完整藏文原文 · 德格版页 当前仅加载第 87 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱིན་པར་མཛད་དོ། །ཅི་སྟེ་རི་མོའི་སྐུ་གཟུགས་བསྒྲུབ་པར་འདོད་ན་བྲམ་ཟེའམ། རྒྱལ་རིགས་ཀྱི་བུ་མོ་གཟུགས་བཟང་བ་ཡན་ལག་ཐམས་ཅད་ཡོངས་སུ་རྫོགས་པ་གསོ་སྦྱོང་གཟུང་བ་ཞིག་ལ་རིན་ལ་མ་བརྩེགས་པར་ཉོས་པའི་ཤིང་བལ་འཁལ་དུ་བཅུག་ལ། ཚེས་
D496.087.0077a01.01གྲངས་དང་། བྱེད་པ་དང་། ཡུད་ཙམ་བཟང་པོ་ལ་ཡན་ལག་ཐམས་ཅད་ཡོངས་སུ་རྫོགས་པའི་ཐ་ག་པ་འཐག་ཏུ་བཅུག་སྟེ། བའི་ལྕི་བ་ས་ལ་མ་ལྷུང་བས་དཀྱིལ་འཁོར་བསྐུས་ལ་སྦོས་དང་། མེ་ཏོག་དང་། བདུག་པ་ལ་སོགས་པས་མཆོད་དོ། །སྐྲ་མེད་པ་དང་མཉམ་པ་
D496.087.0077a02.01དང་འཇམ་པར་བྱའོ། །ཐ་ག་པའི་ཐགས་ཆ་རྣམས་ཀྱང་བའི་སྣ་ལྔ་དང་སྤོས་ཆུས་བཀྲུའོ། །ཞི་བའི་བློ་གྲོས་ཐམས་ཅད་ཀྱང་རྡོ་རྗེ་དྲག་པོའི་སྙིང་པོས་ལུས་བསྲུང་བར་བྱའོ། །རི་མོ་མཁན་གསོ་སྦྱོང་གཟུང་བ་དང་། མཁས་པ་དང་། དད་པ་དང་སྙིང་རྗེ་དང་ལྡན་པ། སེར་
D496.087.0077a03.01སྣ་མེད་པ་ཡན་ལག་ཐམས་ཅད་ཡོངས་སུ་རྫོགས་པ་ཞིག །ས་ཕྱོགས་དབེན་ཞིང་དུགས་མེད་པ། གཙང་མ་མེ་ཏོག་བཀྲམ་པར་ཨ་ག་རུའི་བདུག་པ་བསྲེག་ཅིང་། ཚོན་རྩི་སར་པ་སྦྱིན་དང་མ་འདྲེས་པའི་ཚོན་གྱིས་འདྲིར་གཞུག་གོ། །ཞི་བའི་བློ་གྲོས་ཡང་ན་སྒྲུབ་པ་པོ་བདག་
D496.087.0077a04.01ཉིད་ཀྱིས་བྲི་བར་བྱའོ། །གདུགས་དང་། རྒྱལ་མཚན་དང་། བ་དན་བསྒྲེང་ཞིང་སིལ་སྙན་དང་། དགའ་བར་འགྱུར་བའི་སྒྲ་མང་པོ་དང་། ཤིས་པ་རྒྱ་ཆེན་པོ་དང་། བཀྲ་ཤིས་པ་བརྗོད་པ་རྣམས་ཀྱིས་མཆོད་པར་བྱའོ། །ཞི་བའི་བློ་གྲོས་སྒྲུབ་པ་པོ་བྱམས་པའི་སེམས་
D496.087.0077a05.01དང་ལྡན་པ་ཐོད་ཟེའུ་ཀ་བཅིངས་པ་སྔགས་བགྲང་ནོར་བུ་འཕྱང་བ་དང་བཅས་པར་རི་མོ་མཁན་གྱི་རྒྱབ་ན་འདུག་ཅིང་། བཅོམ་ལྡན་འདས་འཁོར་ལོས་སྒྱུར་བ་ཆེན་པོའི་གཟུགས་དང་ཁ་དོག་བསམ་པར་བྱའོ། །ཕྱག་རྒྱ་དང་ཡི་གེ་རྣམས་ཀྱང་བསམ་ཞིང་བཅོམ་ལྡན་འདས་
D496.087.0077a06.01འཁོར་ལོས་སྒྱུར་བ་ཆེན་པོ་བྲི་བར་བྱ་སྟེ། པདྨ་དཀར་པོ་ལ་བཞུགས་པ་གསེར་གྱི་ཁ་དོག་གི་མདོག་ཅན་མེ་ལྕེ་འབར་བ་ལང་ལོང་དུ་གྱུར་པ། ཐོར་ཚུགས་ཅན་དར་རམ་རས་ཀྱི་ཤམ་ཐབས་མནབས་པ། ན་བཟའ་བླ་གོས་དར་ལ་མནབས་པ། ཏིང་ངེ་འཛིན་དུ་སྙོམས་པར་
D496.087.0077a07.01