完整藏文原文 · 德格版页 当前仅加载第 87 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་ཅིང་གསང་སྔགས་ཀྱི་ཚིག་འདི་དག་ཀྱང་གསུངས་སོ། །སྱཱ་དྱ་ཐེ་དཾ། རུ་རུ་ལེ་ལེ། བུདྡྷ་མ་ཏཾ་གི །པུཀྐ་སི། ཤ་བ་རི་ཀ །གྲྀཧྞ་ཁཱ་ད་ཡ་སྭཱ་ཧཱ། ཞི་བའི་བློ་གྲོས་དེའི་ཚེ་དེའི་དུས་ན་རིག་པའི་རྒྱལ་པོ་འདི་བསྒྲུབ་པའི་བྲམ་ཟེ་བློ་གྲོས་ལྡན་ཞེས་བྱ་བ་བྱུང་བ་དེ་གཞན་
D496.087.0080a01.01ཞིག་ཡིན་སྙམ་དུ་ཁྱོད་དོགས་སམ་ཡིད་གཉིས་ཟ་ན་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ཞི་བའི་བློ་གྲོས་རྡོ་རྗེ་འཆང་སྤྲོས་པ་མེད་པར་གནས་པ་ཞེས་བྱ་བ་འཁོར་གྱི་དཀྱིལ་འཁོར་གྱི་ཁྱམས་འདི་ཉིད་དུ་འདུས་པ་ཡིན་ཏེ། སྤྲོས་པ་རབ་འབྱམ་རྒྱ་ཆེན་པོ་མཐའ་ཡས་པ་ལ་
D496.087.0080a02.01མཁས་པ་དེས་གསང་སྔགས་འདི་དང་བདུག་པ་ཡང་ད་རྙེད་དེ་བསྒྲུབས་སོ། །ཅི་སྟེ་རི་མོའི་སྐུ་གཟུགས་བསྒྲུབ་པར་འདོད་ན། སྔ་མ་བཞིན་དུ་རི་མོ་མཁན་གསོ་སྦྱོང་བཟུང་བས། ཚོན་རྩི་སྦྱིན་དང་མ་འདྲེས་པ་དག་གིས་རས་ལ་ལག་ན་རྡོ་རྗེ་ཨུཏྤ་ལའི་འདབ་མའི་མདོག་ལྟ་བུ་འམ་པྲི་ཡང་
D496.087.0080a03.01ཀུའི་ཁ་དོག་ལྟ་བུའི་སྔོ་བསངས་སམ། མརྒད་ཀྱི་ཁ་དོག་ལྟ་བུའི་སྔོ་བསངས་སུ་བྲི་བར་བྱ་སྟེ། བཟུར་ཏེ་ཕྱེད་སྣང་བ་རྒྱན་ཐམས་ཅད་ཀྱིས་བརྒྱན་པ་བཞིན་ཅུང་ཟད་ཁྲོས་པ་དང་བཅས་པ་གོས་ཚིག་གུ་གྱོན་པ། རིན་པོ་ཆེའི་བྲག་ལ་རིན་པོ་ཆེའི་ཕུག་ན་ཚུལ་བཞིན་དུ་ཤིས་ཤིང་
D496.087.0080a04.01སྐྱིལ་མོ་ཀྲུང་ཕྱེད་བཅས་ཏེ་འདུག་པ། བསྒྱིངས་པ་དང་བཅས་པ་བསྙེམས་པ་དང་བཅས་པ། མེ་ལྕེ་འབར་བའི་ཕྲེང་བ་ཅན། ལག་པ་གཡས་པ་ན་རྡོ་རྗེ་འབར་བ་དང་བཅས་པ་གསོར་བ་བྲི་བར་བྱའོ། །དེའི་མགོ་བོའི་གཡས་རོལ་གྱི་སྟེང་དུ་ཧ་ཅང་ཡང་མི་རིང་བར། དེ་
D496.087.0080a05.01བཞིན་གཤེགས་པ་དྲི་ཞིམ་སྣང་དཔལ་པདྨ་དཀར་པོ་ལ་སྐྱིལ་མོ་ཀྲུང་དུ་བཞུགས་པ། མཚན་ཐམས་ཅད་དང་ལྡན་པ་རིག་པའི་རྒྱལ་པོ་དབུགས་འབྱིན་པར་མཛད་པར་བྲིའོ། །གཡོན་རོལ་དུ་དེ་བཞིན་གཤེགས་པ་རྡོ་རྗེ་སྲ་བས་རབ་ཏུ་འཇོམས་པ་དབུགས་འབྱིན་པ་སྔ་མ་
D496.087.0080a06.01བཞིན་ནོ། །ལག་ན་རྡོ་རྗེའི་འོག་གཡས་རོལ་དུ་ཕྱག་བརྙན་སོག་མའི་དུ་བའི་མདོག་ལྟ་བུའི་གོས་དྲི་མ་ཅན་གྱོན་པ། སྐྲ་ཁམ་པ་གྱེན་དུ་འགྲེང་བ། མིག་དམར་བ། དཔྲལ་བ་ཁྲོ་གཉེར་གྱི་རིམ་པ་དང་བཅས་པ། ལག་ན་ཞགས་པ་དང་རལ་གྲི་ཐོགས་པ། བཀའ་ནོད་
D496.087.0080a07.01