完整藏文原文 · 德格版页 当前仅加载第 87 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
གང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་དག་མཆོག་ཏུ་གསང་བའི་དཀྱིལ་འཁོར་འདི་ལྟ་བུ་དག་ཐོས་ནས། སེམས་ཅན་རྣམས་ཀྱི་དོན་བྱེད་པར་འགྱུར་བ་དང་། མ་འོངས་པའི་སྐྱེ་བོ་རྣམས་ལ་བལྟས་ནས་བསྟན་པ་གནས་པར་འགྱུར་བའི་དོན་དུ་
D496.087.0104a01.01མཆོག་ཏུ་གསང་བའི་དཀྱིལ་འཁོར་དེ་བཤད་དུ་གསོལ། དེ་སྐད་ཅེས་སྨྲས་པ་དང་། ལག་ན་རྡོ་རྗེས་བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་
D496.087.0104a02.01ཐབས་སླ་བ་གང་གིས་དོན་ཆེན་པོ་བྱེད་པར་འགྱུར་བ་མཆོག་ཏུ་གསང་བའི་དཀྱིལ་འཁོར་དེ་ཉོན་ཅིག །ཞི་བའི་བློ་གྲོས་ཐོག་མ་ཉིད་དུ་སློབ་དཔོན་གྱིས་ས་གང་ཡང་རུང་བ་ཞིག་ཡོངས་སུ་བཟུང་ལ་དཀྱིལ་འཁོར་བྲི་བར་བྱའོ། །ས་དེ་བྱང་ཆུབ་ཀྱི་སེམས་ཀྱིས་སྦྱང་བར་བྱའོ། །དམིགས་
D496.087.0104a03.01པའི་ཚུལ་ལ་གནས་ནས་སུ། །སྔགས་པས་གང་ཞིག་གཞན་དུ་བྱེད། །དེ་ལ་དངོས་གྲུབ་མྱུར་མི་འགྱུར། །དངོས་གྲུབ་ཉིད་ཀྱང་མི་འཐོབ་བོ། །ཞི་བའི་བློ་གྲོས་ཉོན་ཅིག །དཀྱིལ་འཁོར་དམ་པ་མཐོང་ནས་ནི། །གང་གིས་དངོས་གྲུབ་ཐོབ་གྱུར་པ། །དཀྱིལ་འཁོར་རྒྱལ་པོ་
D496.087.0104a04.01དགོད་པ་ནི། །བརྟུལ་ཞུགས་བཟང་པོ་ཁྱོད་ལ་བཤད། །དམ་ཚིག་དོན་དུ་ལུས་ཅན་ལ། །སྔོན་གྱི་སངས་རྒྱས་རྣམས་ཀྱིས་བཤད། །དེ་བྲི་ཆོ་ག་བཤད་པར་བྱ། །ངེས་པར་བསྒྲིམས་ཏེ་མཉན་པར་གྱིས། །ཁྲུ་ལྔ་ཁོ་ར་ཁོར་ཡུག་ལ། །སྟེགས་བུར་བཅས་པའི་སྒོ་
D496.087.0104a05.01བཞི་གཏོད། །དེ་ནས་སྔགས་པས་བྱ་བ་ནི། །དཀྱིལ་འཁོར་རིམ་པ་གཉིས་སུ་དབྱེ། །ནུབ་ཕྱོགས་སྒོ་ནས་གཞུག་པར་བྱ། །ཡང་ན་བྱང་ཕྱོགས་སྒོ་ནས་གཞུག །སྙིང་རྗེར་ལྡན་པའི་ཡིད་ཀྱིས་སུ། །ཁོ་ར་ཁོར་ཡུག་དེ་བཞིན་བྱ། །ནང་དུ་ཞུགས་ནས་སྔགས་པ་ཡིས། །དེ་
D496.087.0104a06.01བཞིན་གཤེགས་པ་དྲན་བྱས་ལ། །སེམས་ཅན་རྣམས་ལ་ཕན་འདོགས་པས། །དཀྱིལ་འཁོར་རྒྱལ་པོ་བྲི་བར་བྱ། །ཞི་བའི་བློ་གྲོས་ཉོན་ཅིག །དཀྱིལ་འཁོར་རྒྱལ་པོ་དགོད་པ་ནི། །ཅི་ལྟར་སངས་རྒྱས་གསུངས་པ་བཞིན། །ཁྱོད་ལ་ཐམས་ཅད་བརྗོད་པར་བྱ། །གཡེང་མེད་
D496.087.0104a07.01