完整藏文原文 · 德格版页 当前仅加载第 87 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
བཟུང་ན་མི་སྣང་བར་འགྱུར་རོ། །ཁྲོ་བོའི་རྒྱལ་པོ་འདི་ནི་མ་དུལ་བ་འདུལ་བ་བརྩོན་འགྲུས་དང་ཕ་རོལ་གནོན་པ་ཆེ་བའི་ཡོན་ཏན་དཔག་ཏུ་མེད་པའི་དཔལ་དང་ལྡན་པའོ། །འདིའི་སྔགས་བཟླས་བརྗོད་བྱས་ལ་རྩ་བ་བཞིའི་ལྟུང་བ་ཡང་བྱང་བར་འགྱུར་ཞིང་། མཚམས་མེད་པ་ལྔ་པོ་
D496.087.0100a01.01དག་ཀྱང་མ་ལུས་པར་འབྱང་བར་འགྱུར་རོ། །ཅི་སྐད་བཤད་པ་དེ་བཞིན་དུ་བྱེད་པ་དག་ལྟ་སྨོས་ཀྱང་ཅི་དགོས་གང་དག་འདིའི་སྔགས་འཛིན་པ་དེ་དག་ཀྱང་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་ལ་དགེ་བའི་རྩ་བ་བསྐྱེད་པར་འགྱུར་ན། བཟླས་བརྗོད་བྱེད་པ་དང་བསྒྲུབ་པ་ཡིད་ལ་བསམས་པ་ཐམས་
D496.087.0100a02.01ཅད་ཡོངས་སུ་རྫོགས་པར་འགྱུར་བ་ལྟ་ཅི་སྨོས། ཚེས་བཅུ་བཞིའམ་{བཅྭ་,བཅོ་}ལྔ་གང་གིས་སྨྱུང་བ་བྱས་ཏེ་བཟླས་བརྗོད་བྱས་པ་དེ་བསྐལ་པ་བཞིར་འཁོར་བ་ཕྱིར་སྙིལ་བར་འགྱུར་རོ། །རིགས་ཀྱི་བུ་ཁྲོ་བོའི་རྒྱལ་པོ་སངས་རྒྱས་འབུམ་ཕྲག་བྱེ་བས་མཆོད་པ་འདིའི་མིང་ཡང་དོན་ཡོད་པ་ཡིན་ཏེ། འདིའི་
D496.087.0100a03.01མིང་བཟུང་བས་སེམས་ཅན་ཐམས་ཅད་ཕྱིར་མི་ལྡོག་པར་འགྱུར་རོ། །ཁྲོ་བོའི་རྒྱལ་པོ་འདི་ནི་བརྗོད་པས་འགྲུབ་པའོ། །འདིས་སངས་རྒྱས་ཐམས་ཅད་བསྒྲལ་ཏོ། །སྐྱེས་པའི་རོ་བླངས་ལ་ནམ་ཕྱེད་ན་ཆུ་ངོགས་སུ་སོང་ལ་ཆུས་བཀྲུས་ལ། མེ་ཏོག་ལ་སོགས་པས་བརྒྱན་ཏེ། མགོ་
D496.087.0100a04.01ཤར་ཕྱོགས་སུ་བསྟན་ལ་སྒྲུབ་པ་པོ་གྲོགས་བཟང་པོ་དང་། རྩྭ་ཀུ་ཤ་སྦམས་པའི་སྟེང་དུ་འདུག་སྟེ། ཤུ་དག་དཀར་པོ་ལ་ལན་བདུན་སྔགས་ལ་ཁར་བཅུག་སྟེ་རོ་ཁ་དང་ཞེས་བྱེད་ཀྱི་བར་དུ་རིག་པའི་རྒྱལ་པོ་བཟླས་བརྗོད་བྱའོ། །དེ་ནས་སྒྲུབ་པ་པོས་འཇིགས་པ་མེད་པར་བྱས་ལ་རྐང་པ་གཡོན་
D496.087.0100a05.01པས་བྲང་དུ་མནན་ཀྱང་སྒྲ་དྲག་པོ་འབྱུང་སྟེ། དེ་ལ་ཡང་འཇིགས་པར་མི་བྱ་བར་རིག་སྔགས་འཆང་གིས་དུ་བ་བྱུང་གི་བར་དུ་རིག་པ་བཟླས་བརྗོད་བྱའོ། །དེ་ནས་ལན་བདུན་བཟླས་བརྗོད་བྱས་པའི་ཡུངས་ཀར་གྱིས་མགོ་ལ་བསྣུན་པར་བྱས་ཏེ། བསྣུན་མ་ཐག་ཏུ་མི་རོའི་ཁ་ནས་སྦྲུལ་སྣང་
D496.087.0100a06.01སྟེ་དེ་ལ་ཡང་འཇིགས་པར་མི་བྱ་བར་རིག་པ་དྲན་པར་བྱ་སྟེ་རེག་པར་བྱའོ། །རེག་མ་ཐག་ཏུ་རལ་གྲིར་གྱུར་ཏེ་སྙིང་པོ་དྲན་པར་བྱས་ལ་བླང་བར་བྱའོ། །བླངས་མ་ཐག་ཏུ་སྐྲ་ལྕང་ལོར་འཁྱིལ་པར་འགྱུར་རོ། །ལོ་བཅུ་དྲུག་ལོན་པ་ལྟ་བུར་འགྱུར་རོ། །རིག་སྔགས་འཆང་ཐམས་ཅད་ཀྱི་བདག་
D496.087.0100a07.01