完整藏文原文 · 德格版页 当前仅加载第 87 函德格 36a 版页；藏文 NFD、目录标记与异常页序保留在来源切片中，重复版页行以稳定序号区分。
ཁང་དང་རྟ་བབས་དང་མུ་རན་ཤིན་ཏུ་རྣམ་པར་ཕྱེ་བ་ཁོར་ཡུག་ཆེན་པོས་ཡོངས་སུ་བསྐོར་བའོ། །དེའི་ནང་རོལ་དུ་ནི་འཇིག་རྟེན་པའི་ལྷ་རྣམས་འཁོར་དང་བཅས་པ་བྲིའོ། །དེ་ལ་ཤར་ཕྱོགས་སུ་ནི་ལྷའི་དབང་པོ་བརྒྱ་བྱིན་འཁོར་དང་བཅས་པ་རྡོ་རྗེའི་ཕྱག་རྒྱ་དང་བཅས་པ་
D496.087.0036a01.01བྲིའོ། །དེའི་བྱང་ཕྱོགས་སུ་ནི་ཚངས་པ་འཁོར་དང་བཅས་པ་པདྨའི་ཕྱག་རྒྱ་དང་བཅས་པ་བྲིའོ། །ཚངས་པའི་བྱང་ཕྱོགས་སུ་ནི་དབྱངས་ཅན་འཁོར་དང་བཅས་པ་པི་བང་གི་ཕྱག་རྒྱ་དང་བཅས་པ་བྲིའོ། །དེ་དང་ཉེ་བར་སའི་ལྷ་མོ་འཁོར་དང་བཅས་པ་བུམ་པའི་ཕྱག་རྒྱ་དང་བཅས་པ་བྲིའོ། །
D496.087.0036a02.01དེའི་བྱང་ཕྱོགས་སུ་ནི་དཔལ་ཆེན་མོ་འཁོར་དང་བཅས་པ་པདྨའི་ཕྱག་རྒྱའམ་ཡིད་བཞིན་གྱི་ནོར་བུའི་ཕྱག་རྒྱ་དང་བཅས་པ་བྲིའོ། །དབང་ལྡན་གྱི་ཕྱོགས་སུ་ནི་འབྱུང་པོའི་བདག་པོ་དབང་ལྡན་འཁོར་དང་བཅས་པ་མདུང་རྩེ་གསུམ་པའི་ཕྱག་རྒྱ་དང་བཅས་པ་བྲིའོ། །བརྒྱ་བྱིན་གྱི་ལྷོ་
D496.087.0036a03.01ཕྱོགས་སུ་ནི་ཉི་མ་འཁོར་དང་བཅས་པ་ཤིང་རྟའི་ཕྱག་རྒྱ་དང་བཅས་པ་བྲིའོ། །མེའི་ཕྱོགས་སུ་ནི་དྲང་སྲོང་མེ་ལྷ་འཁོར་དང་བཅས་པ་མི་འཇིགས་པ་སྦྱིན་པའི་ཕྱག་རྒྱ་དང་བཅས་པ་བྲིའོ། །ལྷོ་ཕྱོགས་སུ་ནི་གཤིན་རྗེ་འཁོར་དང་བཅས་པ་གཤིན་རྗེའི་བེ་ཅོན་གྱི་ཕྱག་རྒྱ་དང་བཅས་པ་བྲིའོ། །
D496.087.0036a04.01དེའི་ཤར་ཕྱོགས་སུ་ནི་འཆི་བདག་གི་དྲིལ་བུ་བྲིའོ། །མཚན་མོ་ནག་མོའི་ནི་ཏོག་གོ། །ནག་མོའི་ནི་ཞགས་པའོ། །དྲག་པོའི་ཆུང་མའི་ནི་མདུང་རྩེ་གསུམ་པའོ། །ཚངས་པའི་ཆུང་མའི་ནི་པདྨའོ། །ཁྱབ་འཇུག་གི་ཆུང་མའི་ནི་འཁོར་ལོའོ། །གཞོན་ནུའི་ཆུང་མའི་ནི་མདུང་ཐུང་ངོ་། །
D496.087.0036a05.01ཕག་གི་ཆུང་མའི་ནི་ཐོ་བའོ། །ཙཱ་མུཎྜིའི་ནི་མི་ཐོད་དོ། །དབང་པོའི་ཆུང་མའི་ནི་རྡོ་རྗེའོ། །ལུས་ངན་གྱི་ཆུང་མའི་ནི་དབྱུག་ཏོའོ། །གཤིན་རྗེའི་ནུབ་ཕྱོགས་སུ་ནི་{ཡི་དགས་,ཡི་དྭགས་}རྣམས་འཁོར་དང་བཅས་པ་ཁའི་ཕྱག་རྒྱ་དང་བཅས་པ་བྲིའོ། །ཤ་ཟ་རྣམས་ནི་དྲ་བ་རྡོ་རྗེ་ཅན་གྱི་ཕྱག་རྒྱ་དང་བཅས་
D496.087.0036a06.01པ་བྲིའོ། །གནོན་པོ་རྣམས་ནི་ལྕགས་ཀྱི་རྡོ་རྗེ་ཅན་གྱི་ཕྱག་རྒྱ་དང་བཅས་པ་བྲིའོ། །གྲིབ་གནོན་རྣམས་ནི་གདུགས་རྡོ་རྗེ་ཅན་གྱི་ཕྱག་རྒྱ་དང་བཅས་པ་བྲིའོ། །བརྗེད་བྱེད་རྣམས་ནི་ལག་པ་བྲང་ལ་བཅར་བའི་ཕྱག་རྒྱ་དང་བཅས་པ་བྲིའོ། །མཁའ་འགྲོ་མ་རྣམས་ནི་ལག་པ་བཀན་པའི་
D496.087.0036a07.01