完整藏文原文 · 德格版页 当前仅加载第 87 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
རྟག་ཏུ་མི་སྣང་གྱུར་པ་ཡིན། །རིལ་བུ་གཞན་ཡང་ཡོད་དེ། ཤིང་ཏིལ་ཀའི་མེ་ཏོག་དང་། བྱི་ལ་ནག་པོའི་སྙིང་དང་། ཕ་བང་གི་སྙིང་སྐམ་པོ་བཏགས་ལ། ཆར་བས་སྦྲུས་པའི་རིལ་བུ་ཡང་སྔ་མ་བཞིན་ཏེ་མི་སྣང་བར་འགྱུར་རོ། །རིལ་བུ་གཞན་ཡང་ཡོད་དེ། ཤིང་པ་ན་སའི་ས་བོན་
D496.087.0090b01.01དང་། ཛི་བན་ཏའི་ས་བོན་དང་། ཤིང་ཨ་གསྟའི་མེ་ཏོག་དང་། བྱི་རུ་དང་། སྟོང་ཟིལ་དང་། ཤིང་ཀཉྩ་ནའི་མེ་ཏོག་རྣམས་ཆ་བསྙམས་པ་ཡང་སྔ་མ་བཞིན་ཏེ་མི་སྣང་བར་འགྱུར་རོ། །ཤེལ་དང་། ལྷང་ཚེར་དང་། ཤིང་བ་རུ་ཎའི་ས་བོན་དང་དྲི་སན་ཏའི་ས་བོན་རྣམས་ཆ་བསྙམས་
D496.087.0090b02.01བ་ཡང་སྔ་མ་བཞིན་ཏེ་མི་སྣང་བར་འགྱུར་རོ། །རིལ་བུ་གཞན་ཡང་ཡོད་དེ། དུང་གི་ལྟེ་བ་དང་། ཨ་ག་ནི་ཛ་ལ་དང་། ལྡོང་རོས་རྣམས་ཆ་བསྙམས་པ་ཡང་སྔ་མ་བཞིན་ཏེ་མི་སྣང་བར་འགྱུར་རོ། །རིལ་བུ་གཞན་ཡང་ཡོད་དེ། དུག་དང་། བོང་བ་དང་། ལངྐ་ལི་དང་། དུ་
D496.087.0090b03.01རུ་སྐའི་རྩ་བ་དང་དེ་དག་ཆ་བསྙམས་པ་ཡང་སྔ་མ་བཞིན་དུ་གྲུབ་པར་འགྱུར་རོ། །རིལ་བུ་གཞན་ཡང་ཡོད་དེ། ཤིང་མ་དུ་ཀའི་སྙིང་པོ་དང་། ཤིང་སཱ་ལ་སེར་པོའི་སྙིང་པོ་དང་། ཁབ་ལོང་རྣམས་ཆ་བསྙམས་པ་ཡང་སྔ་མ་བཞིན་ཏེ་མི་སྣང་བར་འགྱུར་རོ། །ཞི་བའི་བློ་གྲོས་འདི་
D496.087.0090b04.01དག་ནི་སྔོན་གྱི་དེ་བཞིན་གཤེགས་པ་རྣམས་ཀྱིས་སེམས་ཅན་ཐམས་ཅད་ཀྱི་དོན་དང་། ཕན་པ་དང་བདེ་བའི་ཕྱིར་གསུངས་ཤིང་བྱིན་གྱིས་བརླབས་པའོ། །ཞི་བའི་བློ་གྲོས་བྱང་ཆུབ་སེམས་དཔའི་སྤྱོད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་སེམས་དཔའ་
D496.087.0090b05.01ཆེན་པོ་གང་ལ་ལ་ཞིག་རིལ་བུ་འདི་དག་བསྒྲུབ་པའི་ཕྱིར་རྟག་ཏུ་མངོན་པར་བརྩོན་པར་བྱེད་པ་དེའི་ཚེ་འདི་ལ་ཆོས་གཉིས་རེ་བར་བྱ་སྟེ། གཉིས་གང་ཞེ་ན་འདི་ལྟ་སྟེ། སྐྱེ་བོ་ཐམས་ཅད་དགའ་བར་འགྱུར་བ་དང་། ཡོངས་སུ་མི་ཉམས་པའི་ཆོས་ཉིད་དུ། དེ་བཞིན་གཤེགས་པ་
D496.087.0090b06.01ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །གཞན་ཡང་ཆོས་གཉིས་ཏེ་ཚེ་འདི་ལ་དངོས་གྲུབ་ལ་ངེས་པར་གཞོལ་བར་གྱུར་པ་དང་། ཤི་འཕོས་ནས་ཀྱང་རྡོ་རྗེའི་རིགས་སུ་གཞོན་ནུའི་ལུས་ཐོབ་པར་འགྱུར་རོ། །ཡང་གཉིས་ཏེ་འདི་ལྟ་སྟེ། ནད་ཐམས་ཅད་ལས་
D496.087.0090b07.01