完整藏文原文 · 德格版页 当前仅加载第 87 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པར་བྱ་བའི་ཕྱིར། དེང་ཕྱིན་ཅད་བསྲུང་བར་གྱིས་ཤིག །བསྟི་སྟང་དུ་གྱིས་ཤིག །རི་མོར་གྱིས་ཤིག །མཆོད་པ་གྱིས་ཤིག །དེ་ནས་ཐམས་ཅད་དང་ལྡན་པའི་འཁོར་དེས་མགྲིན་གཅིག་ཏུ་ཚིག་སྨྲས་པ། ཆོས་ཀྱི་རྗེས་བཀའ་སྩལ་པ་བཞིན་འཚལ་ལོ་ཞེས་བརྗོད་ནས་ཅང་མི་སྨྲ་
D496.087.0123b01.01བར་འཁོད་དོ། །དེ་ནས་ལག་ན་རྡོ་རྗེས་ཡང་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་སྨྲས་པ། རིགས་ཀྱི་བུ་དག་གང་ལ་ལ་ཞིག་མ་འོངས་པའི་དུས་ན་དེ་བཞིན་གཤེགས་པའི་སྔོན་གྱི་སྤྱོད་པའི་དཀྱིལ་འཁོར་ལ་བསྲུང་བ་བསྒྲུབ་པར་བརྩོན་པ། བྱང་ཆུབ་སེམས་དཔའི་སྤྱོད་
D496.087.0123b02.01པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་ཀྱི་དམ་ཚིག་ལས་འགལ་བར་བྱེད་ན། རིག་པའི་རྒྱལ་པོ་དྲག་པོས་རྡོ་རྗེ་འབར་བ་རབ་ཏུ་འབར་བ་ཀུན་དུ་མཆེད་ཅིང་རབ་ཏུ་འབར་བས་དེའི་མགོ་ཚལ་པ་བདུན་དུ་འགེམས་སོ། །དེ་ནས་བྱང་ཆུབ་སེམས་དཔའ་སེམས་དཔའ་
D496.087.0123b03.01ཆེན་པོ་ལག་ན་རྡོ་རྗེས་བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་སྟང་སྟབས་ཀྱི་མཚན་ཉིད་སྔོན་གྱི་སངས་རྒྱས་རྣམས་ཀྱིས་གསུངས་པ་བཤད་ཀྱིས་ཉོན་ཅིག །མཐུན་པའི་རྐང་སྟབས་བྱས་ནས་སུ། །དེ་བཞིན་གཤེགས་ལ་ཕྱག་
D496.087.0123b04.01བྱས་ནས། །སྔགས་པས་ཤར་ཕྱོགས་ཁ་བལྟས་ཏེ། །འགྲེང་ལ་ཐལ་མོ་མཚོག་མར་གཞག །གསང་སྔགས་ལྟ་བུར་འཇོ་མཆོག་གིས། །རྡོ་རྗེ་སྟངས་ཚུལ་གར་བྱེད་ཅིང་། །མཚོག་ནས་ཐལ་མོ་ཕབ་ནས་སུ། །སྙིང་གར་གཞག་པའི་ཚུལ་གྱིས་ནི། །ཕྱོགས་རྣམས་
D496.087.0123b05.01ཀུན་དུ་བསྐོར་བར་བྱ། །རྡོ་རྗེ་ཁུ་ཚུར་བཅངས་ནས་སུ། །ལག་པ་གཡས་པ་བཏེག་བྱས་ལ། །གཡོན་པ་རྐེད་པའི་རྒྱབ་ཏུ་གཞག །རྐང་པ་གཡས་པ་བཏེག་ནས་སུ། །གཡས་པ་བསྐུམ་པར་ལེགས་པར་སྦྱར། །གཡོན་པ་མཚོག་མར་བསྟོད་ནས་སུ། །སྡང་བ་
D496.087.0123b06.01ཀུན་ལ་བསྡིགས་པར་བྱ། །རྐང་པ་གཡས་པ་བརྐྱང་བྱ་ཞིང་། །གཉི་ག་རྡོ་རྗེ་ཁུ་ཚུར་བཅངས། །ཁྲོས་བཅས་ཧཱུཾ་ཞེས་བྱ་བས་བསྒྱིངས། །རྡོ་རྗེ་བསྣུན་པས་བསྣུན་པར་བྱ། །རྡོ་རྗེ་གར་གྱིས་བསྒྱུར་ནས་སུ། །རྐང་པ་གཡོན་པ་བསྐུམ་བྱས་ལ། །དེ་ལྟར་ཕྱོགས་བཞི་རྣམས་
D496.087.0123b07.01