་འོག་ཏུ་ལྗང་ཁུ་དགྱེ། །ཐམས་ཅད་
D496.087.0034b07.01