完整藏文原文 · 德格版页 当前仅加载第 87 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་འབྲང་བར་བགྱིའོ། །ཅི་སྟེ་བསྒྲུབ་པར་འཚལ་ན་དེས་རིའི་རྩེ་མོར་མཆིས་ལ་ལན་སུམ་འབུམ་བཟླས་བརྗོད་བགྱི་ཞིང་ཡུངས་ཀར་དང་། ཞོ་དང་། སྦྲང་རྩི་དང་མར་བསྲེས་ལ་ལན་འབུམ་སྦྱིན་སྲེག་བགྱིས་ན་གང་འཚལ་བ་དེ་སྩོལ་ཏོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཡུལ་
D496.087.0058a01.01འཁོར་སྲུང་གིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འདི་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་བི་དྷ་ར་དྷ་རི། གནྡྷ་རི་རི་སི་སྭཱ་ཧཱ། བཅོམ་ལྡན་འདས་གང་ལ་ལ་ཞིག་
D496.087.0058a02.01སྙིང་པོ་འདི་དྲན་པར་བགྱིད་པ་དེ་ལ་དུས་མ་ལགས་པར་འགུམ་པར་མི་འབྱུང་ངོ་། །རྟག་ཏུ་དཔལ་གྱིས་འཁོར་བར་འགྱུར་རོ། །ཅི་སྟེ་བསྒྲུབ་པར་འཚལ་བ་དེས་ཟླ་བ་ཚེས་ནས་བཟུང་སྟེ་ཉའི་བར་དུ་ཉིན་གཅིག་བཞིན་མེ་ཏོག་གི་སྲེག་བླུགས་ལ་ལན་ཁྲི་སྦྱིན་སྲེག་བགྱིའོ། །དེ་ནས་ཉའི་གདུགས་ལ་ཅི་འབྱོར་
D496.087.0058a03.01པས་མཆོད་པ་བགྱིས་ལ་མཚན་ཐོག་ཐག་འབྲས་ཀྱི་འོ་ཐུག་སྦྱིན་སྲེག་བགྱིས་ན་གྲུབ་པར་འགྱུར་ཏེ་གང་འཚལ་བ་དེ་སྩོལ་ཏོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་མིག་མི་བཟང་གིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཀྱང་བསམ་པ་ཐམས་ཅད་
D496.087.0058a04.01ཡོངས་སུ་བཀང་བའི་སླད་དུ་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཤྲཱི་དྷི་དྷ་ར་ཡ་བི་རཱུ་པཱཀྵ་སྭཱ་ཧཱ། བཅོམ་ལྡན་འདས་རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་བདག་གི་སྙིང་པོ་འདི་རྟག་ཏུ་དྲན་པར་བགྱིད་པ་དེའི་སླད་བཞིན་བདག་རྟག་
D496.087.0058a05.01ཏུ་འབྲང་བར་བགྱིའོ། །བསམ་པ་ཐམས་ཅད་ཡོངས་སུ་རྫོགས་པར་བགྱིའོ། །ཅི་སྟེ་བསྒྲུབ་པར་འཚལ་ན་དེས་རིའི་རྩེ་མོར་མཆིས་ལ་ལན་སུམ་འབུམ་བཟླས་བརྗོད་བགྱིའོ། །དེ་ནས་ཉའི་གདུགས་ལ་ཅི་འབྱོར་པས་མཆོད་པ་བགྱིས་ལ་མཚན་ཐོག་ཐག་ཏུ་གུ་གུལ་ཤིང་གི་ཡམ་སྲེག་སྦྲང་རྩི་དང་མར་
D496.087.0058a06.01ལ་སྨྱུགས་ལ་ལན་ཁྲི་སྦྱིན་སྲེག་བགྱིས་ན་འགྲུབ་པར་འགྱུར་ཏེ་གང་འཚལ་བ་དེ་སྩོལ་ཏོ། །མ་གྲུབ་ན་ཡང་ཡུལ་གྲུ་བཟང་པོ་ལྔ་སྩོལ་ཏོ། །དེ་ནས་ཆུ་དབང་རྨུགས་བྱེད་འཛིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཀྱང་དཀྱིལ་འཁོར་ཆེན་པོ་འདིར་སྒྲུབ་པ་པོ་
D496.087.0058a07.01