完整藏文原文 · 德格版页 当前仅加载第 87 函德格 134b 版页；藏文 NFD、目录标记与异常页序保留在来源切片中，重复版页行以稳定序号区分。
བརྐྱང་སྟང་སྟབས་ཚུལ་གྱིས་སུ། །ཧཱུྃ་བཅས་བརྗོད་དེ་ཕོག་པར་བསྣུན། །གལ་ཏེ་ས་ཡི་འོག་གནས་སམ། །ཚངས་པའི་གནས་ན་གནས་གྱུར་ཏམ། །དྲག་པོས་བསྲུངས་པར་གྱུར་ཀྱང་རུང་། །རྡོ་རྗེ་འཕང་བར་བྱས་ནས་སུ། །རྡོ་རྗེ་མདའ་ཡིས་ཕོག་གྱུར་ན། །དེ་ནི་གསོན་པར་མི་
D496.087.0134b01.01བསམ་མོ། །འཕང་བའི་སྟང་སྟབས་སོ། །དེ་ནས་སློབ་དཔོན་རྡོ་རྗེ་འཆང་། །ཐབས་ཤེས་པ་ལ་མཁས་གྱུར་ཅིང་། །འཕང་པའི་ཚུལ་དུ་ལེགས་བསླབས་པ། །སྡང་བའི་སེམས་ཅན་གདུལ་བར་བྱ། །དེ་ནས་སློབ་དཔོན་རྡོ་རྗེ་འཆང་། །རྡོ་རྗེ་ཞགས་པ་ལེགས་བསླབས་པས། །
D496.087.0134b02.01སྲིད་པ་གསུམ་ལ་ཁྱབ་ལུས་ཀྱིས། །བགེགས་རྣམས་ཐམས་ཅད་གདུལ་བར་བྱ། །མཐུན་པའི་རྐང་སྟབས་བྱས་ནས་སུ། །རྐང་པ་བཞག་པའི་ཚུལ་གྱིས་ནི། །ལག་པ་གཡས་དང་གཡོན་པ་ཡིས། །ཐལ་མོ་ཁོང་སྟོང་སྦྱར་བར་བྱ། །དེ་ཡི་ཕྱག་རྒྱ་བཅིངས་ནས་སུ། །ཕྱོགས་
D496.087.0134b03.01རྣམས་ཀུན་དུ་བསྐོར་བྱས་ན། །སྲིད་པ་གསུམ་ཡང་འགུགས་འགྱུར་ན། །ལོག་འདྲེན་བགེགས་རྣམས་སྨོས་ཅི་དགོས། །དགུག་པའི་རྡོ་རྗེའི་ཕྱག་རྒྱའོ། །དེ་ནས་སློབ་དཔོན་རྡོ་རྗེ་འཆང་། །མཐུན་པའི་རྐང་སྟབས་བྱས་ནས་སུ། །པདྨའི་ཐལ་མོ་སྦྱར་བྱས་ལ། །ཕྱོགས་
D496.087.0134b04.01རྣམས་ཀུན་དུ་རྒྱས་པར་བྱ། །རྐང་སྟབས་བཞག་པའི་ཚུལ་གྱིས་སུ། །གནས་ནི་མྱུར་དུ་བཟུང་བྱས་ལ། །རྡོ་རྗེ་ཁུ་ཚུར་སྙིང་གར་བཞག །ཁྲོས་པས་ཧཱུྃ་གི་སྒྲ་བརྗོད་དེ། །རྒྱ་མཚོ་བཞི་པོའི་ཀླུ་རྣམས་ལ། །རྡོ་རྗེའི་ལག་པས་བསྣུན་པར་བྱ། །ཀླུ་སྐྲག་ཐལ་མོ་སྦྱར་བ་དག །རྒྱ་མཚོ་
D496.087.0134b05.01ནས་ནི་འཐོན་པར་གྱུར། །གང་དག་ས་ཡི་འོག་གནས་པ། །ལྷ་མིན་སྲིན་པོ་གསང་བ་རྣམས། །བསྒོ་བའི་ལུང་ལ་བརྩོན་ཡིད་ཀྱིས། །ཅི་ཚོལ་ཅིག་ཅེས་འཁོད་པར་བྱེད། །རྡོ་རྗེ་འབར་བས་བདག་ཉིད་གཟིར། །གནོད་སྦྱིན་མོའམ་སྲིན་མོའམ། །ལྷ་མིན་མོའམ་ཀླུ་མོའམ། །
D496.087.0134b06.01བཅུད་ཀྱིས་ལེན་ནམ་དངུལ་ཆུའམ། །རིན་ཆེན་རྣམས་དང་ནོར་བུ་རྒྱལ། །དཔལ་དང་ཕུན་སུམ་འདོད་ལྡན་ནམ། །ཐུགས་ལ་ཅི་དང་ཅི་བཞེད་པ། །བདག་ཅག་རྣམས་ལ་བཀའ་མྱུར་སྩོལ། །སྔགས་པས་གང་ཡང་རུང་བླངས་ལ། །གསང་བ་ཀུན་དུ་གཏད་བར་བྱ། །བསྒོ་
D496.087.0134b07.01