完整藏文原文 · 德格版页 当前仅加载第 87 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འཚལ་ན་དེས་འགྲེང་ཡང་རུང་། འདུག་ཀྱང་རུང་། ཉལ་ཡང་རུང་། ལམ་དུ་འགྲོ་ཡང་རུང་སྟེ། བདག་ལ་རྣམ་པར་ད་གོད་པར་བགྱིས་པ་བཞིན་དུ་སྐྱེས་བུ་བཅིང་བར་བགྱིའོ། །གདོང་བཞི་པ་རྣམ་པར་བཀོད་ལ་ཕྱག་རྒྱ་བཅིང་བར་བགྱིའོ། །དེས་ཚེས་གཅིག་
D496.087.0071a01.01ནས་བརྩམས་ནས་ཟླ་བ་ཉའི་བར་དུ་བགྱིའོ། །དེ་ནས་ཅི་འབྱོར་པས་མཆོད་དེ་འབྲས་སཱ་ལུའི་ཕྱེ་ལས་པདྨ་འདབ་མ་བརྒྱད་པ་ཟེ་བ་དང་བཅས་པར་བགྱིས་ལ་སྙིང་པོ་ཨོཾ་ཞེས་བགྱི་བ་དང་ཛ་ཞེས་བགྱི་བ་ཤར་ཕྱོགས་སུ་དགོད་དོ། །བཱ་ཞེས་བགྱི་བ་ནུབ་ཕྱོགས་སུ་དགོད་དོ། །མ་ཞེས་བགྱི་བ་བྱང་
D496.087.0071a02.01ཕྱོགས་སུ་གཞག་གོ། །ཧ་ཞེས་བགྱི་བ་ལྷོ་ཕྱོགས་སུ་གཞག་ལ་དངོས་གྲུབ་འཚལ་བས་རྩྭ་ཀུ་ཤ་སྦམས་པའི་སྟེང་དུ་མཆིས་ཏེ། ནུབ་གཅིག་ལན་ཚྭའི་སྲེག་བླུགས་ལན་ཁྲི་སྦྱིན་སྲེག་བགྱིས་ན། ན་ང་པར་དངོས་གྲུབ་ཅི་འཚལ་བའི་འབྲས་བུ་སྩོལ་ཏོ། །བཟླས་བརྗོད་བགྱིས་ན་ཡི་
D496.087.0071a03.01གེ་{གོ་རིམས་,གོ་རིམ་}བཞིན་དུ་རིག་པར་བགྱིའོ། །དེ་ནས་ལག་ན་རྡོ་རྗེ་དེའི་ཚེ་ཐམས་ཅད་དང་ལྡན་པའི་འཁོར་དེ་ལ་བལྟས་ནས་ལེགས་སོ་ཞེས་བྱ་བ་བྱིན་ཏེ། གྲོགས་པོ་དག་འདི་ལྟར་ཁྱེད་ཀྱིས་དཀྱིལ་འཁོར་ཆེན་པོ་འདིར་རང་གི་སྙིང་པོ་རྣམས་སྨྲས་ཤིང་ཕུལ་བ་དང་རྗེས་སུ་ཡི་རང་བ་ནི་གྲོགས་པོ་
D496.087.0071a04.01དག་ལེགས་སོ་ལེགས་སོ། །སྙིང་པོ་འདི་དག་ནི་སྙིང་པོ་མཆོག་གིས་དྲངས་པ་སྟེ། དེས་ན་འདི་དག་ནི་སྙིང་པོ་མཆོག་གིས་ཟིན་པས་དངོས་གྲུབ་སྦྱིན་པར་འགྱུར་རོ། །གང་ལ་ལ་ཞིག་བསྟན་པ་འདི་ལས་འདས་ན་སྙིང་པོ་མཆོག་གིས་རྡོ་རྗེ་འབར་བ་ཀུན་དུ་མཆེད་ཅིང་འབར་བས། དེའི་
D496.087.0071a05.01མགོ་བོ་འགེམས་པར་འགྱུར་ཏེ་གཞན་དུ་མ་ཡིན་ནོ། །དེ་ནས་ཐམས་ཅད་དང་ལྡན་པའི་འཁོར་དེས་མགྲིན་གཅིག་ཏུ་ཚིག་སྨྲས་པ། བྱང་ཆུབ་སེམས་དཔའ་ཆེན་པོས་བཀའ་སྩལ་པ་དེ་བཞིན་དུ་གྱུར་ཅིག །དེ་ནས་འཇམ་དཔལ་གཞོན་ནུར་གྱུར་པས་དེའི་ཚེ་རྡོ་རྗེ་ཡེ་ཤེས་ཆེན་པོའི་
D496.087.0071a06.01འོད་ཟེར་འཕྲོ་བ་ལས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ལག་པས་ལག་ན་རྡོ་རྗེ་ལས་རྡོ་རྗེ་བླངས་ཏེ། ཡེ་ཤེས་ལས་བྱུང་བའི་ཨུཏྤ་ལ་དྲི་མ་མེད་པར་བྱས་ནས་ཡེ་ཤེས་ཆེན་པོ་ལས་བྱུང་བའི་ཨུཏྤ་ལ་དེ་ལ་རྡོ་རྗེ་གཞག་གོ། །རྡོ་རྗེ་ཆེན་པོ་དེ་བཞག་མ་ཐག་ཏུ་
D496.087.0071a07.01