完整藏文原文 · 德格版页 当前仅加载第 87 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
གྲོས་དེ་དེ་བཞིན་ནོ། །དེ་དེ་བཞིན་ཏེ། ཅི་སྐད་སྨྲས་པ་དེ་བཞིན་ནོ། །བཅོམ་ལྡན་འདས་འཁོར་ལོས་སྒྱུར་བ་ཆེན་པོ་ནི་ཡོན་ཏན་གྱི་ཚོགས་དཔག་ཏུ་མེད་པ་དང་ལྡན་ནོ། །ཞི་བའི་བློ་གྲོས་འདི་ལྟ་སྟེ་དཔེར་ན། ས་ཆེན་པོ་འདི་ནི་སེམས་ཅན་ཐམས་ཅད་ཉེ་བར་
D496.087.0076a01.01འཚོ་ཡངས་ཆེན་པོ་འདི་ནི་མི་རྟོག་རྣམ་པར་མི་རྟོག་གོ། །དེ་བཞིན་དུ་བཅོམ་ལྡན་འདས་འཁོར་ལོས་སྒྱུར་བ་ཆེན་པོ་ཡང་མི་རྟོག་རྣམ་པར་མི་རྟོག་གོ། །དེ་ཅིའི་ཕྱིར་ཞེ་ན། ས་ཆེན་པོ་ནི་རྣམ་པར་མི་རྟོག་པའི་ཕྱིར་རོ། །ཞི་བའི་བློ་གྲོས་འདི་ལྟ་སྟེ་དཔེར་ན། ས་ཆེན་པོ་འདི་ནི་ལོ་ཏོག་
D496.087.0076a02.01ཐམས་ཅད་སྐྱེད་དོ། །སེམས་ཅན་ཐམས་ཅད་ཀྱི་རེ་བ་ཐམས་ཅད་ཡོངས་སུ་རྫོགས་པར་བྱེད་དོ། །ཞི་བའི་བློ་གྲོས་དེ་བཞིན་དུ་བཅོམ་ལྡན་འདས་འཁོར་ལོས་སྒྱུར་བ་ཆེན་པོ་ཡང་ཐོས་པ་དང་། བསམས་པ་དང་། བསམ་གཏན་དང་། བཟླས་བརྗོད་བྱེད་པ་དང་། བསྒྲུབས་
D496.087.0076a03.01པས་ཀྱང་རྣམ་པ་ཐམས་ཅད་དུ་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པ་རྣམས་ཀྱི་བསམ་པ་ཐམས་ཅད་ཡོངས་སུ་རྫོགས་པར་མཛད་དོ། །ཞི་བའི་བློ་གྲོས་འདི་ལྟ་སྟེ། དེ་བཞིན་གཤེགས་པ་བསམ་གྱིས་མི་ཁྱབ་པ་ཉིད་དོ། །ཀླུ་བསམ་གྱིས་མི་ཁྱབ་
D496.087.0076a04.01པ་ཉིད་དོ། །བསམ་གཏན་བསམ་གྱིས་མི་ཁྱབ་པ་ཉིད་དོ། །བདུད་བསམ་གྱིས་མི་ཁྱབ་པ་ཉིད་དོ། །ལས་བསམ་གྱིས་མི་ཁྱབ་པ་ཉིད་དོ་ཞེས་གང་དག་ཡང་དག་པར་སྨྲ་བས་སྨྲས་པ་དེ་དག་ནི་འཁོར་ལོས་སྒྱུར་བ་ཆེན་པོ་འདི་ཉིད་ལ་ཡང་དག་པར་སྨྲ་བས་སྨྲ་བ་ཡིན་ནོ། །དེ་
D496.087.0076a05.01ཅིའི་ཕྱིར་ཞེ་ན། བསམ་གྱིས་མི་ཁྱབ་པ་ཉིད་དེ་དག་ཐམས་ཅད་ནི་འདི་ལས་འབྱུང་བའི་ཕྱིར་རོ། །ཞི་བའི་བློ་གྲོས་འཇིག་རྟེན་པའམ་འཇིག་རྟེན་ལས་འདས་པའི་བསམ་གཏན་ཁ་ཅིག། བསམ་གཏན་བསྒྲུབ་པའམ། བདུད་དམ། འདོད་པའི་ཁམས་ཀྱི་དབང་ཕྱུག་
D496.087.0076a06.01གམ། ཀླུའམ་སངས་རྒྱས་བཅོམ་ལྡན་འདས་བསམ་གྱིས་མི་ཁྱབ་པའི་ཆོས་དང་ལྡན་པར་གྱུར་པ་རྣམས་ཀྱང་། བཅོམ་ལྡན་འདས་འཁོར་ལོས་སྒྱུར་བ་ཆེན་པོ་འདི་ཉིད་ཀྱིས་བྱིན་གྱིས་བརླབས་པ་ཡིན་ནོ། །རྫུ་འཕྲུལ་རྣམ་པར་འཕྲུལ་པ་སྣ་ཚོགས་ཀྱང་སྟོན་ཏོ། །ཞི་བའི་བློ་
D496.087.0076a07.01